بی بی سی پښتو
په افغانستان کې د کورونا وېروس مثبتې پېښې کمې شوي
د افغانستان عامې روغتیا وزارت ویلي، د دویمې پرله پسې ورځې ثبت شوي پېښې ښيې چې په کورونا اخته کسانو په شمېر کې کموالی راغلی دی.
د عامې روغتیا وزارت له خوا خپرې شوې وروستۍ شمېرې ښيي چې د هېواد په ۲۰ ولایتونو کې له ازمويل شویو شاوخوا ۱۵۰۰ مشکوکو ناروغانو ۵۴۶ تنه يې په کووېډ- ۱۹ ناروغۍ اخته دي.
وزارت دا شمېر د تېرې اونۍ پرتله کم او هیله بښونکی بولي چې له اخېستل شویو معاینو به يې سم نیمايي یا ډېر په کورونا ناروغۍ اخته بلل کېدل.
- کورونا وېروس: برازیل کې مثبتې پېښې تر یو میلیون واوښتې
- د کورونا مخنیوي محدودیتونو پر ضد په چمن کې د سوداګرو احتجاج
- بریتانیا کې د کورونا وېروس ضد درملو کارېدل پیلېږي
په تازه پېښو کې يې ډېرې یعنې ۱۷۳ په کابل او ۱۳۲ نورې په لویدیځ هرات ولایت کې ثبت شوي دي، خو دا یوازې ثبتي شمېرې دي، وزارت په دې باور دی چې د هغو کسانو شمېره له دې ډېره ده چې روغتونونو ته نه ځي.
د عامې روغتیا وزارت په وینا په تېرو ۲۴ ساعتونو کې ۳۳۰ تنه نور له کووېډ- ۱۹ ناروغۍ رغیدلي هم دي چې ورسره د ټولو رغیدلو کسانو شمېر ۸۳۰۰ تنه لوړ شوی دی.
په ورته وخت کې د افغانستان په لویدیځ او شمالي ولایتونو هرات او مزارشریف کې له شاوخوا یوې اونۍ ځنډ وروسته د کورونا د تشخیص او معاینو لړۍ پیل شوې. دا بهیر هلته د امکاناتو او روغتیايي وسایلو د کمښت له کبله دریدلی و.
په دواړو ولایتونو کې دا لړۍ لا هم محدوده ده، په مزارشریف کې د تېرو ۲۴ ساعتونو راهیسې یوازې ۱۶ کسان معاینه شوي چې د ۶ کورونا معاینې مثبت وې اودا ولایتونه د ډېرو مثبتو پېښو په کتار کې په دویم او څلورم ځای کې دي.
د هرات د عامې روغتیا ریاست ویاند محمد رفیق شیرزی وايي، هلته یوازې د ډېرو عاجلو ناروغانو د کورونا معاینې کېږي او د نورو ډېرو تشخیص د نښو نښانو پر بنسټ او کلینکي وضعیت ته په کتو کېږي:
“معاینې لږ محدودې شوي، هغو ناروغانو ته چې په روغتونونو کې بستر دي یا په بد روغتیايي وضعیت کې دي او یا مېندوارې مېرمنې دي، د ټېسټ امکانات لرو له دوی نمونې اخلو او نتیجې يې اعلانیږي، د نورو ناروغانو عمومي وضعیت ته کتل کېږي او له معاینې پرته د معالج ډاکټر تر درملنې لاندې نیول کېږي.”
د عامې روغتیا سرپرست وزیر تېره ورځ هرات ته د سفر پر مهال ژمنه وکړه چې د هرات په ګډون په ټولو ولایتونو کې به د کورونا د تشخیص یا کیټونو ستونزه ژر تر ژره حل شي له دې وړاندې په کندهار او یو شمېر نورو ولایتونو کې هم د ورته ستونزو راپورونه ورکړل شوي چې له کبله يې په دې هېواد کې کره شمېرې هم په سختۍ موندلې شي.
-
اخبار ساحوی4 روز ago
نتانیاهو: با توافق یا بیتوافق وارد رفح
-
ورزش4 روز ago
ترکیب تیم ملی کریکت افغانستان برای حضور در جام جهانی ٢٠آوره ٢٠٢٤ اعلام شد
-
رویداد های اخیر5 روز ago
سازمان حفاظت از کودکان ۹۲ تُن دوا به افغانستان فرستاد
-
رویداد های اخیر4 روز ago
کمک ٨۴ میلیون دالری بانک جهانی به افغانستان
-
جهان3 روز ago
آنتونی بلینکن: امریکا از حمله اسرائیل به رفح بدون نقشه حمایت از غیرنظامیان حمایت نمیکند
-
علم و تکنالوژی3 روز ago
شرکت اپل در حال آماده شدن برای کاهش قابل توجه فروش است زیرا سرمایه گذاران منتظر تولید آیفونهای مجهز به هوش مصنوعی هستند
-
جهان4 روز ago
پولیس امریکا ۱۰۰ طرفدار فلسطین را در پوهنتون کلمبیا بازداشت کرد
-
رویداد های اخیر3 روز ago
یوناما گزارش سه ماههاش را تحت عنوان وضعیت حقوق بشری در افغانستان نشر کرد