تازه خبرونه
په تېرو درې وځو کې ټاکنو ته ۱۳۰۰۰ کسانو نومونه لیکلي
د ټاکنو خپلواک کمیسیون له خلکو غوښتي، چې په ټاکنو کې ګډون وکړي؛ ځکه، چې په تېرو درې ورځو کې په ټولیزه توګه دیارلس زره کسانو نومونه لیکلي دي.
خلک وايي، چې زیاتره کسان د ټاکنو په اړه معلومات نلري او عامه پوهاوی کمزوری دی؛ ځکه، نو نوملیکنې ته ډېر لږ خلک مرکزونه ته ورغلي دي.
د کابل اوسیدونکی امرخېل وایي: تېرې ټاکنې د مصلحت له مخې ترسره شوې وي. له اوسنیو ټاکنو مو هیله داده، چې رڼې او له درغلیو پاکې تر سره شي او له خلکو هم غواړو، چې په ټاکنو کې پراخ ګډون وکړي.
د کابل یو بل اوسیدونکی شېرزی وایي: زمونږ په سیمه کې نوملیکنه ښه په کرار روانه ده او زه ترې راضي یم.
د نوملیکنې د مرکز ريیسه سعدیه ګلاب زوی وایي: په نوملیکنه کې د ښځو ګډون د تېرو دوه ورځو په پرتله اوس ډېر شوی او د هرې ورځې په تېریدو ښځې او نرینه مساوي راځي.
ناامني د راروانو ټاکنو په وړاندې ستره ستونزه بلل کیږي او اندېښنې هم پخپل ځای دی؛ خو د ټاکنو خپلواک کمیسیون مسوولین له وسلوالو طالبانو غواړي، چې په ټاکنو کې ګډون وکړي او خپل کاندیدان وروپېژني.
د ټاکنو خپلواک کمیسیون غړی حفیط الله هاشمي وایي: ټاکنې د همدې لپاره دي، چې سیاسي او امنیتي مسایل او نورې ناخوالې حل کړي. مونږ هیله من یو، چې رڼې ټاکنې ولرو. کیدی شي دا بهیر د سولې له راتګ سره هم مرسته وکړي.
د ټاکنو خپلواک کمیسیون د مهالوېش له مخې؛ ټاکل شوې، چې د ولسي جرګې او ولسوالیو شوراګانو ټاکنې د تلې پر اته ویشتمه تر سره شي. کمیسیون له خلکو غواړي، چې په ټاکنو کې د ګډون لپاره نوم ولیکي او د خپلې خوښې نوماند ته رای ورکړي.
دا په داسې حال کې ده، چې وسلوالو طالبانو د ولسمشر غني او د ټاکنو خپلواک کمیسیون هغه غوښتنه رد کړې، چې په ټاکنو کې د ګډون لپاره یې له وسلوالو طالبانو کړې ده. طالبانو د یوې اعلامیې په خپرولو له خلکو غوښتي، چې په ټاکنو کې ګډون ونه کړي؛ خو د ټاکنو خپلواک کمیسیون د خلکو پر ګډون ټینګار کوي.
تازه خبرونه
افغان او ایراني حکومتي مشرانو د سیاسي، اقتصادي، سوداګریزو او ټرانزیټي اړیکو پر پياوړتیا خبرې وکړې
د ریاستلوزراء اقتصادي مرستیال ملا عبدالغني برادر او د حکومت یو شمېر وزیرانو د ایران د ولسمشر له ځانګړي استازي او په کابل کې د ایران له سفیر حسن کاظمي قُمي سره وکتل.
د ریاست الوزراء د مرستیالۍ دفتر ویلي؛ د لیدنې پر مهال د سیاسي، اقتصادي، سوداګریزو او ټرانزیټي اړیکو پر پياوړتیا او په بېلابېلو برخو کې پر دوه اړخیزو همکاریو خبرې وشوې.
د ریاست الوزراء اقتصادي مرستیال د افغانستان او ایران اړیکې ښې او مثبتې وبللې او څرګندوي، چې د اړیکو د پراختیا او پياوړتیا لپاره ګډ کار ته اړتیا ده.
ملا برادر وایي: سږ کال د اورښتونه د ډېروالي له کبله نیمروز ولایت او د ایران سیستان ته د هلمند سیند اوبه ورسېدې، چې دا به د دواړو هېوادونو د ولسونو ډېری ستونزې حل کړي.
دغه راز ملا عبدالغني برادر اخوند د ایران له لارې اروپايي هېوادونو ته د افغانستان تولیداتو ته د ټرانزیټي اسانتیاوې له برابرولو خوښي وښوده او د دواړو هېوادونو ترمنځ یې د ټرانزیټ او سوداګرۍ کچې د زیاتېدو غوښتنه وکړه.
په کابل کې د ایران سفیر سیستان ته د هلمند سیند د اوبو رسېدو په اړه خوښي څرګنده کړه او د دواړو هېوادونو د اقتصادې ودې او پراختیا لپاره اړینه بولي، چې هېواد به یې له افغانستان سره د سوداګرو د بانکي ستونزو د له منځه وړلو، د چاپېریال ساتنې پر وړاندې د ګډې مبارزې، د کرنې سکټور عصري کولو او همدارنګه د ایران له لارې د افغانستان د سوداګرۍ او ټرانزیټ کچې زیاتولو په برخو کې همکاري وکړي.
د ریاست الوزراء اقتصادي مرستیال په ایران کې د میشت افغان کډوالو د ستونزو د یادونې تر څنګ له ایراني لوري وغوښتل، چې په جبري بڼه افغان کډوال را ونهباسي او په دې اړه د دواړو لوریو ترمنځ ښه همغږي رامنځته شي.
ویل کیږي، چې په دې لیدنه کې د اوبو او انرژۍ، کرنې، اوبولګولو او مالدارۍ، د اطلاعاتو او کلتور وزارتونو چارسمبالو او په تهران کې د افغانستان چارسمبالي استازي فضل محمد حقاني هم حضور درلود.
تازه خبرونه
ملا برادر د قزاقستان د لومړي وزیر له مرستیال سره د اوسپنې پټلۍ پر رامنځته کولو خبرې وکړې
د اسلامي امارت د ریاست الوزرا اقتصادي مرستیال او د قزاقستان د لومړي وزیر مرستیال سیرک ژومانګارین د ترکمنستان او افغانستان له لارې پاکستان ته د اوسپنې پټلۍ پر رامنځته کولو خبرې وکړې.
د افغانستان اقتصادي مرستیالۍ په خبربانه کې راغلي، چې په دې لیدنه کې ملا عبدالغنی برادر د دواړو هېوادونو د سوداګرو د بانکي ستونزو د حل، د افغان – قزاق د ګدو شرکتونو رامنځته کولو او سوداګرو ته د ویزو د ورکړې لپاره د هوکړه لیکونو پر لاسلیک ټینګار وکړ.
سیرک ژومنګارین په پام کې لري، چې د قزاقستان د صنعت او سوداګرۍ ګډه خونه او د دواړو هېوادونو د سوداګرۍ او کار ګډه ډله رامنځته کړي او چمتو دی، چې د برښنایي حکومتولۍ، صنعت، لوړو زدهکړو، پوهنې، روغتیا او بانکدارۍ په سکټورونو کې له افغانستان سره همکاري وکړي.
تازه خبرونه
ایران او پاکستان په افغانستان کې پر ترهګرو ډلو اندېښنه څرګنده کړه
ایران او پاکستان په یوه ګډه اعلامیه کې د یو سولهییز، متحد، خپلواک او له ترهګرۍ او نشهیي توکو قاچاق څخه د پاک افغانستان په اړه پخپلو ژمنو ټینګار څرګند کړی دی.
دواړو لوریو د ترهګریزو ډلو شتوالي ته په افغانستان کې نغوته کړې، چې سیمې او نړۍ ته امنیتي ګواښ دی؛ نو پر وړاندې یې پر مبارزه، همکارۍ او متحدې جبهې جوړولو ټینګار کړی دی.
دوی دغه راز د سیمې د امنیت او ثبات د ډاډمنولو لپاره د سیمهییزې او نړیوالې همغږۍ د اړتیاوو پر اهمیت خبرې کړې دي.
دواړه لوري د افغانستان حاکمیت او ځمکنۍ بشپړتیا ته د احترام کولو تر څنګ څرګندوي؛ د دې هېواد ټولې خواوې باید په بنسټیزو پرېکړو کې ونډه ولري، چې په هېواد کې د سولې او ثبات لامل شي.
-
تازه خبرونه2 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ4 days ago
د جاپان دوه پوځي چورلکې بحر ته وغورځېدې
-
نړۍ2 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
تازه خبرونه4 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
لوبی3 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
لوبی2 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
تازه خبرونه2 days ago
راشد خان د افغان بیسیم سوداګریز سفیر شو
-
سیمه ییز خبرونه3 days ago
د ایران ولسمشر پر درې ورځني سفر پاکستان ته ولاړ