تازه خبرونه
تمه ده، چې د امریکا او طالبانو د سولې هوکړه له ۴۸ ګړیو وروسته لاسلیک شي
ټاکل شوې، چې د دېرش هېوادونو د بهرنیو چارو وزیرانو او نړیوالو سازمانونو د استازیو په شتون کې د امریکا او طالبانو تر منځ د سولې هوکړه لیک له ۴۸ ګړیو وروسته لاسلیک شي.
د قطر پلازمېنه دوحه د طالب استازیو او امریکا تر منځ د سولې هوکړه لیک د مراسمو په درشل کې ده. د دې مراسمو له پیل مخکې په افغانستان کې د طالبانو له بنده د امریکایي پوهنتون خوشې شوی ښوونکی تیموتي ویکس دوحې ته رسیدلی او د افغان حکومت له بنده د خوشې شوي انس حقاني ورته هرکلی ویلی دی.
د پګواش موسسې پخوانی رییس خلیل ساپي ویلي: د هوکړې د لاسلیک دغو مراسمو ته د ۳۰ نړیوالو ټولنو استازي، بهرنیو چارو وزیران او له افغانستان څخه یو شمېر سیاسیون او ټولنیز مخکښان بلل شوي دي.
روسیې او پاکستان هم په دې مراسمو کې ګډون ته چمتووالی څرګند کړی دی.
د پاکستان د بهرنیو چارو وزیر ویلي؛ د پاکستان له همکاري پرته ناممکنه وه، چې دومره پرمختګ وشي.
د پاکستان د بهرنیو چارو وزیر شاه محمود قریشي وایي: مونږ یوې نوې دریڅې ته ګورو؛ مونږ ته بلنه راکړ شوې، چې د فبروري پر نهه ویشتمه د امریکا او طالبانو د مذاکراتو په وروستي کیدو کې، چې اوس یوه منطقي پړاو ته رسیدلي، ګډون وکړو. زمونږ ګډون په کې د دې لپاره دی، چې را ته د خنډ په سترګه ونه کتل شي؛ ځکه د پاکستان له همکارۍ پرته ناشونې وه، چې دومره پرمختګ شوی وای. د دې بهیر پیل او پای له افغانانو سره تړاو لري.
د امریکا د بهرنیو چارو وزارت په یوه اعلامیه کې څرګنده کړې؛ مایک پمپیو د قطر د بهرنیو چارو له وزیر سره په خبرو کې د سولې خبرو د کوربتوب او په افغانستان کې د جګړې له کبله د قطر له همکارۍ مننه کړې ده.
طالبانو ویلي؛ په دې مراسمو کې افغان حکومت ته بلنه نده ورکړ شوې. افغان حکومت هم په دې اړه، چې آیا په دې مراسمو کې ګډون کوي او که نه؛ څه نه دي ویلي.
یوې سرچینې په ډاګه کړې، چې د افغانستان لپاره د قطر ځانګړي استازي کابل ته په سفر کې ځینې سیاسیون او مدني فعالان دغو مراسمو ته د ګډون په خاطر بللي دي.
ټاکل شوې، چې د امریکا او طالبانو تر منځ د سولې هوکړه لیک د شبنې پر ورځ د کب ۱۰ / د فبروري ۲۹ د قطر په دوحه کې لاسلیک شي.
تازه خبرونه
د داعش خراسانی مشر د پاکستان په بلوچستان کې دی – رویټرز
رویټرز خبري اژانس راپور ورکړی، چې د داعش د خراسان څانګې مشر د پاکستان په بلوچستان ایالت کې ژوند کوي.
د دغه خبري آژانس د راپور له مخې: ۲۹ کلن ثناالله غفاري، چې شهاب المهاجر هم یاد شوی؛ دا ډله یې د داعش پر تر ټولو وېرونکې څانګې بدله کړې ده.
رویټرز دا هم څرګنده کړې، چې ثناالله غفاري په ۲۰۲۰ ز. کال کې د داعش خراسان څانګې مشري پر غاړه واخیسته او د ده د مشرۍ پر مهال دغې ډلې سخت بریدونه وکړل او یو شمېر کسان یې ځان ته جلب هم کړل.
رویټرز زیاته کړې، چې د غفاري په اړه د ۲۰۲۱ کال د کابل پر هوايي ډګر د داعش له وژونکي برید مخکې، چې ۱۷۰ افغان ملکي وګړي او ۱۳ امریکايي پوځیان ووژل شول؛ ډېر لږ معلومات خپاره شوي وه.
د داعش د خراسان څانګې بحث وروسته له هغې ګرم شو، چې د تېرې جمعې ورځ مسکو ته نږدې د کنسرت په یوه تالار کې خونړۍ ډزې وشوې او لږ تر لږه ۱۳۹ کسان په کې ووژل شول.
له دې مخکې پاکستانيو چارواکو اعلان کړی و، چې غفاري د تېر کال په جون میاشت کې د افغانستان په کونړ ولایت کې وژل شوی؛ خو اوس رویټرز خبر ورکوي، چې نوموړی پاکستان ته تښتېدلی او د بلوچستان په ایالت کې اوسېږي.
د افغانستان کورنیو چارو وزارت ویاند عبدالمتین قانع وايي، داعش له څه باندې دوه کلونو راپدیخوا په افغانستان کې ځپل شوی او خپلې عملیاتي وړتیاوې یې له لاسه ورکړي او ګواښ پېښولی نشي.
ویل کیږي، چې داعش په افغانستان کې وروستی برید د کندهار ولایت د کابل بانک پر دفتر وکړ، چې ۳ کسان یې ووژل او ۱۲ نور ټپیان دي.
تازه خبرونه
د رښتر پر کچه ۵ اعشاریه ۲ درجې زلزلې افغانستان ولړزاوه
د هند د زلزلې ملي مرکز څرګنده کړې، چې نن (پنجشنبه د وري نهمه) له غرمې وروسته د رښتر پر کچه ۵.۲ درجې زلزلې افغانستان ولړزاوه.
دا زلزله د ځمکې په ۷۰ کیلومټره ژوروالي کې رامنځته شوې او مرکز یې د بدخشان ولایت د اشکاشم ولسوالۍ شمال ختیځه غرنۍ سیمه ده.
دغه زلزله پر افغانستان سربېره په تاجکستان، ازبکستان او قرغزستان کې هم احساس شوې ده.
تر اوسه د دې پېښې د ځاني او مالي زیان په اړه څه ندي ویل شوي.
تېر اکټوبر په هرات ولايت کې د رښتر پر کچه شپږ اعشاريه څلور درجې زلزلې له دوه زره زيات کسان مړه او ډېر کلي ویجاړ کړل.
تازه خبرونه
د بیات بنیاد د روژې مرسته د بلخ ولایت اړمنو ته ورسېده
بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.
د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.
نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.
هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.
بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.
-
تازه خبرونه3 days ago
په پاکستان کې ځانمرګي د ۵ چینايي انجینرانو په ګډون ۶ کسان ووژل
-
سوداگري4 days ago
افغانستان ته د پاکستان راغلی پلاوی پر اقتصادي همکاریو خبرې کوې
-
تازه خبرونه4 days ago
بیات بنیاد په ننګرهار کې اړمنو کورنیو ته د روژې مرستې ووېشلې
-
تازه خبرونه5 days ago
په هرات کې له ۵۰۰ ډېر لرغوني آثار موزیم او آرشیف ته سپارل شوي
-
تازه خبرونه4 days ago
د پاکستان په تورخم کې سرحدۍ ځواکونو د فډرالي څېړنو ادارې ۶ کارکوونکي وهلي
-
تازه خبرونه2 days ago
په کابل کې سلګونه اړمنې کورنۍ د بیات بنیاد د روژې له مرستو برخمنې شوې
-
سوداگري3 days ago
د افغانستان او پاکستان د سوداګرۍ استازیو پر ننګونو خبرې وکړې
-
سیمه ییز خبرونه3 days ago
په بلوچستان کې د پاکستان د بحري ځواک پر هوايي اډه وسلوال برید وشو