تازه خبرونه
سترې محکمې د نوي ولسمشر تر معرفي کیدو د ولسمشر غني د کار تائید وکړ
سترې محکمې د نوې ولسمشر تر ټاکل کیدو پورې د ولسمشر محمد اشرف غني او د هغه د دوو مرستیالانو کاري دوره تاييد کړه.
د سترې محکمې رسمي مکتوب چې اریانا نیوز تر لاسه کړی پکې راغلي چې د اساسي قانون د رعایت او د ټاکنو د خپلواکو کمیسیونونو ستونزو ته په کتو د ولسمشر کاري دوره د نوي ولسمشر تر ټاکل کیدو پورې تایدوي.
که څه هم د سترې محکمې په دغه مکتوب کې د اجرايي ريیس د برخلیک په هکله څه نه دي ویل شوي؛ خو دا ریاست وايي چې عبدالله عبدالله او مرستیالان یې د نوي ولسمشر تر ټاکل کیدو پورې کار ته دوام ورکوي.
د ولسمشرۍ یوولسو احتمالي کاندیدانو بیا په ولسمشر نیوکه کړې چې د خپلې کاري دورې د غزولو لپاره په ستره محکمه فشار راوستی دی.
دوی د غبرګولي له لومړۍ نیټې د اوسني ولسمشر دنده ختمه ګڼي؛ خو د سترې محکمې په متکوب کې راغلي: د اساسي قانون د روح په رعایت او د ټاکنو د خپلواکو کمیسیونو ستونزو او عذرونو ته په کتو، ستره محکمه د ولسمشر او د خپلو دوو مرستیالانو دنده د نوي ولسمشر تر ټاکل کیدو پورې قانوني او د خلکو په ګټه ګڼي.
محمد عارف حافظ؛ د اساسي قانون په عملي کیدو د څار کمیسیون منشي و وېل: ”حللار همدا ده چې حکومت خپل کار ته اداره ورکړي او په ټاکنو تاکید وشي پر وخت تر سره شي”
له بلې خوا د اجرايي ریاست برخلیک به څنګه وي؟ دا په داسې حال کې ده چې د سترې محکمې په مکتوب کې د اجرايي ریاست په هکله څه نه دي ویل شوي؛ خو اجرايي ریاست هم ټينګار کوي چې اجرايي رييس او مرستیالان یې د نوي ولسمشر تر ټاکل کیدو پورې خپل کار ته دوام ورکوي.
فریدون خوځون؛ د اجرايي ریاست د ویاند مرستیال و وېل: “چون د ملي یووالی حکومت دی د ملي حکومت چارې به د نوی رییس جمهور تر ټاکل کېدو او د لوړې تر مراسمو پورې دوام مومي”
بل خوا د ولسمشریزو ټاکنو یوولسو احتمالي کاندیدانو بیا په ولسمشر تور لګولی چې د خپلې کاري دورې د غزولو لپاره یې په ستره محکمه فشار راوستی دی. د دوی له جملې څخه فرامز تمنا آریانا نیوز ته وویل: “اوسنی حکومت لېوال دی چې د سترې محکمې پر چارواکو فشار راوړي تر څو اساسي قانون داسې تفسیر کړي چې د جواز له لومړۍ وروسته حکومت خپل کار ته دوام ورکړي “
د اساسي قانون له مخې د ولسمشر کاري دوره د پنځم کال د غبرګولي په لومړۍ نیټه د نوي ولسمشر تر معرفي کیدو وروسته پای مومي.
تازه خبرونه
په فاریاب کې سیلابونو ۱۸ کسان مړه او سلګونه کورونه ویجاړ کړل
د کډوالو او راستنیدونکیو چارو وزارت څرګنده کړی، چې په فاریاب ولایت کې تېره شپه سېلابونو ۱۸ کسان مړه او دوه نور ټپیان کړي دي.
د دې وزارت په خبرپاڼه کې راغلي، چې سیلابونو په پښتونکوټ، المار، قیصار، بلچراغ، خیبر او دولتآباد ولسوالیو کې راوتلي دي.
د دغه وزارت د څرګندونو له مخې؛ د سېلابونو له کبله ۵۶۰ کورونه، ۸۵۰ جریبه کرنیزه ځمکه، ۱۱۰ پلورنځي او یو ګرځنده روغتیایي مرکز ویجاړ شوي دي.
ویل کیږي، چې ۳۰۰ څاروي او دوه زره میوه لرونکې ونې له منځه تللې دي.
تازه خبرونه
له سوالګرۍ څخه د مخنیوي قانون په رسمي جریده کې خپور شو
د اسلامي امارت د عدلیې وزارت د څرګندونو له مخې؛ د سوالګرو راټولولو او له سوالګرۍ څخه د مخنیوي قانون، چې په یوه مقدمه، ۳ فصلونو او ۲۷ مادو کې ترتیب شوی؛ د اسلامي امارت رهبر مولوی هبة الله اخوندزاده توشیح کړی او په رسمي جریده کې خپور شو.
د عدلیې وزارت ويلي؛ د دغه قانون له مخې روغ، کاسب او هغو کسانو لپاره، چې د یوې ورځې د خوراکي توکو د برابرولو وړتیا لري، سوال کول منع دي.
دا قانون د سوال کولو لپاره د ماشومانو او معلولینو کارول هم منع کوي.
د دغه قانون له مخې: هغه مسلکي سوالګر، چې د خلکو د خواخوږۍ د جلبولو په موخه له ماشوم، لیوني او معيوب څخه کار اخلي؛ د محکمې لهخوا پر يوه مياشت بند محکومېږي او تنظيموونکي يې تر شپږ مياشتو پورې پر بند محکومېږي.
په ۱۴۰۱ لمریز لېږدیز کال کې، د اسلامي امارت مشر د سوالګرو راټولولو امر وکړ، چې تر اوسه په لسګونو زره سوالګر راټول او په اړه یې بېلابېلې پرېکړې شوې دي.
تازه خبرونه
جاپان د افغانستان له سیلاب ځپلیو سره د بېړنیو مرستو ژمنه وکړه
په افغانستان کې د جاپان سفارت د پنجشنبې پر ورځ په ډاګه کړه، چې د افغانستان د شمال له سیلاب ځپلیو خلکو سره به بېړنۍ مرستې وکړي.
د سفارت د خپرې شوې خبرپاڼې له مخې؛ دا مرستې به د جاپان د نړيوالې همکارۍ ادارې (JICA) له لارې د سره صليب او سرې مياشتې ټولنې (IFRC) او افغاني سرې مياشتې ټولنې (ARCS) پر همکارۍ ترسره شي.
دا مرست خیمې، کمبلې او نور اړین توکي رانغاړي.
په یادې خبرپاڼه کې راغلي؛ جاپان پرېکړه کړې، چې ډېر ژر به د افغانستان د سيلاب ځپلیو خلکو د مرستې لپاره بېړنۍ مرستې وکړي. مونږ تل د افغانستان د خلکو تر څنګ ولاړ یوو.
دغه راز د ملګرو ملتونو د بشري چارو د همغږۍ دفتر (OCHA) ویلي، چې په بغلان، بدخشان او تخار ولایتونو کې د سختو بارانونو او سیلابونو له کبله ۸ زره ۹۷۵ کورونه ویجاړ شوي او یا هم زیانمن شوي دي.
روسیې هم د اړتیا په صورت کې د مرستې ژمنه کړې ده.
دا په داسې حال کې، چې د اسلامي همکاریو ټولنې (OIC) هم له اسلامي هېوادونو او مرستندویه ټولونو غوښتي، چې د افغانستان له سیلاب ځپلیو سره مرسته وکړي.
-
لوبی5 days ago
د کابل کرکټ غوره لیګ لوبغاړو د داوطلبۍ مراسم ترسره شول
-
تازه خبرونه5 days ago
په ننګرهار کې د ناکامورا کانال پروژه بشپړه شوه
-
تازه خبرونه5 days ago
د یوناما استازې د ایران له بهرنیو چارو وزیر سره وکتل
-
سوداگري3 days ago
د صنایعو او سوداګرۍ وزارت چارسمبالي د تاتارستان له ولسمر سره وکتل
-
د هوا حالاتو بدلونونه4 days ago
په تېرو ۲ زره کلونو کې د تېر کال اوړی له ټولو تود و – څېړنه
-
سیمه ییز خبرونه4 days ago
پر رفح د اسرائیلو بریدونه په نړیواله محکمه کې ارزول کیږي
-
تازه خبرونه5 days ago
په روزګان کې د ماین پاکۍ موسسې یو کارکوونکی د ماین چاودنې له کبله ووژل شو
-
تازه خبرونه3 days ago
د تورخم لار لنډمهاله تړل کیږي