تازه خبرونه
د لندن درې اړخیزه غونډه مثبته وه- افغان سفیر زاخېلوال
په پاکستان کې افغان سفیر حضرت عمر زاخېلوال وایي، چې د افغانستان او پاکستان د جګپوړو چارواکو لومړنی غونډه د لندن په کوربتوب مثبته او رغنده وارزول شوه.
په لندن کې د افغانستان د ملي امنیت سلاکار حنیف اتمر، د پاکستان د ملي امنیت له سلاکار سرتاج عزیز او د انګلستان د ملي امنیت له سلاکار مارک ګراند سره درې اړخیزه غونډه درلوده.
که څه هم غونډه د رسنیو له دیده لیرې وه؛ خو په دې غونډه کې د پاکستان او افغانستان پر اندېښنو بحثونه وشول.
د پاکستان د بهرنیو چارو وزارت ویاند نفیس ذکریا د دې غونډې په تړاو وایي؛ حنیف اتمر او سرتاج عزیز تفاهم وکړ، چې د باور را منځته کولو لپاره ګامونه پورته کړي او د یو او بل اندېښنو ته پام وکړي.
د نوموړي په وینا؛ په دې غونډه کې د پاکستان پر ضد د افغانستان د خاورې د استعمال، د افغانستان په خاوره کې د ترهګرو د خوندي پناه ځایونو او د پاکستان د ناامنه کولو لپاره د هغوي پر تمویل بحث وشو.
نوموړي دا هم په ډاګه کړې؛ په دې غونډه کې دواړو خواوو هوکړه وکړه، چې د دواړو لوریو اندېښنو ته د لاسرسي لپاره باید یوه ګډه تګلاره جوړه شي.
په پاکستان کې د افغاستان سفیر حضرت عمر زاخېلوال، چې په دې غونډه کې حاضر و، له رسنیو سره په خبرو کې ویلي؛ دغه غونډه مثبته او رغنده وه.
د نوموړي د وینا له مخې؛ د دې غونډې پر بریا به د دواړو هېوادونو د خلکو له خوا قضاوت وشي، چې دواړه ګاونډ حکومتونه څرنګه په سوله ییز ډول د ژوند کولو لپاره د خلکو غوښتنو ته ځواب وایي. مونږ ډاډه یو، چې که د افغانستان او پاکستان په توافق هوکړه عملي شي؛ د دواړو لوریو تر منځ به د باور را منځته کولو لپاره عملي ګامونه پورته شي او د دواړو دولتونو تر منځ به همکاري زیاته شي.
په داسې حال کې، چې د افغانستان او پاکستان تر منځ د ترینګلو اړیکو د رغولو لپاره لندن کې غونډه وشوه؛ خو د پاکستان په قبایلي سیمه کې د جمعې په ورځ په یوه نښته کې دوه پاکستاني پوځیان ووژل شول. یوه پاکستاني چارواکي ادعا وکړه، چې ترهګر د افغانستان له خاورې راغلي وه. دغه راز د جمعې په ورځ سهار مهال په خوست کې د ملي اردو پر یوه مرکز ځانمرګی برید وشو، چې یو تن په کې ووژل شو او له لس ډېر ټپیان دي
خبریال: قیام نوري.
تازه خبرونه
امیرخان متقي په کابل کې د ملګرو ملتونو له ۲۱ کسیز پلاوي سره وکتل
د بهرنیو چارو وزارت چارسمبالي امیرخان متقي د ملګرو ملتونو مالي او اداري مشورتي کمیټې له ۲۱ کسیز پلاوی سره، چې کابل ته د لومړیتوبونو د څېړلو لپاره راغلی؛ په کتنه کې ویلي: اسلامي امارت نهغواړي، چې افغانستان د ډېر وخت لپاره پر بشردوستانه مرستو تکیه وکړي او دا مرستې باید اوس پر کار، کورنیو تولیداتو او صنایعو ولګول شي.
د دغې کمیټې مشر بچار بونګ عبدالله له امیر خان متقي سره په خبرو کې ویلي، چې کابل ته د دوی د سفر موخه په افغانستان کې د یوناما د چارو ارزونه ده او دوی غواړي، چې د افغان لوري لومړیتوبونه وڅېړي او د ملګرو ملتونو عمومي ناستې ته یې وړاندې کړي.
امیرخان متقي د منځنۍ سوداګرۍ وده، پراختیایي پروژو ته پاملرنه، د کروندګرو لپاره د بدیل کښت برابرولو او په بشري مرستو پورې محدود نهپاتې کیدل مهم لومړیتوبونه وګڼل او څرګندوي، چې له څو کلنو جګړو او بې ثباتیو وروسته د ټاپي پروژې، کاسا -۱۰۰۰، افغان ټرانس اورګاډي پټلۍ سترو پرژو عملي کېدو ته زمینه برابره ده.
په دې اړه د بهرنیو چارو وزارت په خبرپاڼه کې رغلي: مرستې بايد په داسې ډول ولګول شي، چې خلکو ته کار پيدا شي، کورني توليدات او صنعت وده وکړي او افغانستان له خپلو بازارونو څخه خپلې اړتياوې پوره کړي او د افغانستان د خصوصي سکټور ملاتړ رامنځته شي. دغه راز د کروندګرو لپاره بدیل کښت برابر او د وړو کسبونو ملاتړ وشي.
د بهرنیو چارو وزارت چارسمبالي زیاته کړې؛ اسلامي امارت نه غواړي، چې په اوږدمهاله بشري مرستو تکیه وکړي، بلکې غواړي د افغانستان ملي اقتصاد پخپلو پښو ودریږي.
د دغې کمیټې غړیو په بېلا بېلو برخو کې د اسلامي امارت لاسته راوړنې وستایلې او څرګندوي، چې په پام کې لري د وضعیت د ارزونې لپاره د افغانستان یو شمېر ولایتونو ته هم سفر وکړي.
افغانستان ته د ملګرو ملتونو د دغه پلاوي سفر په داسې حال کې ترسره کېږي، چې په تېرو درې کلونو کې نړيوالو مرستندويه سازمانونو په افغانستان کې د بېوزلۍ د کچې د زياتوالي او پراخېدو او د مرستو لپاره د بودجې کموالي په اړه څو ځلې خبردارى ورکړى دی.
تازه خبرونه
په بدخشان ولایت کې ماین چاودنې ۸ کسانو ته مرګ او ژوبله اړولې
کورنیو چارو وزارت تائید کړې، چې په بدخشان ولایت کې د یوه نښلېدونکي ماین په چاودنه کې ۳ امنیتي سرتېري وژل شوي او ۵ نور ټپیان دي.
د کورنیو چارو وزارت ویاند عبدالمتین قانع وايي: له بده مرغه نن له غرمې مخکې شاوخوا ۱۱ بجې د بدخشان ولایت د فیضآباد ښار د جوزون په اړوند سیمه کې پر موټرسایکل نښلول شوي ماین چاودنه کړې ده.
د عبدالمتین قانع زیاته کړې؛ دغه ماين هغه مهال چاودنه وکړه، چې د پوليسو د موټرو یو کاروان له ياد سړک څخه د کوکنارو د کښت د له منځه وړلو لپاره له سیمې څخه د تېرېدو په حال کې و.
ده زياته کړې، چې دغه پېښه د پوليسو تر څېړنې لاندې ده.
تر اوسه کومې ډلې یا شخص د دې پېښې مسوولیت پر غاړه ندی اخیستی.
تازه خبرونه
د سې شنبې پر ورځ خراسان او سرخ پوشان لوبډلو لوبه وګټله
د سې شنبې پر ورځ ( د غویي اتلسمه) د افغانستان فوټبال اتلانو لیګ د سیالیو په پېنځه دېرشمه لوبه کې د خراسان فاریاب لوبډلې کابل استقلال لوبډلې ته ۱ د صفر پر توپیر ماتې ورکړه.
د خراسان فارياب لوبډلې لوبغاړي فريد احمد يو ګول وواهه او د ميدان غوره لوبغاړی ونومول شو.
دغه راز په شپږدېرشمه لوبه کې سرخ پوشان خوافې لوبغاړو سرسبز یاشلر لوبډلې ته ۴ پر۱ ماتې ورکړه.
حبيب الله هوتک او اميد رجبي د سرخپوشانو لوبغاړو ګولونه وکړل او حبيب الله هوتک هم وتوانېد، چې د ډګر د غوره لوبغاړي نوم خپل کړي.
د نن چارشنبه د ثور نولسمه د غرمې ۱:۳۰ ابو مسلم فراه او عدالت فراه او له غرمې وروسته ۳:۳۰ بجې میوند او جوانان واحدي لوبډلې سره مخ کېږي.
د يادونې ده، چې دغه سيالۍ له آريانا ټلويزيون څخه پر ژوندۍ بڼه خپرېږي.
-
تازه خبرونه4 days ago
په غور کې د سېلابونو له کبله سلګونه خلک بې ځایه شول
-
تازه خبرونه4 days ago
اسلامي امارت په بدخشان کې د اعتراضي لاريون د څېړلو لپاره یو پلاوي وټاکه
-
تازه خبرونه4 days ago
په افغانستان کې پر کوکنارو د بندیز له کبله کروندګرو خپل عاید له لاسه ورکړی – نړیوال بانک
-
نړۍ22 hours ago
حماس او اسرائیل کولی شي په غزه کې د اوربند په اړه واټن راکم کړي – امریکا
-
تازه خبرونه3 days ago
د اسلامي همکاریو ټولنې سرمشریزې په افغانستان کې د نجونو پر زدهکړو ټینګار څرګند کړ
-
نړۍ3 days ago
اسرائیلي ځواکونو بیت المقدس ته نږدې د الجزیرې پر رسنیز دفتر چاپه ووهله
-
تازه خبرونه21 hours ago
د پاکستان خاوره د افغانستان پر ضد کارول کیږي
-
سوداگري4 days ago
د ترکمنستان د سوداګرو او صنایعو اتحادیې مشر هرات ته سفر وګړ