تازه خبرونه
په ننګرهار ولایت کې د داعشیانو مرکزونه بمبارد شوي
(Last Updated On: لړم ۲, ۱۴۰۱)
د ننګرهار د هسکې مینې ولسوالۍ په بېلابېلو سیمو کې بهرنیو ځواکونو د داعش څو مرکزونه بمبارد کړي دي.
د ننګرهار ولایت د امنیه قومندانۍ ویاند حضرت حسین مشریقوال وايي، په دې بمبارد کې د داعش اتلس جنګیالي وژل شوي او اووه ټپيان دي.
هغه زیاته کړې، چې په دغو بریدونو کې د داعش یو شمېر سپکې وسیلې هم ویجاړې شوي.
تراوسه داعش څه نه دي ویلي.
د یوه بل خبر له مخې تېر ماسخوتن ناپېژنده وسلوالو د ننګرهار چپریهار ولسوالۍ د ډاکو د کلي د لوی جومات ملا امام مولوي حزب الله پر ډزو وژلی.