انځوريز خبرونه
ټولو زدکوونکیو ته درسي کتابونه چاپیږي- غني
۱۳۹۷ ښوونیز کال د شنبې پر ورځ( د وري ۴ ) د ولسمشر او نورو لوړپوړیو چارواکو په حضور کې پیل شو او ولسمشر په خپلو خبرو کې په ډاګه کړه، چې سږکال د ټولو ښوونځیو زدکوونکیو ته درسي کتابونه چاپیږي.
د ولسمشر اشرف غني په وینا؛ په تېرو کلونو کې ۳۰ سلنه زدکوونکیو ته کتابونه چاپیدل، خو اوس به سل په سلو کې ټولو زدکوونکیو ته چاپیږي.
هغه دغه راز زیاته کړې، چې د وېش سیستم یې جوړ شوی او د اړتیا وړ ۵ کلنه بودجه یې هم چمتو شوې ده.
ولسمشر غني د نوي ښوونیز کال د پرانستې په مراسمو کې د ښځو پر ونډه ډېر ټینګار وکړ او وایي، چې ۳۰۰۰ قراردادي بستونه ښځینه ښوونکیو ته منظور شوي او دا به نجونو ته دوه برابره کیږي.
دغه راز ولسمشر دولتي چارواکو ته هدایت ورکړ او له قومي مشرانو او دیني عالمانو یې وغوښتل، چې په شپږ میاشتو کې ټولو هغو ښوونځیو ته، چې ځمکه نلري ځمکه پیدا او په دې اړه همکاري وکړي.
ولسمشر د ښوونکیو د استخدام لپاره په ډاګه کړه: زما پرېکړه داده، چې ټول ښوونکي دې د اداري اصلاحاتو کمیسیون له لارې استخدام شي؛ د ښوونکیو ټاکنه به د سیالۍ له لارې وي. د ښوونکي د دندې لپاره د بډو ورکول نور د منلو وړ ندي.
نوموړي دغه راز د خپلو څرګندونو په یوه برخه کې د ښوونکیو لپاره د قرضې صندوق پر جوړولو ټینګار وکړ او زیاته یې کړه، چې په دې اړه یو لړ کارونه تر سره شوي دي.
ښاغلي غني په دې اړه وویل: له مالیې وزارته غواړم، چې د ښوونکیو د قرضې صندوق ته خپله همکاري روانه وساتي. زه پر سوداګرو او ملي پانګوالو غږ کوم، چې د ځمکې، نقدي مرستې او یا نورو څیزونو د ورکړې له لارې په دې ملي حشر کې برخه واخلي او امنیتي ځواکونه د ښوونځیو، ښوونکیو او زدکوونکیو د امنیت په خوندي کولو کې د خپلې دندې له مخې همکاري وکړي.
د ولسمشر په خبره؛ له انترنیت سره د ښوونځیو پر نښلولو کار روان دی؛ د مرکز ښوونځي به لومړی ونښلول شي او دا بهیر به بیا ولایتونو ته هم وغزول شي. د دغې طرحې له پلي کیدو سره به له ښوونې او روزنې ښه پایله تر لاسه شي.
د ولسمشر په وینا؛ ۵۰ سلنه ښوونځي ودانۍ نلري او د ښوونځیو د ودانیو جوړول به په راتلونکیو دوه کلونو کې بشپړه شي.
هغه په دې اړه وویل: په روان کال کې به شپږ زره ښوونځي جوړشي. د کلیو او پراختیا وزیر ته سپارښتنه شوې او دغه کار ته تر ۲۰۰ میلیون دالرو بودجه هم ځانګړې شوې ده.
ښاغلي غني ۱۳۹۷ کال له پوهنې د ملاتړ کال ونوماوه او د پوهنې د میاشتني بهیر ارزونه یې پخپل کاري لومړیتوب کې راونغښته.
انځوريز خبرونه
د افغانستان سیاسي او اقتصادي بحران ته یوه لنډه کتنه
انځوريز خبرونه
آریانا نیوز: دري خبرونه د سلواغې ۱۱ کال ۱۳۹۹
انځوريز خبرونه
روبینا جلالي د اتلتیک د فدراسیون د رئیسئ په توګه وګمارل شوه
آغلې روبینا جلالي د افغانستان د ملي اتلتیک فدراسیون په ټول ټاکنو کې د ډیرئ رائیو په ګټلو سره، د دغه فدراسیون ریاست ته د څلور کالو لپاره وټاکل شوه.
نن پنج شنبه د مرغومې ۱۹، د افغانستان د ملی اتلتیک د فدراسیون د ریاست ګټلو په موخې ټول ټاکنې ترسره شوې چی په پایله کې یی میرمن جلالي تولو دیرشو رائیو په ګټلو سره بریالې شوه.
آغلې جلالي د طالبانو د دولت له سقوط څخه وروسته د المپیک لوبو لومړنې ښځینه ګډونکونکې ګڼل کیږي.
هغې د اتلتیک او د المپیک لوبو تجربه په ۲۰۰۴ او ۲۰۰۸ میلادي کلونو کې ترلاسه کړې ده.
نوموړې د اتلتیک فدراسیون د ریاست د دندو د پرمخوړلو ترځنګ د المپیک د ملي کمیټې د ښځو د بخش مرستیاله او په پارلمان کې د کابل ښاریانو استازې هم ده.
-
تازه خبرونه2 days ago
په پاکستان کې ځانمرګي د ۵ چینايي انجینرانو په ګډون ۶ کسان ووژل
-
سوداگري3 days ago
افغانستان ته د پاکستان راغلی پلاوی پر اقتصادي همکاریو خبرې کوې
-
تازه خبرونه3 days ago
بیات بنیاد په ننګرهار کې اړمنو کورنیو ته د روژې مرستې ووېشلې
-
تازه خبرونه4 days ago
په هرات کې له ۵۰۰ ډېر لرغوني آثار موزیم او آرشیف ته سپارل شوي
-
تازه خبرونه4 days ago
د ښځو پر وړاندې د اسلامي امارت فرمانونه افغانستان پر بهرنیو مرستو متکي ساتي – رینا امیري
-
تازه خبرونه3 days ago
د پاکستان په تورخم کې سرحدۍ ځواکونو د فډرالي څېړنو ادارې ۶ کارکوونکي وهلي
-
سوداگري2 days ago
د افغانستان او پاکستان د سوداګرۍ استازیو پر ننګونو خبرې وکړې
-
تازه خبرونه1 day ago
په کابل کې سلګونه اړمنې کورنۍ د بیات بنیاد د روژې له مرستو برخمنې شوې