سرپرست قونسل‌گری افغانستان در شهر “خاروغ” تاجیکستان می‌گوید؛ این نهاد دیپلوماتیک با حمایت و زیر نظر مستقیم وزارت امورخارجه امارت اسلامی کار می‌کند.

نقیب‌الله دهقان زاده، همچنان در نوار تصویری سخنان اخیر ظاهر اغبر، سفیر دولت پیشین در تاجیکستان را بدور از حقیقت دانسته و پاره کردن معرفی نامه دیپلومات امارت اسلامی از سوی وی را غیرمسوولانه خوانده است.

آقای دهقان‌زاده در این نوار تصویری گفته که؛ قونسلگری افغانستان در خاروغ تاجیکستان مطابق به اصول و صلاحیت‌های قانونی خود فعالیت می‌کند.

پس از واکنش شدید ظاهر اغبر، سفیر دولت پیشین افغانستان در تاجیکستان، حالا نقیب‌الله دهقان‌زاده، سرپرست قونسول‌گری افغانستان در شهر “خاروغ” این کشور می‌گوید؛ این نماینده‌گی با پشتیبانی و زیر نظر مستقیم وزارت امور خارجه امارت اسلامی، فعالیت می‌کند.

نقیب‌الله دهقان‌زداده این اظهارات را در نوار تصویری که از طریق صفحه اجتماعی ایکس ضیااحمد تکل، معاون سخنگوی وزارت امور خارجه منتشر شده، بیان کرده است.

به گفته وی، این نماینده‌گی مطابق به اصول و صلاحیت‌های قانونی خود فعالیت می‌کند.

آقای دهقان‌زاده همچنان در این نوار تصویری سخنان اخیر ظاهر اغبر سفیر نظام پیشین افغانستان در تاجیکستان را غیرمسوولان و بدور از حقیقت خوانده است.

ظاهر اغبر چند روز پیش، مکتوبی را که به گفته او در آن یک دیپلومات امارت اسلامی برای سفارت افغانستان در دوشنبه معرفی شده بود پاره کرد و گفت که دولت سرپرست نزد آنان مشروعیت ندارد.

دهقان‌زاده مدعی است که پس از سقوط جمهوریت، دامنه فعالیت‌های این نمایندگی برای خدماتی همچون صدور پاسپورت و صدور ویزا برای افغان‌های مقیم تاجیکستان گسترش یافته است. او این را هم می‌گوید که؛ در بخش‌های ترانزیت، تجارت، مسایل مرزی، زندانیان حقوقی و جنایی با مقامات جمهوری تاجیکستان هماهنگی وجود دارد.

هرچند در بیشتر از دوسال گذشته سفارت خانه‌های افغانستان در تمامی کشورهای همسایه و شماری زیادی از کشورهای منطقه به دیپلومات‌های امارت اسلامی واگذار شده است، اما تاجیکستان به دلیل روابط متشنجی که با امارت اسلامی دارد تا کنون سفارت افغانستان در این کشور را به دیپلومات‌های امارت اسلامی واگذار نکرده است.