تازه خبرونه
له دوه یم نړیوالی جګړې راهیسې، کووید-۱۹ ترټولو لویه ننګونه ده – ملګري ملتونه
د ملګرو ملتونو عمومي منشي، آنتونیو ګوټرز خبرداری ورکوي چې د کرونا ویروس خپریدل له دویم نړیوال جنګ راهیسې د نړۍ لپاره ترټولو لویه ننګونه ده. د هغه په وینا، ښایي چې دغه ننګونه یو بحران رامینځته کړي “چې شاید په قریب ماضي کې یې سارۍ نوي”.
دا څرګندونې په داسیې حال کې کیږي چې د نړۍ ډیری هیوادونو وړاندوینه کړې چې ممکن د دوی اقتصاد په پراخه کچه تر بد اغیز لاندې راشي ځکه چې په نړۍ کې ډیری سوداګري چارې په ټپه بندې شوي دي.
همدارنګه، پر یاد ویروس باندې د اخته کسانو شمیر او تایید شوي مړینې ډیروالی په چټکې سره دوام لري. د معلوماتو لمخې، په نړۍ کې د کروناویروس ۸۸۵۲۲۱ پیښې ثبت شوي، چې ۴۴۲۱۲ مړینې هم پکې دي.
د بی بی سی د راپور له مخې په متحده ایالاتو کې د مړو شمیره اوس له ۴۰۰۰ څخه پورته شوي چې دا رقم په چین کې د مړینو له شمیر څخه لوړ دی.
د جان هاپکنز پوهنتون د موندنو لمخې، په متحده ایالاتو کې په تیرو ۲۴ ساعتونو کې ۸۶۵ کسان مړه شوي او تر ۱۸۹۰۰۰ ډیر خلک په دې ناروغۍ اخته شوي دي.