Connect with us

تازه خبرونه

پر ولسمشر نیوکه کوونکي نوماندان پاتې راغلل

خپور شوی

د

(Last Updated On: لړم ۲, ۱۴۰۱)

د ټاکنو خپلواک کمیسیون یو د بل پسې د ولایتونو د ولسي جرګې د ټاکنو لومړنۍ پایلې اعلانوي؛ خو ښکاري دا، چې په لومړنیو پایلو کې د ولسمشر سرسخته نیوکه کوونکي ندي بریالي شوي.

د ولسي جرګې د ټاکنو لومړنۍ پایلې ښيي، چې پر ولسمشر سخت نیوکه کوونکي کاندیدان پاتې راغلل. د بېلګې په توګه ظاهر قدیر له ننګرهاره، همایون همایون له خوسته، عبدالطیف پدرام له بدخشانه او لالی حمیدزی له کندهاره په لومړنیو پایلو کې ندي بریالي شوي.

اعلان شوې لومړنۍ پایلې وروستۍ ندي؛ ځکه د ټاکنیزو شکایتونو د کمیسیون مسوولین وايي، چې ښايي وروستۍ پایلې د اعلان شویو نوملړونو په پایلو کې د پام وړ بدلونونه راولي.

د کابل د ولسي جرګې د لانجمنو ټاکنو لومړنۍ پایلې اوس هم ندي روښانه شوي.

د افغانستان د آزادو او عادلانه ټاکنو د بنسټ د برنامو مدیر نعیم اصغري وایي: کیدی شي بیا هم د نفوذ او فشار له مخې د کابل پر ټاکنیزو پایلو نوې پرېکړې وشي.

د ټاکنیزو شکایتونو کمیسیون غړې حمیرا حقمل وايي؛ لومړنۍ پایلې د بدلون وړ دي او ښايي، چې د ځينو ولایتونو په وروستیو پایلو کې نوې څېرې بریالۍ اعلان شي.

د نوموړې د څرګندونو له مخې؛ کیدی شي په یو ولایت کې ۵۰ سلنه او په بل کې ۱۰۰ سلنه بدلونونه رامنځته شي؛ خو د لومړنیو پایلو د نوملړ په پایله کې بدلونونه اړین دي.

ځينې انګیرنې داسې دي، چې د ټاکنو خپلواک کمیسیون د حکومت په فرمایش د ولسي جرګې د ټاکنو لومړنۍ پایلې اعلانوي؛ خو د ټاکنو خپلواک کمیسیون وايي، چې حکومت یې په چارو کې هیڅ ډول لاسوهنه نکوي.

د ټاکنو خپلواک کمیسیون د ویاند مرستیال ذبیح الله سادات وایي: هغه کسان، چې بریالي شوي ندي؛ باید کمیسیون ملامته نکړي او دې ویلو ته هم اړ نشي، چې حکومت د کمیسیون په کارونو کې لاسوهنه کوي.

لدې مخکې د حزب اسلامي رهبر ګلبدین حکمتیار هم د ټاکنو خپلواک کمیسیون پر چارواکو تورونه پورې کړل، چې نه یوازې د پیسو په بدل کې کسان بریالي کوي، بلکې د ټاکنو په چارو کې د حکومت لاسوهنې ته یې هم زمینه برابره کړې ده.

خبریال: باعث حیات

تازه خبرونه

د ټاپي ګاز شرکت اجرائیه رییس د پروژې له پرمختګه خوښ شو

Published

on

(Last Updated On: وری ۹, ۱۴۰۳)

د کانونو او پټرولیم وزیر شهاب الدین دلاور د پنجشنبې پر ورځ ( د وري نهمه ) د ټاپي پروژې له اجرائیوي رییس او په کابل کې د ترکمنستان له سفیر سره وکتل او د دغې پروژې د پرمختګ په اړه یې خبرې وکړې.

د ترکمنستان او افغانستان، پاکستان او هند (ټاپي) د ګازو نلیکې د پروژې اجرائیوي رییس مراد امانوف د پروژې له وروستي پرمختګه ډخوښي وښوده او د پروژې د عملي پیل په اړه یې خبرې وکړې.

د افغانستان د کانونو او پټرولیم وزارت چارسمبالي شهاب الدین لاور ويلي، چې د ټاپي پروژې لومړني کارونه چټک روان دي او په نږدې راتلونکي کې به د دې نلليکې د غځولو چارې پيل شي.

ویل کیږي، چې د ترکمنستان سفیر یاد هېواد ته د افغان پلاوي د وروستي سفر په اړه معلومات وړاندې کړل او څرګندوي، چې په نږدې راتلونکي کې به د دغه هېواد یو پلاوی هرات ولایت ته سفر وکړي.

TAPI د طبیعي ګاز یوه نللیکه ده، چې د آسیا پراختیایي بانک په ګډون د ګالکینیش – TAPI نللیکې شرکت له‌خوا پراختیا مومي.

دغه نللیکه به د ترکمنستان له ګالکینیش ګازو څخه طبیعي ګاز د افغانستان له لارې پاکستان او بیا هند ته لېږدوي.

Continue Reading

تازه خبرونه

تحول: په افغانستان کې د بریټانیا د پوځي ماموریت ارزونه

Published

on

(Last Updated On: وری ۹, ۱۴۰۳)

Continue Reading

تازه خبرونه

په فاریاب او سرپل کې سېلابونو ځاني او مالي زیانونه اړولي

Published

on

(Last Updated On: وری ۹, ۱۴۰۳)

سیمه‌ییزو چارواکو ویلي؛ د سېلابونو له کبله دوه کسانو خپل خوږ ژوند له لاسه ور کړی او د مالي زيانونو تر څنګ د دې دوه ولايتونو د يو شمېر ولسواليو د تګ راتګ لارې هم تړل شوې دي.

دوی زياته کړې، چې پر کرنيزو ځمکو، استوګنې کورونو، د ښار او کلي تر منځ د پلونو پر نړېدو سربېره سېلابونو د خلکو ژوند له ستونزو سره مخ کړى دى.

د يادونې ده، چې د سېلابونو له کبله زيانمنې شوې کورنۍ له دولت او مرستندويه ادارو څخه د بېړنیو مرستو غوښتنه کوي.

Continue Reading

Trending

Copyright © 2022 Ariana News. All rights reserved!