تازه خبرونه
په پکتیکا کې یو برمته شوي کس؛ ۲۵ طالبانو ته مرګ و ژوبله اړولې
د پکتیکا ولایت په سروبي ولسوالۍ کې وسلوالو طالبانو د سیمه ییزو پولیسو د قومندان ورور اول خان برمته کړی و؛ خو نوموړي د طالبانو پر وسله وسلوالو ته مرګ و ژوبله اړولې او پخپله یې بریالۍ تېښته کړې ده.
چارواکو ویلي، چې اول خان نومي برمته شوي کس له یوه وسلوال طالب وسله اخیستې، پر ډزو یې اووه تنه وسلوال طالبان وژلي اواتلس نور یې ټپیان کړي دي.
د پکتیکا والي ویاند محمد رحمان ایاز د دغه خبر د پخلي تر څنګ زیاته کړې؛ اول خان په سروبي ولسوالۍ کې د سیمه ییزو پولیسو د قومندان دریاخان ورور دی، چې څو ورځې وړاندې طالبانو نیولی و.
سرچینه زیاتوي؛ طالبانو دغه کس ګومل ولسوالۍ ته لیږدولی و، چې پر برخلیک یې د پکتیکا لپاره د طالبانو والي او نور طالبان مشورې وکړي.
ښاغلي ایاز څرګنده کړې، چې اول خان د لیږد پرمهال پر یوه وسلوال طالب برید کړی له هغه یې وسله اخیستې او په نورو وسلوالو طالبانو یې ډزې کړي دي، چې اووه وسلوال طالبان وژل شوي او اتلس نور ټپیان دي.
د پکتيکا د امنيه قومندانۍ وياند شاه محمد آرين دغه پېښه تائيدوي او وايي، چې اول خان ٢٥ طالبانو ته مرگ و ژوبله اړولې.
وسلوالو طالبانو یاده پېښه تائید کړې؛ خو طالبانو ته د اوښتې مرګ و ژوبلې ادعا ناسمه بللې ده.
طالب ویاند ذبیح الله مجاهد رسنیو ته ویلي، چې تښتول شوی کس په سیمه ییزو پولیسو کې د غړیتوب په تور نیول شوی و او د څېړنو پر مهال وسله لاس ته ورغلې او ۳ طالب ساتونکي یې وژلي دي.
د دغه ولایت د سروبي ولسوالۍ د سیمه ییزو پولیسو قومندان دریاخان وایي، ورور یې د سروبي ولسوالۍ د زړې کلا په سیمه کې د وسلوالو طالبانو له لوري نیول شوی و.
نوموړي څرګنده کړې، چې اول خان د وسلوالو طالبانو موتر هم له ځانه سره خپلې سیمې ته رالیږدولی او د دوی له منګولو روغ رمټ راوتی دی.
په پکتیا کې د ۲۰۳ تندر قول اردو سرچینو ویلي، چې اول خان د چارشنبې پر ورځ د کب ۲۳ چې د مارچ له ۱۴ سره برابره ده؛ وسلوالو طالبانو وتښتاوه، خو په یوه تکتیکي حرکت یې ۲۵ وسلوالو طالبانو ته مرګ و ژوبله واړوله او ځان یې د دوی له منګولو خلاص کړ او دا مهال د حکومت تر څارنې لاندې سیمې ته رسیدلی دی.
دغه سيمه ييز پوليس اول خان نومي رسنيو ته ويلي؛ له خپل ملگري سره گومل ته روان وم، چې له زړې کلا سره طالبانو ونيولم؛ غوښتل يې مونږ په گومل کې د طالبانو والي پيراغا ته يوسي، زما ملگرى يې په لارکې مړ کړ. ما د هغوى پيکا، چې د موتر په سيت کې پرته وه را واخيسته او ډزې مې شروع کړې.
اول خان زیاته کړې؛ د ډزو پرمهال يې ١٥ وسلوال طالبان وژلي او لس نور يې ټپيان کړي دي.
پکتیکا د افغانستان په جنوب ختیځ کې پر دیورند کرښه پروت ولایت دی، چې تل ترې د وسلوالو طالبانو د پراخو هڅو راپورونه ورکړ شوي دي.
تازه خبرونه
وروستیو سیلابونو په افغانستان کې ۱۵۰۰ کورنیو ته زیانونه رسولي
د مرستو رسولو اسلامیک ریلیف ټولنې څرګنده کړې، چې د تېرې اوونۍ بارانونو او سېلابونو په افغانستان کې مالي او ځاني زیانونو اړولي دي.
د دې ټولنې په راپور کې راغلي، چې د وروستیو سېلابونو له کبله شاوخوا ۱۵۰۰ کورنۍ زیانمنې شوي او سلګونه څاروي هم له منځه تللي دي.
اسلامیک ریلیف ټولنې زیاته کړې، چې د وروستیو اورښتونو په پایله کې ۹۰۰ کورونه جزوي او یا بشپړ ویجاړ شوي او ۹۳ زره هکټاره کرنیزه ځمکه زیانمنه شوې ده.
په داسې حال کې، چې په دې وروستیو ورځو کې سختو بارانونو او سیلابونو د افغانستان خلکو ته ځاني او مالي زیانونه اړولي دي، د نړیوالو مرستندویه موسسو د راپورونو پر بنسټ افغانستان له بېسارې بېوزلۍ او اقتصادي بحران سره مخ دی.
دا په داسې حال کې ده، چې له دې مخکې له پېښو سره د مبارزې وزارت ویلي وه، چې په دغو پېښو کې ۹۹ کسان وژل شوي او ۶۴ نور ټپیان دي.
تازه خبرونه
امریکا به افغانستان ته ورته په اوکراین کې هم له شرمېدلې ماتې سره مخ شي – روسیه
د روسیې بهرنیو چارو وزارت ویلي، چې امریکا به افغانستان او ویټنام ته ورته په اوکراین کې هم له شرمېدلې ماتې سره مخ شي.
د رویټرز د څرګندونو له مخې؛ د روسیې بهرنیو چارو وزارت ویاندې ماریا زاخارووا د یکشنبې پر ورځ ویلي: د روسیې پر وړاندې په ګډه جګړه کې ورځ تر بلې د واشنګټن ډوبېدا به ویټنام او افغانستان ته ورته د امریکا لپاره پر یوه لویه او شرمېدلې ماتې بدله شي.
هغې زیاته کړې، چې امریکا غواړي اوکرایین تر پایه وجنګېږي.
زاخارووا ویلي، چې روسیه به د اوکراین په جګړه کې د نورې ډېرې لاسوهنې لپاره د امریکا د کړنو پر وړاندې له قید او شرط پرته پرېکنده ځواب ورکړي.
امریکا د ۱۹۷۵ او ۱۹۹۵ کلونو ترمنځ د ویټنام په جګړه کې له ۵۸ زره څخه ډېر نظاميان له لاسه ورکړل، چې د کمونیسټ پلوه شمالي ویټنام پر بریا او په سویل کې د هغې د واکمنۍ له پای ته رسېدو سره پای ته ورسېده. په دې جګړه کې سلګونه زره ملکي وګړي ووژل شول.
په افغانستان کې هم امریکا د ۲۰۰۱ او۲۰۲۱ کلونو تر منځ ۲ زره ۴۵۹ سرتېري له لاسه ورکړل او له ۲۰ زره ډېر نور یې ټپیان شول.
تازه خبرونه
اوبه له افغانستان سره د اړیکو پراخولو اړین عامل دی – ایران
د افغانستان لپاره د ایران ځانګړي استازي حسن کاظمي قُمي اوبه د دوه اړخیزو اړیکو د پراختیا یو اړین عامل یاد کړی او هیله من شوی، چې د اوبو بهیر به روان وساتل شي.
حسن کاظمي قُمي دغه څرګندونې د یکشنبې پر ورځ (د غویی دوهیمه) په کابل کې د بهرنیو چارو وزارت له چارسمبالي امیرخان متقي سره په کتنه کې کړې دي.
د افغانستان بهرنیو چارو وزارت د خبرپاڼې له مخې؛ د ایران استازي د ایران سیستان ولایت ته د هلمند د سیند د اوبو په لاره کې د پرتو خنډونو د لرې کولو له کبله مننه کړې ده.
د بهرنیو چارو وزارت چارسمبالي دا هم ویلي؛ سږ کال په هېواد کې بارانونه شوي، چې په پایله کې یې له څو کلنې پرلهپسې وچکالۍ وروسته د هلمند سیند اوبه د افغانستان نیمروز ولایت او د ایران سیستان ته روانې شوې.
امیر خان متقي د افغانستان او ایران اړیکې دوستانه او مثبتې وبللې او په ټولو اړوند برخو کې یې د امکان تر حده د اړیکو د پراختیا غوښتونکی شو.
په دې کتنه کې د ایران ځانګړي استازي پر غزه د اسرائیلو د بریدونو په اړه د اسلامي امارت له دریځ او په دمشق کې د ایران پر کونسلګرۍ د برید له غندنې مننه وکړه.
-
لوبی5 days ago
د افغانستان فوټسال ملي لوبډلې له ایران ماتې وخوړه
-
نړۍ2 days ago
د جاپان دوه پوځي چورلکې بحر ته وغورځېدې
-
تازه خبرونه5 days ago
ملګرو ملتونو تېر کال په افغانستان کې د اوبو ۴۷۰ کیلومټره کانالونه جوړ کړل
-
تازه خبرونه2 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
لوبی1 day ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
نړۍ5 days ago
د جمعې په ورځ به د م.م امنیت شورا په م.م کې د فلسطین د بشپړ غړیتوب په اړه رای ورکړي
-
تازه خبرونه5 days ago
تېر ۲۰۲۳ کال د افغانستان د خلکو لپاره د سترو ننګونو کال و -راپور
-
تازه خبرونه2 days ago
چینایي سوداګر کابل ته د پنجشېر اوبو لیږدولو په پروژه کې پانګونې ته لیوالتیا لري