نن چارشنبه د جولای څلیریشتمه هغه ورځ ده، چې په ټوله نړۍ کې میلیونونه خلک د پاریس ۲۰۲۴  المپیک لوبو د پیل پر تمه ول.

پداسې حال کې، چې لوبې به د جمعې پر ورځ پر رسمي بڼه د جولای پر شپږویشتمه پیل شي؛ د فوټبال ګروپي پړاو لوبې به د چار شنبې پر ورځ پیل او د رګبي اووه کسیز ګروپ پړاو لوبې به د پنجشنبې پر ورځ ترسره شي.

د فوټبال لومړۍ لوبه به د چارشنبې پر ورځ د ازبکستان او اسپانیا ترمنځ وي. دا لوبه به د کابل پر وخت مازدیګر ۵:۳۰ له آریانا تلویزیون څخه پر ژوندۍ بڼه خپره شي.

بله لوبه د کابل پر وخت ۷:۳۰ د ګیانا او نیوزیلنډ ترمنځ ده او بیا به په ۹:۳۰ جاپان له پاراګوای سره مخ شي او د شپې ۱۱:۳۰ به کوربه هېواد فرانسه له امریکا سره لوبه وکړي.

دا ټولې سیالۍ به په مستقیم او قانوني ډول په ټول افغانستان کې له آریانا تلویزیون څخه خپرې شي.

هغه څه، چې باید د نرینه فوټبال المپیک په اړه پوه شئ!

د اولمپيک لوبو د نرينه‌وو فوټبال سيالۍ د جولای له څلیریشتمې څخه د اګست تر نهمې پورې ترسره کیږي.

په نړۍ کې د ځوانانو ۱۶ غوره لوبډلې؛ د یو شمېر لوړ عمر لرونکيو سوپر ستورو لوبغاړو پر شاملولو پیاوړې شوي.

د المپیک نرینه‌وو لوبډلې باید له ۲۳ کلونو څخه کم عمر لرونکي لوبغاړي ولري او یوازې د ۱۸ کلنو په ډله کې درې عمر لرونکي لوبغاړي شامل کیدی شي.

برازیل له پرله‌پسې المپیک اتلولۍ وروسته د پاریس لپاره ګډون له لاسه ورکړ؛ مګر د پام وړ لوبډلې لکه: ارجنټاین، اسپانیا او فرانسه له سیاليو برخمنې شوې.

شپاړس لوبډلې پر څلورو ګروپونو وېشل شوې دي. هر هېواد په خپل ګروپ کې د نورو لوبډلو سره لوبې کوي او په هر ګروپ کې دوه غوره لوبډلې ناک آوټ پړاو ته ځي.

لومړۍ ډله: فرانسه، امریکا، ګیانا، نیوزیلینډ

دوه‌یمه ډله: ارجنټاین، مراکش، عراق، اوکراین

درېیمه ډله: ازبکستان، اسپانیا، مصر، دومینیکن جمهوریت

څلورمه ډله: جاپان، پاراګوای، مالي، اسرائیل

ستوري!

فرانسه، کوربه لوبډله به لوبډلمشر الکساندر لاکازیټ رهبري کوي، د آرسنال پخوانی لوبغاړی، چې اوس د ځوانانو کلب اولمپیک لیون ته راستون شوی دی.

نبي کیتا، چې په ۲۰۱۹ کې یې له لیورپول سره د اتلولۍ لیګ ګټلی، په پاریس کې به د خپل هېواد ګیانا لوبډلمشري هم وکړي.

ارجنټاین کولی شي پر څلورو لوبغاړو حساب وکړي، چې د ۲۰۲۲ فیفا نړیوال جام یې ګټلی: جولیان الواریز، نیکولاس اوتامینډي، جیرونیمو رولي او تیاګو المادا.

دا څلور لوبغاړي به هڅه وکړي، چې د لومړيو لوبغاړو په توګه د فیفا نړیوال جام او د المپیک د سرو زرو مډال وګټي.

دوه نوي اروپایی اتلان، فرمین لوپز او الکس بئنا له اسپانیا سره د ډېر ویاړ په لټه کې دي. اسپانیا د توکیو ۲۰۲۰ کال د المپیک په لوبو کې د سپینو زرو مډال ګټلی و.

اشرف حکیمي هوډ لري، چې مراکش د سرو زرو مډال ته ورسوي. د مراکش لوبه به د پاریس سینټ ګرمین ستوري کوربه لوبغالي پارک ډیس پرنسز کې ترسره شي.

له لوپز او بائنا سره یوځای، له اوکراین څخه ماکسیم تلواروف به په ۲۰۲۴ المپیک لوبو کې برخه واخلي.

اوس هم ډېر نامتو شخصیتونه شته، چې خپل هېوادونه به له حاشیې څخه رهبري کړي.

د فرانسې مشري به د فرانسوي فوټبال افسانوي او د المپیک مشعل وړونکی تیریري هینري پر غاړه وي. په داسې حال کې، چې ارجنټاین دوه ځله د المپیک اتل جاویر ماشیرانو به د لومړي ځل لپاره د اولمپیک نرینه فوټبال د لوبغاړي او روزونکي په توګه رامنځته شي.

خاویر ماشیرانو د ۲۰۰۴ کال د اتن په اولمپیک او د ۲۰۰۸ کال د بیجینګ اولمپیک کی له ارجنټاین سره د سرو زرو دوه مډالونه وګټل.

سیالۍ چېرته ترسره کیږي؟

د نرینه‌وو فوټبال سیالۍ په پاریس، مارسیل، لیون، بورډو، سینټ ایټین، نیس او نانټ کې ترسره کیږي.

د سرو زرو مډال سیالۍ به د اګست پر نهمه د پاریس په ډو پرنس پارک کې ترسره شي.

اړوند خبرونه:

د ۲۰۲۴ المپیک لوبې راورسېدې، چې پوهېدا پرې اړینه ده

آریانا ټلویزیون د ۲۰۲۴ پاریس المپیک سیالیو د خپراوي حق تر‌لاسه کړ

دادی د پاریس ۲۰۲۴ المپیک لوبې راورسېدې؛ مخکې له پرانستې باید د څو سپورټي څانګو د اړتیاوو په اړه باید وپوهیږئ.

آیا کولی شوو د افغانستان لوبې وګورو؟

هو! آریانا ټلویزیون د لوبو د خپرولو حق ترلاسه کړی او دا سپورټي پېښې به په ټول افغانستان کې پر ژوندۍ بڼه خپرې شي.

د ۲۰۲۴ المپیک لوبې کله پیلیږي؟

د اولمپیک د پرانیستې رسمي مراسم به د جمعې پر ورځ د جولای پر شپږویشتمه د فرانسې د پلازمېنې د زړه په سن سیند کې پر لومړۍ بې سارې پېښې ترسره شي.

تمه ده، چې څه باندې ۳۰۰ زره خلک به د سن سیند په سواحلو کې د پرانستې د لیدلو له مراسمو برخمن شي او نور یو نیم میلیارډ کسان به یې په ټوله نړۍ کې وګوري.

د ۲۰۲۴ اولمپیک لومړی سپورټ کوم دی؟

په داسې حال کې، چې د پاریس المپیک لوبې په رسمي ډول د جمعې پر ورځ پرانیستل کیږي؛ خو لومړنۍ سپورټي پېښه به له چارشنبې څخه، چې د جولای څلیریشتمه کیږي پیل شي. په دې سیالیو کې د نرینه‌وود فوټبال ګروپي پړاو هم  رانغښتل شوی.

لومړۍ لوبه به د ازبکستان او اسپانیا ترمنځ وي. دا لوبه به د کابل پر وخت د مازیګر ۵:۳۰ پر ژوندۍ بڼه خپره شي.

له دې وروسته به د ګینا او نیوزیلینډ ترمنځ لوبه د کابل پر وخت ۷:۳۰ ترسره او بیا به ۹:۳۰ جاپان او پاراګوای سره مخ شي. د شپې ۱۱:۳۰ به کوربه هېواد فرانسه له امریکا سره ولوبیږي.

دا ټولې سیالۍ به پر ژوندۍ او قانوني بڼه په ټول افغانستان کې له آریانا ټلویزیون څخه خپرې شي.

پر فوټبال سیالیو سربېره د راګبي، هینډبال او غشې ویشتل پر لیندۍ سیالۍ به د پرانیستې له مراسمو مخکې پیل شي.

په فرانسه کې د پاریس ۲۰۲۴ المپیک او پارالمپیک لوبې تر ټولو لویې سپورټې پېښې دي، چې تر سره کیږي.

د اولمپیک لوبې به د د ۲۰۲۴ ز. کال د جولای له شپږویشتمې څخه د اګست تر یوولسمې ترسره شي او تمه ده، چې د نړۍ میلیارډونه خلک د دغو زړه راکښونکیو او څو کلتوري سپورټي پېښو د لیدو لپاره سره همغږي او راټول شي.

اړوند خبرونه:

آریانا ټلویزیون د ۲۰۲۴ پاریس المپیک سیالیو د خپراوي حق تر‌لاسه کړ

آریانا ټلویزیون د توکیو ۲۰۲۰ المپیک لوبو د خپراوي حق ترلاسه کړ

د افغانستان کرکټ وتلی لوبغاړي محمد نبي اعلان وکړ، چې د ۲۰۲۶ کال په ۲۰ اوریز نړیوال جام کې، چې د هند او سریلانکا پر کوربتوب به ترسره شي؛ چمتووالی لري.

دا ۳۹ کلن لوبغاړی اوس‌مهال په سریلانکا غوره لیګ کې د ډمبولا سیکسرز لوبډلې لوبډلمشر دی.

د کریک بز د څرګندونو له مخې؛ نبي په پریماداسا لوبغالي کې له یوه خبریال څخه وپوښتل: آیا ته غواړې چې زه ګوښه شم؟! تر څو پورې به خپلې لوبې روانې ساتم؟ تر دې دمه مې بدن کار کوي او چټکې منډې وهم. زه د ډګر او لوبغالي په شاوخوا کې توپ ښه رانیسم او ښه توپ اچونه کوم. اوس هم ښه یم او هڅه کوم چې د امکان تر حده ځان سم وساتم. محمد نبي زیاته کړې، چې افغانستان ورته اړتیا لري او که غوره شي؛ نو د راتلونکي کال په ۵۰ اوریزه اتلولۍ جام او ۲۰۲۶ کال ۲۰ اوریز نړیوال جام کې به هم ولوبیږي.

نوموړي ویلي؛ د ۲۰۲۴ کال په نړیوال جام کې افغانستان په رښتیا رښتیا هم ښه وځلېد؛ مونږ په نړیوالو سیالیو کې لوی او غښتلئ لوبدلې ماتې کړې. هو! لومړی ځل په نیمه پایلوبه کې ولوبېدو او دا راته یوه لویه لاسته راوړنه وه.  هیله من یم، چې نورې لاسته راوړنې مو هم پر برخه شي. مونږ د یوې لوبډلې په توګه په نړیوال جام کې لوبه وکړه او ټولو لوبغاړو مو په دې نړیوال جام کې پوره ونډه واخیسته.