تازه خبرونه
د میانمار یا پخوانۍ برما د مسلمانانو کورونه سوځول شوي
د غربی رسنیو د رپوت له مځې؛ د میانمار یا پخوانۍ برما په رخاین ولایت کې، چې اکثره او سیدونکي یې مسلمانان دي؛ له ۲۶۰۰ ډېر کورونه سوځول شوي، څه باندې ۴۰۰ کسان وژل شوي او لسګونه زره نور ګاونډ هېواد بنګله دېش ته کډه شوي، چې دې پېښې د نړۍ په ګډون په افغانستان کې هم د اجتماعي شبکو بېلا بېل غبرګو نونه را پارولي دي.
د برما حکومت هم تائیدوي، چې دا د روهنګیا د مسلمانانو خلاف یوه تر ټولو تاوتریخجنه پېښه ده. که څه هم له دې وړاندې د دې سیمې له مسلمانانو سره له دې د خورا خونړیو او بې رحمانه پېښو راپورونه ورکړ شوي دي.
د یو نسیف د رپوت له مخې؛ تر اوسه پورې نږدې ۷۰ زره روهنګیايي مسلمانان ګاونډ هېواد بنګله دېش ته مهاجر شوي دي، چې دغه بهیر په نړۍ او افغانستان کې پر اجتماعې شبکو د برما د حکومت پرضد بېلابېل غبرګونونه راپارولي دي.
یو شمېر افغانان پر مسلمانو هېوادونو غږ کوي، چې د برما له مسلمانانو سره د مرستې لپاره راودانګي .
د دوی په وینا؛ مونږ له مسلمانو هېوادونو غوښتنه کوو، چي د برما له مسلمانانو سره مرسته وکړي، چې هغوۍ له ستونزو خلاص شي.
مونږه له نړیوالي ټولڼي او د بشري حقونو خپلواکو کمیسیون څخه غوښتنه کوو، چې د برما له ملسمانانو سره بېړنۍ مرسټي وکړي.
زه له غربی هېوادونو، چې ځانونه د اسلامي نړۍ په رهبرۍ کې شمېر غواړم له غربیانو سره، چې مرسته کوي؛ اوس دي خپلو مسلمانانو وروټنو ته د همکارۍ وغزوي.
د میانمار چارواکي د روهنګیا اراکان د ژغورنې پوځ په نوم وسلواله ډله د روهنګیايي مسلمانانو خلاف د تشدد مسووله بولي؛ خو بنګله دېش ته تللي کډوال وايي، چې پوځیانو د دوی کورونه سوځولي او لوټ کړي دي.
د افغانستان د بهرنیو چارو وزارت د برما د مسلمانانو عامه وژنه په سختو ټکو کې غندلې او دا عمل یې بشري ضد، له کرکې ډک او وحشیانه نومولی دی.
د روهنګیا د مسلمانانو او پوځ ترمنځ يه شخړو کې لږترلږه ۴ سوه تنه وژل شوي دي.