د تورخم په سیمه کې د افغانستان او پاکستان ترمنځ پوله د کرونا ویروس د خپریدو د مخنیوي په موخه د ۱۵ ورځو لپاره تړل شوې ده.

پاکستاني رسنیو خبر وکړې چې پاکستاني مقاماتو له افغان او پاکستاني وګرو غوښتنه کړې وه چې د یکشنبې پر ورځ مخکې له دې چې پوله وتړل شي خپل تګ او راتګ ترسره کړي.

د رپورټونو له مخې، په اټکل ۵۰ زر کسان د پولې دواړو خواوو ته د تیریدو لپاره راټول شوي و.

همداراز، د دواړو هیوادونو ترمنځ سوداګریزې چارې هم د دوه اونیو لپاره ځنډول شوې دي. خو پاکستان ویلي چې، چټک ناروغان کولې شي چې د درملنې لپاره دغه هیواد ته سفر وکړي.

له دې امله د تورخم هغه ارخ ته د قرنطین یو مرکز هم پرانیستل شوې دې. د ویلو وړ ده چې پاکستان له خپلو وکړو غوښتنه کړې چې په خونو کې پاتې شي او له تګ او راتګ څخه ډډه وکړي.

دا په داسې حال کې ده چې د روانې میاشتې په سر کې، ازبکستان هم له افغانستان سره خپله پوله وتړله څو د کرونا له بیمارې څخه مخنیوې وشي.