Connect with us

تازه خبرونه

اسلامي امارت په قطر کې خبرې له لاسته راوړنې ډکې بولي

خپور شوی

د

(Last Updated On: تله ۱۹, ۱۴۰۰)

د افغانستان اسلامي امارت چارواکو ويلي، چې له امریکایي پلاوي سره د امیرخان متقي پر مشرۍ د خبرو  دوام کولی شي، چې د دوحې هوکړې عملي کیدو ته زمینه برابره او د امریکا او نړۍ لخوا د اسلامي امارت رسمیت پېژندلو ته رامنځته شوي خنډونه لرې کړي.

د افغانستان اسلامي امارت ویاند او اطلاعاتو او فرهنګ وزارت مرستیال ذبیح الله مجاهد څرګنده کړې، چې په قطر کې له امریکايي پلاوي سره د بهرنیو چارو وزارت د چارسمبالي امیرخان متقي پر مشرۍ وروستۍ خبرې ډېرې ګټورې او له لاسته راوړنو ډکې وې.

نوموړی وایي، چې په قطر کې یې له امریکايي پلاوي سره په دوه ورځنیو غونډو کې د دوحې د هوکړې پر پلي کیدو او د امریکا او نړۍ لخوا د اسلامي امارت پر رسمیت پېژندلو اغېزمنې خبرې اترې کړې دي.

یو شمېر کارپوهانو ويلي، چې اسلامي امارت ته له نړې سره د تعامل لپاره په کار ده، چې د نړۍ مشروع غوښتنې په پام ونیسي او په دې توګه له افغانستان سره د نړۍ همکاري پيل شي.

د افغانستان د ژغورنې لار جبهې مشر سیداکبر آغا وایي: د دوحې په خبرو کې له امریکایانو سره د رامنځته شوې هوکړې پلې کولو، د اسلامي امارت رسمیت بېژندنې او د کنګل شویو پیسو آزادولو خبرې شوې دي.  

یو شمیر کارپوهانو ويلي؛ اسلامي امارت ته په کار ده، چې له نړۍ سره د تعامل لپاره د هغوی مشروع غوښتنې ومني او په دې توګه له افغانستان سره د نړۍ د همکاریو نوی څپرکی پیل شي.

د افغانستان د اسلامي نهضت مشر سید اسحاق گیلاني: مونږ هیله من یو، چې دا یو بریالی سفر وي او د نړۍ یو شمېر مشروع غوښتنې ومنل شي. که څه هم د نړۍ ټولې غوښتنې یو دم نه منل کیږي او باید له زغم کارواخلي. طالبانو ( اسلامي امارت) ته باید زمینه برابره شي، چې خبلې هېوادنۍ چارې تر سره کړي؛ ځکه، نو نړۍ او حکومت ته پکار ده، چې د نوي څپرکي د پیلیدو اړتیا ومني.   

دا په داسې حال کې ده، چې اسلامي امارت له نړۍ او په ځانګړي توګه له امریکا غوښتي، چې امارت یې پر رسمیت وپېژني.

تازه خبرونه

خواشینوونکې ده، چې اسلامي امارت ته د دوحې په غونډه کې د خبرو زمینه برابره نه‌شوه – چین

Published

on

(Last Updated On: کب ۵, ۱۴۰۲)

د افغانستان په چارو کې د چین استازي یو شیایویونګ د شنبې پر ورځ په ایکس پانه کې لیکلي، چې دا ناسته د اندونو د وړاندې کولو لپاره ګټوره وه او هېوادونو له افغانستان سره د عملي اړیکو او خبرو عوښتنه وکړه.

نوموړي زیاته کړې؛ افسوس، چې د افغانستان په اړه د دوحې د غونډې ګډونوال یو ځل بیا د چارسمبالي حکومت ( اسلامي امارت  ) له واکمنو چارواکو سره پر خبرو کولو بریالي نه‌شول. لکه څنګه، چې چین او د سیمې هېوادونه یې غوښتونکي وه.  

د چین دې ډیپلومات زیاته کړې؛ هېواد یې په دې ناسته کې د ډېرو بشري مرستو، معتدلې حکومتولۍ او د ښځو او نجونو لپاره د زده‌کړو غوښتونکی شو.

دغه راز چین له امریکا غوښتي، چې د افغانستان د بیا جوړونې او رغونې مسوولیت دې پر غاړه واخلي، د افغانستان بندې شتمنۍ دې ازادې او یو اړخیزه بندیزونه دې لرې کړي.

ملګرو ملتونو اسلامي امارت ته بلنه ورکړې وه، چې د افغانستان په اړه د دوحې په دوه‌یمه ناسته کې له نورو استازیو سره ګډون وکړي؛ خو اسلامي امارت د خپلو غوښتنو د نه منل کېدو له کبله هغه رد کړه.  

اسلامي امارت په دې غونډه کې د ګډون لپاره د افغانستان د خلکو استازيتوب، تعامل او له عمومي منشي سره د لیدنې غوښتنه کړې وه.

Continue Reading

تازه خبرونه

نړیوال بانک میلیونونو افغانانو ته د کاري زمینې په رامنځته کولو کې مرسته کوي

Published

on

(Last Updated On: کب ۵, ۱۴۰۲)

 د ژغورنې نړیوالې کمیټې په افغانستان کې د نړیوالې پراختیايي ادارې د مرستو لګولو په اړه د نړیوال بانک له وروستۍ پرېکړې هرکلی وکړ او څرګندوي، چې دا مسله به د خدمتونو په وړاندې کولو او د کاري فرصتونو رامنځته کولو کې لږ څه مرسته وکړي.

د دې بنسټ د خپرې شوې خبرپاڼې له مخې؛ د افغانستان په اړه د نړیوال بانک وروستی پلان د هوساینې لپاره د مرستو د برابرولو تابع دی، چې ورسره به افغانستان لږ تر لږه د اقتصادي ودې اوسنۍ لاره په ټیټه کچه وساتلی شي.

په خبرپاڼه کې راغلي؛ دا به د افغانستان د اقتصاد د ساتلو او ثبات لپاره مهم وي. په داسې حال کې، چې دا د سوداګرۍ بقا او د میلیونونو خلکو لپاره د عاید سرچینې تضمینوي. په هر حال، د افغانستان اقتصادي بحران په ټول هېواد کې د بشري اړتیاوو د لوړې کچې بنسټیز هڅوونکی دی.

د ژغورنې نړیوالې کمیټې ویلي، چې که څه هم د پلان اعلان په افغانستان کې د لومړنیو اړتیاوو د پوره کولو لپاره یو نوی پړاو دی؛ خو نور مرستندویان دې هم باید د بشري خدمتونو او مرستو په برابرولو کې خپله ونډه ښکاره کړي.

دې بنسټ زیاته کړې: ټولې مرستې د افغانانو د ملاتړ لپاره حیاتي دي او نړیواله ټولنه باید د اړینو خدماتو د ساتلو او د بشري ناورین د خرابېدا د مخنیوي لپاره مرستې روانې وساتي.

یوه اوونۍ مخکې نړیوال بانک څرګنده کړې وه، چې په افغانستان کې د ګټې اخیستنې لپاره به د نړیوالې پراختیايي ادارې له لارې شاوخوا ۳۰۰ میلیون ډالر مالي ټولګه برابره کړي.

Continue Reading

تازه خبرونه

یو چینایي شرکت په هرات ولایت کې د پولادو د تولید سروې وکړه

Published

on

(Last Updated On: کب ۵, ۱۴۰۲)

د هرات د اوسپنې پټلۍ رییس تېره ورځ د کب پر درېیمه د دې رياست د تخنيکي کارمندانو په شتون کې د معدنونو د استخراج او پروسس په برخه کې د يون لونګ زيرن چینایي شرکت له استازي سره وکتل.

چینایي پانګوال هرات ولايت ته د خپل سفر پر مهال د فولادو د توليد په برخه کې د ۳ ميليون امريکايي ډالرو پر ارزښت د يوې پروژې له سروې خبر ورکړ او وایي، چې وروسته به د پانګونې دا کچه تر ۱۰۰ ميليون امريکايي ډالرو لوړه شي.

د افغانستان اوسپنې‌پټلۍ ادارې په ایکس پاڼه کې لیکلي، چې د هرات د اوسپنې پټلۍ رییس محمد نسيم محمدي د يون لونګ زيرن شرکت استازي ونکسشويه ته د ښه راغلاست ترڅنګ څرګند کړه؛ اوسمهال په افغانستان او په ځانګړي توګه په هرات ولایت کې د معدنونو د استخراج او پروسس ترڅنګ د اوسپنې‌پټلۍ په برخه کې چينايي پانګوالو ته د پانګونې لپاره ښه فرصتونه موجود دي؛ ځکه، نو چينايي پانګوال باید له دې فرصت څخه ګټه پورته او دلته پر اوسپنې‌پټلۍ هم پانګونه زیاته کړي.

د يون لونګ زيرن شرکت استازي د افغانستان د اوسپنې‌پټلۍ ادارې له وروستيو فعالیتونو او پرمختګونو خوښي وښودله او د اوسپنې‌پټلۍ پراختيا يې له سيمې او نړۍ سره د افغانستان د نښلولو لپاره یوازنۍ لار وګڼله.

د يادونې ده، چې نوموړي په افغانستان کې د اوسپنې‌پټلۍ په برخه کې پانګونه لومړيتوب وګاڼه او څرګندوي، چې دا موضوع به د دې شرکت له رهبرۍ سره هم شريکه کړي.

Continue Reading

Trending

Copyright © 2022 Ariana News. All rights reserved!