Connect with us

تازه خبرونه

ډېر ژر به ولسمشریزوټاکنو ته د نوماندانو لومړنۍ نوملړ اعلام شي

Published

 on

(Last Updated On: سلواغه ۸, ۱۳۹۷)

د ټاکنو خپلواک کمیسیون څرګنده کړې، چې تر اته ورځو پورې به د ولسمشریزو ټاکنو د نوماندانو لومړنی نوملړ اعلام شي.

د ټاکنو خپلواک کمیسیون د هغو کسانو د معلوماتو پر راټولولو کار کوي، چې ولسمشریزو ټاکنو ته یې د نوماندانو په توګه نوملیکنه کړې ده.

د ټاکنو خپلواک کمیسیون غړی حفیظ الله هاشمي وايي، چې اته ورځې وروسته به د نوماندانو لومړنۍ نوملړ اعلان شي.

نوموړي زیاته کړې؛ ژمنه شوې، چې تر سې شنبې به معلومات راټول شي او د چارشنبې پر ورځ به په دې اړه علني ناسته جوړه شي.

د ټاکنیزو شکایتونو کمیسیون ويلي، چې د نوماندانو د لومړني نوملړ له خپریدو سره سم به دوی د شکایتونو د اروزنې چارې پیل کړي.

د ټاکنیزو شکایتونو کمیسیون منشي علي رضا روحاني وایي، چې د ټاکنیزو شکایتونو ځواکمني په ډاګه شوې او د قانون پر بنسټ هر راز شکایتونه ډاډمن وڅېړل شي.

د ټاکنو څارونکي بنسټونه وايي، چې د ټاکنو خپلواک کمیسیون چارې نیمګړې او له ستونزو ډکې دي.

د افغانستان د آزادو او عادلانه ټاکنو بنسټ اجرايي رييس یوسف رشید وایي، چې مونږ لدې اندښېمن یو، چې د اسنادو څېړل او شکایتونو ته لاسرسی پارلماني ټاکنو ته ورته نه وي؛ ځکه، چې تر دې دمه د اصلاحاتو په اړه هیڅ کار ندی شوی.

په همدې حال کې د ټاکنیزو شکایتونو کمیسیون د نورستان، خوست، کونړ، فراه، فاریاب او بدخشان ولایتونو شکایتونه ارزولي او پایلې یې د ټاکنو خپلواک کمیسیون ته استولي دي.  

تازه خبرونه

په ایران کې یوه افغان لس کسان پر چړې وژلي

Published

on

(Last Updated On: زمری ۱۸, ۱۴۰۱)

د ایران دولتي خبري آژانس ایرنا د کرمان ښار د چارسمبالي والي حسین رضايي د څرګندونو له مخې په ډاګه کړې؛ یوه افغان د یکشنبې پر ورځ د ایران په جنوبي ښار کرمان ولایت کې د شخصي دښمنۍ له کبله لس کسان پر چړې وژلي دي.

رضايي زياته کړې، شکمن د پوليسو لخوا هغه وخت ونيول شو، چې غوښتل يې ماښام  مهال له دې ولايته ووځي.

نوموړي د دغه افغان د ورور د څرګندونو له مخې ویلي؛ تورن ذهني بې ثباتي لرله او پر مخدره توکو روږدی و.

د رسنیو د راپور له مخې؛ په دې برید کې شپږ افغانان او څلور ایرانیان وژل شوي دي.

د دې سيمې چارواکي وايي، چې په دې پېښه کې يو بل تن ټپي شوى او تر درملنې لاندې دى.

Continue Reading

تازه خبرونه

په افغانستان کې مذهبي ډلې د خپلو مراسمو د ترسره کولو پوره آزادي لري

Published

on

(Last Updated On: زمری ۱۷, ۱۴۰۱)

د بهرنیو چارو وزارت سیاسي مرستیال نن په کابل کې د عاشورا نمانځغونډې ته وویل، د نامسلمانو په ګډون ټولې مذهبي ډلې کولی شي خپل مراسم په آزاده توګه ترسره کړي.

د اسلامي امارت د بهرنیو چارو وزارت سیاسي مرستیال شېر محمد عباس ستانکزی وايي؛ د افغانستان ټول مذهبونه او حتا غیر مسلم اقلیتونه د خپلو مذهبي مراسمو په ترسره کولو کې آزاد دي او په دې برخه کې کومه ستونزه نشته.

شېرمحمد عباس ستانکزي، چې د محرم پر لسمه يې په کابل کې خبرې کولې له خلکو وغوښتل، چې د اوسني نظام ملاتړ وکړي

نوموړي همداراز ټینګار کړی، چې ځینې هېوادونه د افغانستان د وضعیت په ګډوډولو کې خپلې ګټې ویني؛ خو مونږ په هېواد کې د ستونزو او جګړو د پای ته رسولو لپاره اړتیا لرو او خلک باید د دغو دسیسو پر وړاندې د اوسني نظام ملاتړ وکړي.

د بهرنيو چارو وزارت سياسي مرستيال په هېواد کې تېرو کورنيو جګړو ته په نغږته کې وايي، چې د پخواني شوروي اتحاد پر وړاندې د جهاد له بريا وروسته ډېرو کسانو د واک او شخصي انګېزو له کبله هېواد بې ثباته کړ.

شېر محمد عباس ستانکزي د خپلو خبرو په بهیر کې د داخلي مخالفتونو پر ختمېدو هم ټینګار څرګند کړ.

که څه هم د عاشورا د ماتم کوونکیو پر وړاندې د امنیتي ګواښونو په اړه اندېښنې موجودې وې؛ خو د عاشورا مراسم په بشپړ خوندي چاپېریال کې ترسره شول.

د یادونې ده، چې د محرم لسمه ورځ د امام حسین (ع) د شهادت د ویر او د هغه د غوښتنو او پوښتنو یادولو ته ځانګړې شوې ده.

Continue Reading

تازه خبرونه

په کابل کې د امریکا لخوا د القاعده د مشر وژل کېدل یوه ادعا ده – حکمتیار

Published

on

(Last Updated On: زمری ۱۷, ۱۴۰۱)

د حزب اسلامي مشر ګلبدین حکمتیار ويلي، د امریکا له لوري د القاعده د مشر ایمن الظواهري وژل یوازې یو تور دی او د دغه هېواد له لوري هیڅ ثبوت وړاندې شوی ندی.

حکمتیار د جمعې پر ورځ د خپلو خبرو په یوه برخه کې دغه عمل یو تروریستي عمل نومولی او وایي، چې امریکا د افغانستان له فضايي حریم او ملي حاکمیت څخه پوره سرغړونه کړې ده.

د حزب اسلامي امیر ګلبدین حکمتیار ادعا کوي، چې امریکا په افغانستان کې خپل فعال پوځي، استخباراتي او جاسوسي حضور روان ساتلی، چې ښايي د اسلامي امارت د ځینو مشرانو د وژلو پلان ولري. امارت باید د دا ډول بریدونو مخه ونیسي.

د حزب اسلامي مشر ګلبدین حکمتیار ويلي، امریکا له افغانستان څخه د جګړې د دوام په اراده وتلې او د غچ اخیستنې احساس د دغه هېواد د سیاسي او پوځي چارواکو له څرګندونو هم څرګندېږي.

نوموړی خبرداری ورکوي، چې د افغانستان هوايي حریم هم خوندي ندی او امریکا کولی شي خپل مخالفان په افغانستان او نورو ځایونو کې پر نښه کړي.

د امریکا حکومت ادعا کوي، چې ایمن الظواهري د تېرې شنبې پر ورځ په کابل کې د امریکا د بې پیلوته الوتکې په برید کې وژل شوی؛ خو د دې ادعا د ثابتولو لپاره یې اسناد وړاندې کړي ندي. اسلامي امارت د دغه برید پخلی کوي؛ خو تر اوسه یې په کابل کې د الظواهري د میشتېدو او د هغه د وژل کېدو په اړه څه ندي ویلي.

Continue Reading

Trending

Copyright © 2022 Ariana News. All rights reserved!