لوبی
آریانا تلویزیون د افغانستان فتسال غوره لیګ سیالۍ خپروي

ټاکل شوې، چې آریانا تلویزیوني شبکه خپلو میلیونونو درنو لیدونکیو ته د افغانستان فتسال غوره لیګ زړه راکښونکې سیالۍ د سلواغې پر ۲۶ نېټه پیل او تر ۱۸ مې هغې پورې دوی ته په ژوندۍ بڼه وړاندې کړي.
د افغانستان فوتسال غوره لیګ دوهیم پړاو سیالۍ د افغانستان فوتبال فدراسیون او آریانا تلویزیوني شبکې لخوا مدیریت او خپرېږي.
د پچې اچونې مراسم به د سلواغې پر ۱۸ نېټه د ماښام پر ۷:۰۰ بجو پیل او له آریانا تلویزیون څخه به په ژوندۍ بڼه خپاره شي.
د پرانستې مراسم او سیالۍ به د روانې میاشتې پر ۲۶ نېټه د ماسپښین له ۳:۰۰ بجو څخه پر ژوندۍ بڼه وړاندې کیږي.
د دغه لیګ د لوبغاړیو د داوطلبۍ مراسم به د سلواغې پر ۱۸مه ترسره شي.
د لیګ په بهیر کې هره ورځ دوه لوبې ترسره کیږي؛ د سیالیو خپرونه به د ماسپښین پر ۳:۰۰ بجو پیل شي او د شپې تر ۸:۰۰ بجو به روان وي. دغه راز به د لوبې د مخکینۍ نندارې، ورځنیو لوبو او له لوبو وروسته به د بحثونو لیدونکي هم وئ.
په دې تورنمنت یا سیالیو کې به لس لوبډلې برخه ولري.
فوتسال په افغانستان کې په پرلپسې توګه شهرت ته رسېدلی دی.
افغانستان د آسیا د فوتبال کنفدراسیون په درجه بندۍ کې د ۳۶ هېوادونو په ډله کې ۲۴ ځای لري.
تېر کال د فوتسال په ۱۵ ورځنيو سیالیو کې ۲۲ لوبډلو برخه اخیستې وه، چې د هېواد له ګوټ ګوټ څخه یې ځوان استعدادونه جذب کړل.
د تېر کال په سیالیو کې د فوتسال یو شمېر روزونکیو اعلان وکړ، چې په تېرو څو کلونو کې د هېواد د لوبغاړیو مهارتونه د پام وړ ښه شوي او دا ډول سیالۍ د لوبغاړیو لپاره ځانګړی ارزښت لري.
ډاډ ترلاسه کړئ، چې د آریانا تلویزیون تازه معلومات په ټولنیزو رسنیو او یا هم د نورو جزئیاتو لپاره دلته د آریانا نیوز په ویب پاڼه کې وڅارئ.
د سیالیو مهالوېش د لیدلو لپاره دا ځای کېکاږئ.
لوبی
د افغانستان الف کرکټ لوبډلې د سریلانکا پر وړاندې ماتې وخوړه

د افغانستان الف کرکټ لوبډلې د سریلانکا الف لوبډلې پر وړاندې د ۵۰ اوریزو سیالیو په درې اړخیزه لړۍ کې د ۴ ویکټو پر توپیر ماتې وخوړه.
دا لوبه د چارشنبې پر ورځ د متحده عربي اماراتو په پلازمېنه ابوظبي کې ترسره شوه.
د لوبې پچه سريلانکا وګټله؛ خو په خپله یې د توپاچونې پرېکړه وکړه او افغان ابدالیانو یا الف لوبډلې ته یې د توپوهنې یا بېټېنګ بلنه ورکړه.
افغان الف لوبډلې د سريلانکا الف لوبډلې ته په ټاکل شویو ۵۰ اورونو کې د اته ویکټو پر له لاسه ورکولو ۲۲۹ منډې هدف ټاکلی و، چې سريلانکا د شپږو لوبغاړو پر سوځېدو په ۳۹ اوورنو کې هدف پوره کړ.
افغانستان مخکې له دې په دې لړۍ کې یوه لوبه د ایرلینډ پر وړاندې او بله د سریلانکا پر وړاندې بایللې وه.
سريلنکا ټولټال څلور لوبې کړي او څلور واړه یې ګټلې دي. له دې سره دې لوبډلې اته امتیازه ترلاسه کړي او د ۵۰ اږریزو لوبو د جدول په سر کې ځای لري.
افغانستان او ایرلنډ له څلورو لوبو یوازې یوه یوه ګټلې او دواړه دوه دوه امیازه لري.
دا لوبې په ابوظبۍ کې د افغانستان په کوربهتوب روانې دي؛ پایلوبه به د راروانې جمعې پر ورځ( د غویی پېنځمه / د اپرېل پېنځهویشتمه) ترسره شي.
لوبی
افغانستان د ۲۰۲۶ کال له ۱۹ کلنو ټیټ عمره کرکټ نړیوال جام ته لاره پیدا کړه
افغانستان د نړیوال جام د غوراوي په سیالیو کې خپلې لومړۍ درې لوبې وګټلې، او څلورمه لوبه (د نیپال پر وړاندې) د باران له کبله لغوه شوه.

د افغانستان د ۱۹ کلنو کرکټ ملي لوبډلې د ۲۰۲۶ کال په نړیوال جام کې د لوبېدا وړتیا ترلاسه کړه.
افغانستان د نړیوال جام د غوراوي په سیالیو کې خپلې لومړۍ درې لوبې وګټلې، او څلورمه لوبه (د نیپال پر وړاندې) د باران له کبله لغوه شوه.
له ۱۹ کلنو د ټیټ عمره ځوانانو کرکټ نړیوال جام به راتلونکي کال په نامیبیا او زیمبابوې کې ترسره شي.
لوبی
له ۱۹ کلنو ټیټ عمره ملي لوبډلې اماراتو ته ماتې ورکړه
په دې لوبه کې افغانستان د ۵۰ اورونو په پای کې یوازې ۴ لوبغاړي پر له لاسه ورکولو ۳۵۹ منډې جوړې کړې.

د افغانستان له ۱۹ کلنو ټیټ عمره کرکټ ملي لوبډلې نن (چارشنبه) متحده عربي اماراتو ته د ۱۸۰ منډو پر توپیر ماتې ورکړه او د آسیا له ۱۹ کلنو ټیټ عمره کرکټ نړیوال جام د غوراوي په سیالیو کې یې خپله د نه ماتې لړۍ خوندي کړه.
په دې لوبه کې افغانستان د ۵۰ اورونو په پای کې یوازې ۴ لوبغاړي پر له لاسه ورکولو ۳۵۹ منډې جوړې کړې.
دا د سیمې په غوراوي سیالیو کې د افغانستان درېیمه بریا ده.
له دې مخکې افغانستان هانګ کانګ او عمان ته پر ۸ ویکټو ماتې ورکړې ده.
ټاکل شوې، چې د هېواد له ۱۹ کلنو ټیټ عمره ملي لوبډله د شنبې پر ورځ (د اپریل نولسمه) د کوربه لوبډلې نیپال سره مخ شي. دا به د ګروپي پړاو وروستۍ لوبه وي.
د وروستۍ لوبې ګټونکی به ډېر احتمال ولري، چې د ۲۰۲۶ کال له ۱۹ کلنو په ټیټ عمره کرکټ نړیوال جام کې خبله ونډه خوندي کړي.
-
لوبی5 days ago
د افغانستان الف کرکټ لوبډلې د سریلانکا پر وړاندې ماتې وخوړه
-
سوداگري4 days ago
د پاکستان او ازبکستان استازو پر افغان – ټرانس پروژې خبرې وکړې
-
سوداگري2 days ago
د کرنې مرستیال وزیر په یوه نندارتون کې د ګډون لپاره ایران ته روان شو
-
د هوا حالاتو بدلونونه5 days ago
یوې ۶.۲ درجې زلزلې استانبول ولړزاوه
-
تازه خبرونه4 days ago
افغان بېسیم د ننګرهار په کوزکوڼر ولسوالۍ کې یو نوی سایټ فعال کړ
-
تازه خبرونه4 days ago
طارق علي بخیت د افغانستان په اړه له جاپاني چارواکو سره وکتل
-
ساینس او ټیکنالوژي4 days ago
چین او روسیه ممکن په سپوږمۍ کې د اټومي انرژۍ بټۍ جوړه کړي
-
څار5 days ago
څار: له ترهرګریزو ګواښونو سره د مبارزې لپاره ګډه همکاري