Connect with us

تازه خبرونه

تر هغې، چې امنیت خوندي شوی نه وي؛ ټاکنو ته نوملیکنه مکوئ- شیعه عالمانو شورا

خپور شوی

د

(Last Updated On: لړم ۲, ۱۴۰۱)

د افغانستان د شیعه عالمانو شورا، چې مشر یې آیت العظمی شیخ آصف محسني دی له خلکو غوښتي؛ تر هغې، چې بشپړ امنیت ټینګ شوی نه وي، د رایه ورکوونکیو د نوملیکنې په پروګرام کې ګډون مکوئ.  

دوی په کابل ښار کې د یکشنبې ورځې له خونړي برید وروسته دغه پرېکړه کړې. په دې برید کې، چې د الکترونیکي تذکرو د وېش یو مرکز په نښه شوی و؛ له ۲۰۰ ډېرو کسانو ته مرګ و ژوبله اوښتې ده.

د افغانستان شیعه عالمانو شورا په اعلامیه کې راغلي؛ تر هغې، چې امنیت تامین شوی نه وي، خلک دې د رایه ورکولو لپاره د نوملیکنې مرکزونو ته نه ورځي؛ ځکه د خلکو د سر او مال خوندیتوب تر بل هر څه ډېر مهم دي.

که څه هم کورنیو چارو وزارت تل ویلي، چې د رایه ورکولو د نوملیکنې مرکزونو امنیت ساتي؛ خو د شیعه عالمانو شورا په اعلامیه کې د امنیتي بنسټونو کړنې په دې برخه کې کمزوري ګڼل شوې او له ملي وحدت حکومته غوښتنه شوې، چې د خلکو د سر او مال په خوندیتوب کې خپل مسوولیت ادا کړي.

د ولسي جرګې او ولسواالیو شوراګانو ټاکنې، چې ظاهراً ډېرې ستونزمنې ښکاري، ناامني او پر دې بهیر د خلکو بې باوري یې دوه لویې اندېښنې دي، چې د ولسي جرګې اندېښنه یې هم را پارولې ده.

د ولسي جرګې غړی جعفر مهدوي وایي: که امنیت خوندي نشي د هېواد هزاره ګان به ټاکنې تحریم کړي.           

د ولسي جرګې غړی عبدالرحیم ایوبي وایي: دا د پوښتنې وړ ده، چې په یوه ورځ کې د حکومت لخوا د یو ناکام بهیر- ناکامو ټاکنو او د اساسی قانون خلاف دسیسې ته ۷۵ کسان مري؛ دا ولې؟          

په ښوونځیو کې د رایه ورکولو د نوملیکنې د مرکزونو شته والی، چې هره ورځ زرګونه ماشومان ورځي، د اندېښنې وړ خبره ګرځېدلې ده.

د ولسي جرګې غړی غلام حسین ناصري وایي: د ټاکنو خپلواک کمیسیون، حکومت او د تذکرو اداره اړ دي، چې خپلې څوکۍ او میزونه له جوماتونو، ښوونځیو او د خلکو د ګڼه ګوڼې له سیمو وباسي.

ټاکل شوې، چې د ولسي جرګې او ولسوالیو شوراګانو ټاکنې د تلې پر ۲۸ تر سره شي؛ خو د رایه ورکولو لپاره د نوملیکنې مرکزونو ته د خلکو  لږ ورتګ سر له اوسه اندېښنې را پورته کړې دي.

تازه خبرونه

د داعش خراسانی مشر د پاکستان په بلوچستان کې دی – رویټرز

Published

on

(Last Updated On: وری ۹, ۱۴۰۳)

رویټرز خبري اژانس راپور ورکړی، چې د داعش د خراسان څانګې مشر د پاکستان په بلوچستان ایالت کې ژوند کوي.

د دغه خبري آژانس د راپور له مخې: ۲۹ کلن ثناالله غفاري، چې شهاب المهاجر هم یاد شوی؛ دا ډله یې د داعش پر تر ټولو وېرونکې څانګې بدله کړې ده.

رویټرز دا هم څرګنده کړې، چې ثناالله غفاري په ۲۰۲۰ ز. کال کې د داعش خراسان څانګې مشري پر غاړه واخیسته او د ده د مشرۍ پر مهال دغې ډلې سخت بریدونه وکړل او یو شمېر کسان یې ځان ته جلب هم کړل.

رویټرز زیاته کړې، چې د غفاري په اړه د ۲۰۲۱ کال د کابل پر هوايي ډګر د داعش له وژونکي برید مخکې، چې ۱۷۰ افغان ملکي وګړي او ۱۳ امریکايي پوځیان ووژل شول؛ ډېر لږ معلومات خپاره شوي وه.

د داعش د خراسان څانګې بحث وروسته له هغې ګرم شو، چې د تېرې جمعې ورځ مسکو ته نږدې د کنسرت په یوه تالار کې خونړۍ ډزې وشوې او لږ تر لږه ۱۳۹ کسان په کې ووژل شول.

له دې مخکې پاکستانيو چارواکو اعلان کړی و، چې غفاري د تېر کال په جون میاشت کې د افغانستان په کونړ ولایت کې وژل شوی؛ خو اوس رویټرز خبر ورکوي، چې نوموړی پاکستان ته تښتېدلی او د بلوچستان په ایالت کې اوسېږي.

د افغانستان کورنیو چارو وزارت ویاند عبدالمتین قانع وايي، داعش له څه باندې دوه کلونو راپدیخوا په افغانستان کې ځپل شوی او خپلې عملیاتي وړتیاوې یې له لاسه ورکړي او ګواښ پېښولی نشي.

ویل کیږي، چې داعش په افغانستان کې وروستی برید د کندهار ولایت د کابل بانک پر دفتر وکړ، چې ۳ کسان یې ووژل او ۱۲ نور ټپیان دي.

Continue Reading

تازه خبرونه

د رښتر پر کچه ۵ اعشاریه ۲ درجې زلزلې افغانستان ولړزاوه

Published

on

(Last Updated On: وری ۹, ۱۴۰۳)

د هند د زلزلې ملي مرکز څرګنده کړې، چې نن (پنجشنبه د وري نهمه) له غرمې وروسته د رښتر پر کچه ۵.۲ درجې زلزلې افغانستان ولړزاوه.

دا زلزله د ځمکې په ۷۰ کیلومټره ژوروالي کې رامنځته شوې او مرکز یې د بدخشان ولایت د اشکاشم ولسوالۍ شمال ختیځه غرنۍ سیمه ده.

دغه زلزله پر افغانستان سربېره په تاجکستان، ازبکستان او قرغزستان کې هم احساس شوې ده.

تر اوسه د دې پېښې د ځاني او مالي زیان په اړه څه ندي ویل شوي.

تېر اکټوبر په هرات ولايت کې د رښتر پر کچه شپږ اعشاريه څلور درجې زلزلې له دوه زره زيات کسان مړه او ډېر کلي ویجاړ کړل.

Continue Reading

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

Trending

Copyright © 2022 Ariana News. All rights reserved!