Connect with us

تازه خبرونه

افغانستان د اداري فساد پر وړاندې د مبارزې په نړیوال شاخص کې له ډېرو هېوادونو مخکې شو

Published

 on

(Last Updated On: سلواغه ۱۲, ۱۴۰۱)

د رڼښت نړیوالې ټولنې د سې شنبې پر ورځ په یوه خپور شوي راپور کې په ډاګه کړې، چې افغانستان په ۲۰۲۲ ز. کال کې د اداري فساد پر وړاندې د مبارزې په نړیوال شاخص کې ۲۴ مقام خپل کړی دی.

د دغه راپور له مخې؛ افغانستان په ۲۰۲۲ ز. کال کې د فساد ضد نړیوال شاخص کې له ۱۰۰ څخه ۲۴ نمبر ته راکښته شوی دی.

تېر کال افغان هېواد ۱۶ نمبرې ترلاسه کړې وې.

افغانستان د نړۍ په ۱۸۰ هېوادونو کې د فساد پر وړاندې د مبارزې په تازه شاخص کې یو سل و پنځوسم ځای لري. په تېر شاخص کې افغانستان یو سل و څلوراویایم ځای درلود.

د رڼښت نړیوالې ټولنې څرګنده کړې؛ په افغانستان کې د سولې او امنیت د ټینګښت لپاره د نړیوالو هڅو د ناکامۍ اصلي علت اداري فساد و.

د دې ټولنې په راپور کې راغلي: دغه (فساد) د افغان حکومت مشروعیت او وړتیاوې کمزورې کړې؛ افغان پوځ یې کمزوری کړی، سرچینې یې طالبانو(د افغانستان اسلامي امارت) ته واړولې او د طالبانو( اسلامي امارت) لپاره یې ولسي ملاتړ پیاوړی کړی دی.

د رڼښت نړیوالې ټولنې اجرائیوي رییس دانیل اریکسن وایي: مشران کولی شي له فساد سره مبارزه وکړي او تر څنګ یې سولې ته وده ورکړي. حکومتونه باید په پرېکړو کې د خلکو د ګډون لپاره ځای ومومي؛ له فعالانو او سوداګرو څخه نیولې تر محرومو ټولنو او ځوانانو پورې ټول قشرونه وهڅوي.

له فساد سره د مبارزې په نوې درجه ټاکنه کې افغانستان له ایران څخه یو ګام کښته دی او له کمبودیا،  مرکزي آفریقا جمهوریت، ګواتیمالا، لبنان، نایجیریا او تاجکستان سره ورته ځای لري.

افغانستان د آذربایجان، عراق، سودان، ترکمنستان، شمالي کوریا، لیبیا، یمن او سوریې په څېر له هېوادونو لوړ دی.

په فساد ضد نړیوال شاخص کې دنمارک د ۹۰ نمبرو له لرلو سره په لومړي سر کې دی.

فنلند، نیوزیلند او ناروې په ترتیب سره دوه‌یم، درېیم او څلورم ځای خپل کړی دی.

تازه خبرونه

اسلامي امارت په تېر کال کې له نړۍ سره د اړیکو عادي کولو ته پراخې هڅې کړي

Published

on

(Last Updated On: کب ۲۹, ۱۴۰۱)

د افغانستان اسلامي امارت دیپلوماتیک نظام په تېرو دولس میاشتو کې له سیمې او نړۍ سره د سیاسي اړیکو د نوي فصل د پرانستلو لپاره پراخې هڅې کړې دي.

که څه هم دې هڅو تر اوسه کوم هېواد نه دی اړ کړی، چې اسلامي امارت پر رسمیت وبېزني؛ خو د سیمې او نړۍ په ځینو هېوادونو کې د اسلامي امارت بیرغ پورته شوی دا هېوادونه په کابل کې سفارتونه لري.

روسیه، چین، ترکیه، ایران، پاکستان، ازبکستان، ترکمنستان، قزاقستان، قطر او عربي متحده امارات هغه هېوادونه دي، چې په افغانستان کې یې سفارتونه پرانستي او د اسلامي امارت سفارتونه هم په دغو هېوادونو کې فعال دي.

له تاجکستان پرته د افغانستان د نږدې ټولو ګاونډیانو پیغامونه له ترهګرۍ سره د مبارزې، بشري حقونو او حاکمیت په برخه کې هراړخیز دي، چې تر ډېره د امریکا له ګټو سره سمون خوري.

په تېرو دولس میاشتو کې د اروپايي هېوادونو سیاسي نمایندګي یوازې د بشري مرستو د همغږۍ لپاره فعالې دي. هند هم په افغانستان کې د بشري مرستو د همغږۍ لپاره یوه تخنیکي ډله لري.

د بهرنيو چارو وزير اميرخان متقي ويلي، چې اسلامي امارت د نورو هېوادونو هيلو او ګټو ته درناوى لري او په بدل کې يې له اسلامي امارت سره د ورته تعامل غوښتنه کوي.

دا هیله څو ځله د رییس الوزرا اقتصادي مرستیال ملا عبدالغني برادر هم څرګنده کړې، چې اسلامي امارت متوازن او پر اقتصاد راڅرخېدونکی بهرنی سیاست لري او غواړي د نړۍ له ټولو هېوادونو سره دوستانه اړیکې ولري.

په تېرو کال کې د سیمې او نړۍ هېوادونو هم د افغانستان په اړه غونډې جوړې کړېي؛ خو په ډېرو دغو غونډو کې د اسلامي امارت هیڅ استازی نه و.

دغه راز څو اوونۍ مخکې په تاشکند کې د اروپا د امنیت او همکارۍ ټولنې په ګډه غونډه کې د ازبکستان د بهرنیو چارو وزیر له اسلامي امارت سره د خبرو لپاره د یوې بین الافغاني مذاکراتي ډلې د جوړولو وړاندیز وکړ.

د افغانستان لپاره د روسیې د ولسمشر ځانګړي استازي ضمیر کابلوف هم ورته څرګندونې وکړې او ټینګار یې وکړ، چې افغانستان باید د نړۍ پر کچه په سیاسي انزوا کې پاتې نه‌شي.

 نړۍ په تېره بيا ناتو، امريکا او لویديځو هېوادونو له تېر یو کال راپدیخوا د افغانستان په اړه روښانه او مشخصه تګلاره نه درلوده او دې هېوادونو له افغانستان سره د څو اړخيزې ديپلوماسۍ له لارې معامله ونه کړه او په دې برخه کې کومه سياسي اجماع هم رامنځته نه شوه؟!

د نړیوالو اړیکو کارپوه عزیز بارز په دې اړه وايي: زمونږ یو شمېر ګاونډیان د خپلو ګټو پر بنسټ د تعامل غوښتونکي دي. د اروپایی هېوادونو یو سفیر ویلي، چې د نړۍ تعامل له طالبانو (اسلامی امارت) سره په منفی توګه روان دی.

اسلامي امارت هیله لري، چې په نوي لمریز لېږدیز کال کې به د سیمې او نړۍ له هېوادونو سره خپلې سیاسي اړیکې نورې هم پیاوړې او نړیوال مشروعیت تر لاسه کړي.

Continue Reading

تازه خبرونه

د نشه‌يي توکو پلورونکي او تولیدوونکي باید مجازات شي ـ د اسلامي امارت مشرتابه

Published

on

(Last Updated On: کب ۲۹, ۱۴۰۱)

د اسلامي امارت مشرتابه شیخ هبة الله آخوندزاده د یکشنبې پر ورځ (د کب اته ویشتمه) د ضبط شویو نشه‌یي توکو د سوځولو او د هغو وسایلو او تجهیزاتو د له منځه وړلو سپارښتنه وکړه، چې د نشه‌یي توکو په کر او تولید کې کارول کیږي.

د دغه فرمان له مخې، د کورنیو چارو، عامې روغتیا وزارتونو او د استخباراتو د عمومي ریاست ګډه کمېته باید نیول شوي نشه‌یي توکي د محکمې د یوه استازي په حضور کې بر عامه بنه وسوځوي.

په دغه حکم کې راغلي دي: د شرابو، الکولي مشروباتو، امان (ایفیدرا)، پوډر، کوکاین، شیشې او نورو نشه یي توکو پلورونکي او تولیدوونکي باید مجازات شي او یاد شوي نشه‌یي توکي او هغه وسایل او تجهیزات، چې د نشه‌یي توکو په تولید کې کارول کیږي باید له منځه یوړل شي.

د يادونې ده، چې له دې مخکې هم د بېلابېلو فرمانونو له مخې په هېواد کې د نشه‌يي توکو پر کښت، توليد او قاچاق بنديز لګول شوى و.

Continue Reading

تازه خبرونه

د جوزجان والي مرستیال خپل زوی له دندې ګوښه کړ

Published

on

(Last Updated On: کب ۲۹, ۱۴۰۱)

د جوزجان ولایت د والي مرستیال مولوي ګل محمد سلیم خپل زوی له دندې ګوښه کړی دی.

د باخترآژانس د څرګندونو له مخې: په دولتي اداروکې د چارواکو د زامنو او منسوبينو د ګوښه کولو په اړه د اسلامي امارت د مشرتابه د حکم له مخې؛ د جوزجان ولايت مرستيال خپل زوى له دندې ګوښه کړ او يو بل کس يې پر دنده ګومارلى دى.

د مولوي ګل محمد سلیم زوی د جوزجان ولایت په امنیه قومندانۍ کې ساتنمن و.

د اسلامي امارت د رهبرۍ له لوري تېره ورځ په صادر شوي فرمان کې د خپلواکو وزارتونو او ادارو ټولو مسوولینو ته سپارښتنه شوې وه، چې د کورنیو اړیکو او شخصي اړیکو پر بنسټ له ګومارنو ډډه وکړي.

Continue Reading

Trending

Copyright © 2022 Ariana News. All rights reserved!