بلخ @ps
په کندوز کې د طالبانو له زندانه ۱۷ بندیان راخوشې شول
(Last Updated On: سلواغه ۲۱, ۱۳۹۸)
د ملي امنیت عمومي ریاست ځانګړیو ځواکونو د کندوز ولایت د خان آباد ولسوالۍ د نوآباد په اړوند سیمه کې د قومندان قاري ولی پر زندان او مرکز برید ونه تر سره کړي دي.
د یاد ریاست د خبرپاڼې له مخې؛ په دې عملیاتو کې دوه ملکي وګړي او ۱۵ سرتېري د طالبانو له زندان څخه آزاد شوي؛ یو شمېر مهمات او خپله جوړکړي ماینونه هم د امنیتي ځواکونو لاس ته وراغلي دي.
د سرچینې د څرګندونو له مخې، په دې عملیاتو کې درې پوځي مرکزونه او یو زندان ویجاړ او له منځه وړل شوي دي.
کندوز د شمالي سیمو یو له ناامنه ولایتونو څخه دی، چې په لیرې پرتو سیمو او وسلوالیو کې یې وسلوال جنګیالي پراخې هڅې تر سره کوي.