رویداد های اخیر
تاجیکستان میگوید دو سرباز در درگیری با شبهنظامیان در نزدیکی سرحد افغانستان کشته شدند
مقامات تاجیکستان اعلام کرده اند مرزبانان این کشور با شبهنظامیانی که از افغانستان وارد ولایت ختلان تاجیکستان شده بودند، درگیر شدند.
کمیته امنیت ملی تاجیکستان گفته است که در این درگیری، سه شبهنظامی از پا در آمده و دو سرباز این کشور کشته شدند. در جریان عملیات، سلاحها و مهمات شامل تفنگ، تفنگچه، بمب دستی، و دستگاه دید در شب ضبط شده است.
این سومین حمله از افغانستان به تاجیکستان طی یک ماه گذشته است. در حملات گذشته، شهروندان چین هدف قرار گرفته بودند.
امارت اسلامی پیش از این به تاجیکستان اطمینان داده بود که آماده است تدابیر امنیت مرزی را تشدید کرده و تحقیقات مشترک انجام دهد.