تازه خبرونه
افغانستان او ازبکستان د سوداګریزو او اقتصادي همکاریو پر پراختیا ټینګار وکړ
دغه موضوع د افغانستان د صنعت او سوداګرۍ وزارت د وزیر نورالدین عزیزی او د ازبکستان د قرهقالپاقستان د عالي شورا د رییس امانبای اورینبایوف ترمنځ په مزارشریف ښار کې د لیدنې پر مهال وړاندې شوې ده.
افغانستان له ازبکستان څخه غوښتي، چې د دواړو هېوادونو د خصوصي سکټورونو ترمنځ د سوداګریزو اړیکو د پیاوړتیا لپاره د ترمذ په سرحدي بازار کې د همغږۍ او اړیکو یو دفتر رامنځته کړي.
دغه موضوع د افغانستان د صنعت او سوداګرۍ وزارت د وزیر نورالدین عزیزی او د ازبکستان د قرهقالپاقستان د عالي شورا د رییس امانبای اورینبایوف ترمنځ په مزارشریف ښار کې د لیدنې پر مهال وړاندې شوې ده.
په دې لیدنه کې دواړو لوریو د پنبې، ډبرو سکرو، د افغانستان د تازه او وچو مېوو د صادراتو او د خوراکي توکو د تولید، ساختماني توکو، ګرځندوی، د درملو تولید، د معدني توکو پروسس او په مهمو اقتصادي برخو کې د ګډو پروژو په اړه خبرې وکړې.
ازبک چارواکو خبر ورکړی، چې د صادراتو د ملاتړ او سیمهییزو بازارونو ته د ښه لاسرسي لپاره به په روسیه، قزاقستان او قرغېزستان کې د سوداګرۍ خونې جوړې کړي.
ویل کیږي، چې ازبک پلاوي د خپل سفر پر مهال په مزارشریف ښار کې د خپل هېواد د ملي تولیداتو یو نندارتون هم پرانیستی دی.