Connect with us

تازه خبرونه

سولې ته له رسیدو وروسته هم باید نړیوالې مرستې روانې وساتل شي

خپور شوی

د

(Last Updated On: سلواغه ۲۸, ۱۳۹۸)

د حکومت یو شمېر پخواني او اوسني وزیران سولې ته له رسیدو وروسته هم د نړیوالو مرستو د جاري ساتلو  غوښتونکي دي.

دغو وزیرانو دا ټینګار هم کړی، چې د سولې په خبرو کې دې د افغانستان اقتصادي نظام هم د پام وړ وګڼل شي.

د اقتصادي چارو یو شمېر ماهرین او پخواني چارواکي د امریکا په سفارت کې د اقتصادي او سیاسي غونډې تر نامه لاندې په یوه غونډه کې ګډون وکړ او  سولې ته له رسیدو وروسته یې هغه ستونزې او فرصتونه، چې افغانستان ورسره مخ کیږي؛ پرې خبرې اترې کړي دي.

د اقتصاد وزیر محمد مصطفی مستور وایي، سولې ته له رسیدو وروسته د ښه اقتصادي نظام د درلودلو لپاره باید منظم اقتصادي پلان جوړ شي.

د نوموړي د څرګندونو له مخې؛ ۳۳ په سلو کې بودجه مو پر جګړې لګول کیږي، ۳۳ نوره  د جګړې پر ورانیو لګیږي؛ ځکه، نو ۲ پر ۳ برخه د بودجې یوازې پر جګړې لګول کیږي.

د مالیې پخوني وزیر انوارالحق احدي هم له مرسته کوونکیو هېوادونو وغوښتل، چې سولې ته له رسیدو وروسته خپلې مرستې چارې وساتي.

هغه زیاته کړې، افغانستان د جګړې د خرابیو د جوړولو وس نلري.

د دوی په باور افغانستان ته د نړیوالو مرستي د دې ترڅنګ، چې د افغانستان لپاره ګټورې دي؛ منفي ټکي هم لري.

د مالیي پخوانی وزیر عمر زاخېلوان وایي، په بېلا بېلو برخو کې پر نړیوالو مرستو د افغانستان اتکا؛ په  اقتصادي برخه کې بد تړاو  رامنځته کړی. داسې ، چې که مرستې بندې شي؛ مونږ ۶ میاشتې هم ځان ساتلی نشو.

له دې مخکې سیګار یا د امریکا پر مرستو د څار ادارې هم خبرداری ورکړی و، چې سولې ته له رسیدو وروسته به ۸۰ زره طالبان ټولنې ته رادننه کیږي؛ د منظم اقتصادي پلان نشتوالی دې ته زمینه برابره وي، چې طالبان له نورو ترهګریزو ډلوسره مدغم شي.

دا په داسې حال کې ده، چې د امریکا سفارت چارسمبالي نن په کابل کې د سولې او اقتصاد ناستې ته څرګنده کړې، چې امریکا او ملګري به یې په افغانستان کې د شوروي اتحاد تجربه تکرار نکړي او له دې هېواد سره به ژمن پاتې وي.

تازه خبرونه

د اتریش د آزادۍ ګوند غړیو له امیر خان متقي سره وکتل

Published

on

(Last Updated On: تله ۲, ۱۴۰۲)

د افغانستان بهرنیو چارو وزارت د ویاند مرستیال څرګنده کړې، چې نن یکشنبه د بهرنیو چارو وزارت چارسمبالي امیر خان متقي  سره د اتریش هېواد د ازادۍ ګوند مخکښو غړیو وکتل.

د بهرنیو چارو وزارت د ویاند مرستیال حافظ ضیا احمد زیاته کړې، چې په دې ناسته کې امیر خان متقي هغوی ته د هرکلي تر څنګ وویل؛ خوښ یم، چې د افغانستان وضعیت له نږدې او په حقیقي بڼه وینئ او  تاسو ته به څرګنده شي، چې د افغانستان وضعیت تر هغې، چې په مطبوعاتو کې ښکاره کیږي او ویل کیږي ډېر مثبت او توپیر لري.

ښاغلي متقي دغه راز د اتریش په مرکز ویانا کې د افغانانو د ستونزو د حل لپاره د قونسلي خدماتو د وړاندي کولو او نورو تسهیلاتو د رامنځته کولو په تړاو هم خبرې وکړ.

بهرنیو چارو وزارت دا هم ویلي، چې د اتریش هېواد د ازادۍ ګوند غړیو د افغانستان وضعیت تر هغه ډېر ښه وباله، چې مخکې له راتګ یې له مطبوعاتو اورېدلي وه.

هغوی ویلي؛ مونږ په کابل کې آزاد وګرزېدو له ځینو افغانانو سره مو د اوسني وضعیت په اړه خبرې هم کړې دي، چې له هغوی سره د خبرو په پایله کې راته څرګنده شوې، چې افغانان له اوسني وضعیته خوښ او خپل ژوند خوندي او مصؤن ګڼي.

دغه راز د ازادۍ ګوند غړي یوهانس ویلي؛ سره له دې، چې د افغانستان اوسني مرکزي حکومت سرتاسري امنیت تامین کړی او د څلور لسیزو ناخوالو ته د پای ټکی ایښی؛ خو بیا هم پر رسمیت نه پېژندل کیږي، چې دا د تاسف وړ ده.

د اتریش د ازادۍ ګوند غړیو ژمنه وکړه، چې دوی به د افغانستان د اوسني وضعیت رښتینی انځور له ځان سره اروپاته نقلوي او هلته به یې خپلو چارواکو، ولسونو او د اروپایي اتحادیې غړیو هېوادونو ته وړاندې کړي.

Continue Reading

تازه خبرونه

د چین په اسیایي لوبو کې ۸۴ افغان لوبغاړي ګډون کوي

Published

on

(Last Updated On: تله ۲, ۱۴۰۲)

د افغانستان اسلامي امارت د بدني روزنې او سپورت عمومي ریاست د یکشنبې پر ورځ څرګنده کړې، چې د چین د هانګجو په  سږنیو اسیایي لوبو کې د افغانستان ۸۴ ورزشکاران ګډون وکړي.

د دغو لوبو د پرانیستلو مراسم د شنبې پر ورځ ( د تلې لومړۍ ) ترسره شول.

په دغو سیالیو کې د ۴۵ اسیایي هېوادونو ورزشکاران هم ګډون کوي.

د بدني روزنې د عمومي ریاست د معلوماتو له مخې، په دې مراسمو کې ۸۴ لوبغاړي او د افغانستان د المپیک ملي کمیتې استازو هم حضور درلود.

د بدني روزنې عمومي ریاست ويلي، افغان لوبغاړي به په ۱۵ بېلابېلو سپورتي څانګو کې سیالي وکړي.

Continue Reading

تازه خبرونه

مسلمان عالمان دې د اسلامي امارت له مشر سره خبرې وکړي

Published

on

(Last Updated On: تله ۱, ۱۴۰۲)

د قطر لومړي وزیر محمد بن عبدالرحمن آل ثاني ویلي؛ په کندهار کې یې د خپلو خبرو پر مهال پوره څرګنده کړې، چې که اسلامي امارت غواړي د نړیوالې ټولنې یوه برخه وي، باید همکاري وکړي.

هغه له سي‌ان‌ان سره په مرکه کې ویلي: ویلي مې دي، چې تاسې باید له مونږ سره یوځای کار وکړئ، چې قطر ته ورته یو اسلامي او عصري هېواد ولرئ.

قطر یو مسلمان هېواد دی؛ ښځې اجازه لري او ویاړي. دوی د ټولنې فعاله برخه ده. دوی خورا ګټورې دي. دوی مشرانې، وزیرانې او سفیرانې دي. دوی په هره کچه، په کار او ښوونځي کې دي.

د لوړو زده‌کړو په برخه کې د دوی شمېر د نرینه وو پر پرتله ډېر دی.

محمد بن عبدالرحمن ویلي؛ دا د مسلمانو عالمانو اخلاقي مسوولیت دی، چې د اسلامي امارت له مشر مولوي هبة الله اخوندزاده سره خبرې وکړي.

Continue Reading

Trending

Copyright © 2022 Ariana News. All rights reserved!