تازه خبرونه
په پکتیا کې د قومي مشر په ګډون ۶ کسان وزل شوي
د پکتیا ولايت د زرمت ولسوالي په سرکۍ سيمه کې تېره شپه پر يو کور امنیتي ځواکونو عمليات تر سره کړي دي.
د زرمت ولسوالۍ اوسیدونکي وايي, د امنیتي ځواکونو دغه عمليات د پخواني جهادي قومندان او قومي مشر محمد نعيم پر کور شوي، چې د حاجي نعيم په ګډون د هغه ورور, زوی او درې نور په کې وژل شوي دي.
د پکتيا د سولې ولايتي کمیتې مسوول جنت خان منګل وايي، حاجي نعيم د سولې ولايتي کمیتې غړی دی؛ خو معالومه نده, چې وژل شوی او که ژوندی پاتې دی.
د پکتيا ولايت امنيتي مسوولين عمليات مني؛ خو وايي؛ د مرګ و ژوبلې په اړه بشپړ معالومات نه لري، چې په دې برید کې وژل شوي کسان وسلوال طالبان دي او که ملکي خلک دي.
طالبانو ویلي، چې بهرنیو ځواکونو تېره شپه په زرمت ولسوالۍ کې پر جومات، کورونو او د پلورنځیو عملیات کړي، چې په کې د قومي مشر محمد نعیم په ګډون د ده درې زامن ، دوه وروڼه او د کلي دوه کسان وژل شوي دي.
د سیمې خلکو د وژل شویو کسانو جسدونه د ولایت مقام مخې ته وړي د ي.