تازه خبرونه
په ارګ کې د سیاسي او جهادي مشرانو مشورتي ناسته تر سره شوه
د ولسمشرۍ د څرګندونو له مخې؛ د سې شنبې پر ورځ( د غبرګولي ۲۹) له غرمې مخکې ولسمشر غني د هېواد له جهادي او سیاسي مشرانو سره د سولې بهیر او اوربند په اړه مشورتي ناسته تر سره کړه.
ولسمشرۍ څرګنده کړې، چې په دې ناسته کې حاضرو ټولو سیاسي او جهادي مشرانو د اوربند له غزیدو او د سولې له بهیره ملاتړ ښکاره کړ.
همدارنګه دغو مشرانو د اوربند په موده کې د هېواد د اوضاع د ښه مدیریت په اړه خپلې سپارښتنې او وړاندیزونه له ولسمشر اشرف غني سره شریک کړل.
خبرپاڼې دغه راز په ډاګه کړې؛ جهادي او سیاسي مشرانو له طالبانو وغوښتل، چې د هېواد د خیر، فلاح او د افغانانو د هوساینې لپاره دې ژر تر ژره د سولې مذاکرات پيل کړي.
ولسمشر اشرف غني له سیاسي او جهادي مشرانو څخه د مننې تر څنګ جهادي او سیاسي مشرانو ته په ډاګه کړې، چې، ستاسې نظریات د هېواد په ملي، سیاسي او لویو مسائلو کې تل مهم ول، دي او مهم به وي.
ولسمشر ژمنه کړې، چې له جهادي او سیاسي مشرانو او همدارنګه سیاسي ګوندونو سره به د هېواد د مهمو مسائلو په اړه دا ډول مشورتي غونډې او ناستې روانې وساتل شي.
دغه راز په افغانستان کې د امریکا سفیر په افغانستان کې درې ورځنی اوربند د ټینګار وړ ګڼلی او وایي، چې د اوسنیو ستونزو د حل زمینه یې برابره کړې ده.
په افغانستان کې دامریکا سفیر جان بس ویلي: که تېرې اوونۍ ته یوه ځغلنده نظر واچوو؛ نو پوهیږو، چې کیدی شي ورسره د افغانستان حالت بدلون ومومي، دا امکان هم شته، چې ستونزې حل کړي او دا د سولې پر لوري یو حرکت هم دی او د افغانستان خلک یې په اړه کولی شي بېلابېل فکرونه وکړي.
د ولسمشرۍ ویاند شاه حسین مرتضوي هم نن مازیګر په یوه خبري ناسته کې د ولسمشر اشرف غني په مشرۍ له سیاسي او جهادي مشرانو سره له مشورتي ناستې خبر ورکړ او په ډاګه یې کړه، چې په دې ناسته کې د سولې او اوربند په اړه هر اړخیزې خبرې شوې دي.
په دې مشورتي ناسته کې د پخواني ولسمشر حامد کرزي په ګډون حضرت صبغت الله مجددي، عبدرب رسول سیاف، ګلبدین حکمتیار، یونس قانوني او نورو جهادي مشرانو او د سیاسي ګوندونو استازیو برخه درلوده.
د یادونې وړ ده، چې له اووه لس کلونو وروسته وسلوالو طالبانو په لومړي ځل خپلې یو شمېر وسلې امنیتي کمربندونو ته وسپارلې او له پلټنې وروسته د هېواد پلازمېنې ته رادننه او د ښځو په ګډون امنیتي ځواکونو او خبریالانو ورسره تر درې رنګه او سپین رنګه بیرغونو لاندې یادګاري انځورونه واخیستل؛ خو له درې ورځني اوربند وروسته بیا د هېواد په بېلابېلو ولایتونو کې جګړې پیل او د مرګ و ژوبلې خبرونه واوریدل شول.
قتیل زوی
تازه خبرونه
ایران او پاکستان د افغانستان په اړه ګډه اعلامیه خپره کړه
ایران او پاکستان په یوه ګډه اعلامیه کې د یو سولهییز، متحد، خپلواک او له ترهګرۍ او نشهیي توکو قاچاق څخه د پاک افغانستان په اړه پخپلو ژمنو ټینګار څرګند کړی دی.
دواړو لوریو د ترهګریزو ډلو شتوالي ته په افغانستان کې نغوته کړې، چې سیمې او نړۍ ته امنیتي ګواښ دی؛ نو پر وړاندې یې پر مبارزه، همکارۍ او متحدې جبهې جوړولو ټینګار کړی دی.
دوی دغه راز د سیمې د امنیت او ثبات د ډاډمنولو لپاره د سیمهییزې او نړیوالې همغږۍ د اړتیاوو پر اهمیت خبرې کړې دي.
دواړه لوري د افغانستان حاکمیت او ځمکنۍ بشپړتیا ته د احترام کولو تر څنګ څرګندوي؛ د دې هېواد ټولې خواوې باید په بنسټیزو پرېکړو کې ونډه ولري، چې په هېواد کې د سولې او ثبات لامل شي.
تازه خبرونه
له ۱۰۰۰ ډېر افغان مهاجرین له پاکستان څخه جبري وایستل شول
د مهاجرینو چارو وزارت ویلي، چې د غویي پر څلورمه د سپین بولدک له فرضي کرښې څخه ۱۰۰۱ افغان مهاجرین پر جبري بڼه خپل هېواد ته راستانه شول.
د کندهار سپین بولدک سرحدي آمریت د راپور له مخې؛ ۱۹۱ کورنۍ، چې ۹۹۸ کسان دي او درې کسان نور، چې له بنده ازاد شوي؛ په جبري توګه له پاکستان څخه هېواد ته راستانه شول.
د مهاجرینو چارو وزارت د څرګندونو له مخې؛ د مهاجرینو چارو له ریاست سره له نوم لیکنې وروسته د نورو مرستو لپاره د ملګرو ملتونو عالي کمېشنرۍ، د مهاجرت او د خوړو نړیوالې ټولنې دفترونو ته ور وپېژندل شول.
دغه راز له ۱۸ کلونو کم عمره دوه کسان، چې بندیان ول د مرستې لپاره OMPO موسسې ته ور پېژندل شوي.
ویل کیږي، چې له هرې کورنۍ سره د حکومت له لوري لس – لس زره افغانۍ نغدي مرسته هم شوې ده.
تازه خبرونه
د ټرانسپورټ او هوايي چلند وزارت چارسمبالي د ازبکستان په شپږ اړخیزه غونډه کې ګډون وکړ
د ټرانسپورټ او هوايي چلند وزارت چارسمبالي حميدالله اخوندزاده پرون (سې شنبه د غویی څلورمه) د يوه پلاوي پر مشرۍ ازبکستان ته سفر کړی او د دې هېواد پر کوبتوب یې د افغانستان، روسيې، بېلاروس، پاکستان، قزاقستان او ازبکستان هېوادونو ترمنځ په شپږ اړخيزه غونډه کې ګډون وکړ.
د افغانستان پلاوي په دې کتنه کې د نورو هېوادونو له استازیو سره د افغانستان، روسيې، بېلاروس، پاکستان، قزاقستان او ازبکستان هېوادونو ترمنځ د شپږ اړخيز دهليز له لارې د راکړې ورکړې د پراختيا په اړه خبرې وکړې.
د ټرانسپورټ او هوايي چلند وزارت ويلي، چې د دې غونډې په څنډه کې د دغه وزارت چارسمبالي د روسیې او بلاروس د ټرانسپورټ له مرستیالانو سره هم وکتل.
دغه راز د ټرانسپورت او هوايي چلند وزارت چارسمبالي د روسيې او بېلاروس د ټرانسپورټ وزارتونو له مرستيالانو سره د افغانستان او روسيې، افغانستان او بېلاروس ترمنځ د ټرانزيټي لارو د پراختيا او د ټرانسپورټي اسانتياوو د برابرولو په اړه خبرې وکړې.
ویل کیږي، چې د ټرانسپورټ او هوايي چلند وزارت چارسمبالي د افغانستان په چارو کې د ازبکستان د ولسمشر ځانګړي استازي او د ټرانسپورټ له وزیر سره دوه اړخیزې ناستې کړي او د دواړو هېوادونو ترمنځ یې د ټرانزیټ پر پراختیا بحث او خبرې کړې دي.
-
تازه خبرونه2 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ4 days ago
د جاپان دوه پوځي چورلکې بحر ته وغورځېدې
-
نړۍ2 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
تازه خبرونه4 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
لوبی3 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
لوبی2 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
تازه خبرونه2 days ago
راشد خان د افغان بیسیم سوداګریز سفیر شو
-
سیمه ییز خبرونه3 days ago
د ایران ولسمشر پر درې ورځني سفر پاکستان ته ولاړ