بلخ @ps
په بغلان کې یوه ښځه د چړو پر ګوزارونو وژل شوې ده
په بغلان کې د ښځو چارو مشرې خدیجه یقین آریانا نیوز ته ویلي؛ وژل شوې ښځه د دې ولایت د پلخمري ښار د قول حمام اوسیدونکې وه، چې تېره شپه د ناڅرګندو وسلوالو لخوا وژل شوې ده.
نوموړې زیاته کړې، چې قاتل له سیمې تېښته کړې او تر دې دمه له جنایي جرمونو سره د مپارزې مدیریت په دې اړه خپلې څېړنې بشپړې کړې ندي.
د وژل شوې ښځې خپلوانو ویلي، چې کیدی شي دغه ښخه وسلوالو غلو وژلې وي.
دوی زیاته کړې، چې تېره شپه د دې ښځې میړه په کور کې نه و او دا له خپلو ۴ ماشومانو سره یوازې وه. غله کورته وردننه شوي، د کوټو ښېښې یې ماتې کړي او پیسې یې ترې وړي دي.