Connect with us

تازه خبرونه

افغانستان د باثباته راتلونکي لپاره ښه فرصت لري- یوناما

خپور شوی

د

(Last Updated On: چنګاښ ۶, ۱۳۹۹)

په افغانستان کې د ملګرو ملتونو ځانګړې استازې څرګنده کړې، چې له څلور لسیزو جګړو راوروسته افغانستان یو ځانګړی فرصت لري، چې روښانه او ډېر باثباته راتلونکي ته ور وګرزي.

د افغانستان لپاره د ملګرو ملتونو د سرمنشي ځانګړې استازې دیبرا لاینز د پنجشنبې پر ورځ د ملګرو ملتونو امنیت شورا ته ویلي؛ که څه هم بیسارې نړیوالې وبا ډېرې هغه ټولنیزې اقتصادي لاسته راوړنې له ګواښ سره مخ کړي، چې افغانانو په وروستیو کلونو کې تر لاسه کړي؛ خو دامهال د “هیلو د یوې څرګندیدونکې شېبې” په درشل کې دي.

نوموړې زیاته کوې؛ هغه “محتاطانه خوشبینه” ده، چي په راتلونکیو څو اوونیو کې به د افغان حکومت او طالبانو د مرکچي پلاوي ترمنځ د دوحې په کوربتوب خپلمنځيخبرې پیل شي.

هغې امنیت شورا ته په ډاګه کړه: دواړه خواوې فکر کوي، چې د خبرو بهیر کیدی شي اوږد او پېچلې وي؛ ما دوی وهڅول، چې د سولې لپاره باید ژمنتیا، نرمښت او اړین لرلید ولري او تر دې هم اړینه داده، چې د خبرو د بریالي کیدو لپاره پخپلو خلکو زړه سوی ولري.

لاینز، چي په افغانستان کې د ملګرو ملتونو د سیاسي استازولۍ (یوناما) مشره ده وایي: د سولې د خبرو لپاره د یوه مناسب چاپېریال رامنځته کولو لپاره د تاوتریخوالي کمول اړین دي، چې تلپاتې اوربند ته درسیدو لپاره لاره اواره کړي.

دی د امنیت شورا ته دا ټینګار هم وړاندې کړ، چې ملګري ملتونه د مخامخ خبرو ملاتړ ته چمتو دي او له دواړو غاړیو سره خبرې کوي، چې د هغوی اړتیاوې په ګوته او رسیدنه ورته وشي.

د ملګرو ملتونو دې استازې د سیمه ییزو او نړیوالو همکارانو ښکېلتیا ته په نغوته کې باوري شوه، چې د سولې بهیر لپاره رغنده فضا پیاوړې کیدی شي؛ خو کویډ۱۹وبا په افغانستان کې پر ورځني ژوند سیوری غوړولی دی.

هغې په ډاګه کړې: ملګري ملتونه د افغان حکومت تر مشرتابه لاندې د دغې وبا پرضد له همغږې مبارزې ملاتړ کوي.

دې د نړیوالې ټولنې د سخاوتمندانه مرستو دوام ته په نغوته کې وویل، چې دغه مرستې په څه ډول ملګرو ملتونو ته د دې وړتیا ورکوي، چې له افغان حکومت سره یوځای کویډ۱۹ وبا ته اړین ځواب ورکړي.

د سولې، کویډ۱۹ او وروستیو پرمختیاوو په اړه له خبرو وروسته، لاینز د بشري حقونو او بشري وضیعت پرمختیاوو وغږیده او د ډېرو افغانانو لپاره یې د ژوند د سختو واقیعیتونو او د افغانستان د جګړې د بشري تلفاتو په اړه په خبرو کې وویل، چې د ملکییانو په ځانګړي توګه ماشومانو ته پرلپسې زیانونه اوړي.

په پای کې لاینز څرګنده کړې، چې کویډ۱۹ نه یوازې روغتیايي بحران دی، بلکې “یو څو اړخیز ناورین دی، چې پر شړیدونکیو هېوادونو له ستونزو ډک اغېز لري.

 

هغې ویلي، چې د ګډ کار په پایله کې پر کویډ۱۹ لاس بري کیدی شو او له افغانستان سره د سولې د نوي بهیر په پیل کې مرسته کولی شو، چې خلک یې سولې ته ورسیږي او دا یې حق هم دی.

له همدا کبله ملګري ملتونه له افغانانو سره د دغو بیسارو ننګونو او ناهیلیو په درشل کې ملګرتیا ته روانه ساتي او د افغانستان خلک به د امنیت شورا لارښوونو، ملاتړ او یووالي ته ګوري؛ ځکه دوی د سولې په اړه د دې شورا د اوږدې لارې پر بنسټ خپل راتلونکی ویني.

دا په داسې حال کې ده، چې میرمن لاینز تېره اوونۍ په قطر کې له طالب مشرانو سره د سولې، بندیانو او خپلمنځي خبرو په اړه هر اړخیزې خبرې اترې هم تر سره کړي دي. 

 

تازه خبرونه

د ملګرو ملتونو امنیت شورا نن د افغانستان په اړه غونډه کوي

Published

on

(Last Updated On: کب ۷, ۱۴۰۲)

ټاکل شوې، چې نن ( دوشنبه د کب اوومه / د فبرورۍ شپږویشتمه ) به د ملګرو ملتونو عمومي منشي انټونیو ګوټرش امنیت شورا ته د افغانستان لپاره د ځانګړي استازي او د دوحې د غونډې په اړه خپل راپور وړاندې کړي.

د ملګرو ملتونو د امنیت شورا په دې غونډه کې به د افغانستان لپاره د ځانګړي استازي پر ټاکلو خبرې وشي.

د دې شورا په انټرنیټي پاڼه کې لیکل شوي، چې دا غونډه به د دغې شورا د غړو او د ملګرو ملتونو د عمومي منشي انټونیو ګوټرش په ګډون د نیویارک پر وخت د سهار پر لس بجو پیل او په ځانګړي توګه به په کې د افغانستان لپاره د عمومي منشي د ځانګړي استازي د ټاکلو په اړه سلامشورې وشي.

په ملګرو ملتونوکې د افغانستان د دایمي استازولۍ چارسمبالي نصیر احمد فایق د دې غونډې په اړه ویلي، چې په دې غونډه کې به د امنیت د شورا د ۲۷۲۱ پرېکړه لیک په اړه خبرې وشي.

دا پریکړه لیک پر ۱۳ موافقو رایو د امنیت په شورا کې تصویب شوی؛ خو روسیې او چین دغه پرېکړه لیک ته ممتنع رایه ورکړې ده.

د امنیت شورا د ۲۷۲۱ پرېکړه لیک پر بنسټ به د افغانستان لپاره د ځانګړي استازي د ټاکلو په اړه  د ملګرو ملتونو عمومي منشي ۶۰ ورځې وروسته خپل راپور یادې شورا ته وړاندې کړي.

اسلامي امارت ویلي، چې افغانستان په بحران کې نه‌دی او د ملګرو ملتونو د استازې په شتوالي کې د نوي ځانګړي استازي ټاکلو ته اړتیا نه‌شته.

د اسلامي امارت ویاند ذبیح الله مجاهد وايي: د ځانګړي استازي په اړه د افغانستان اسلامي امارت دریځ پوره روښانه دی او د افغانستان لپاره د ځانګړي استازي ټاکلو ته اړتیا نشته. افغانستان یو خوندي هېواد دی او له کوم بحران سره مخ نه‌دی او نړیوالې همکارۍ ته اړتیا لري؛ خو د تلپاتې همکاریو او د یوناما په شتون به د ملګرو ملتونو او افغانستان ترمنځ ټولې ستونزې اوارې شي.

دا په داسې حال کې ده، چې تېره اوونۍ د افغانستان په اړه په دوحه کې غونډه جوړه شوه، چې د ملګرو ملتونو عمومي منشي یوه بریا ونوموله؛ خوغونډې ته بلل شوي اسلامي امارت یوه ناکامه غونډه ونوموله.

Continue Reading

تازه خبرونه

قطر په افغانستان کې د یوه اتریشي زنداني له خوشي کولو خبر ورکړ

Published

on

(Last Updated On: کب ۷, ۱۴۰۲)

د قطر حکومت څرګنده کړې؛ د دوحې پر منځګړتوب یو اتریشي، چې په افغانستان کې نیول شوی و خوشې شو.

د قطر د بهرنیو چارو وزارت سلاکار  محمد بن عبدالعزیز بن صالح الخلیفي په یوه خپور شوي پیغام کې په دې اړه  د افغانستان اسلامي امارت له همکاریو مننه وکړه.

هغه زیاته کړې؛ قطر د اتریش له جمهوریت سره ژورې دوه اړخیزې اړیکې لري او د دې اتریشي وګړي پر خوشې کیدو خوښ دی.

د قطر بهرنیو چارو وزیر ټینګار کړی، چې هېواد به یې په سیمه او نړۍ کې د سولې او ثبات لپاره د رغنده خبرو اترو او سوله‌ییزو لارو چارو له لارې د شخړو د اواري لپاره د منځګړیتوب هڅې روانې وساتي.

خوشې شوی اتریشي قطر ته رسېدلی دی.

ویل کیږي، چې د قطر بهرنیو چارو وزارت د هغه په ​​اړه نور جزئیات نه‌دي ورکړي.

Continue Reading

تازه خبرونه

د ملګرو ملتونو امنیت شورا سبا( دوشنبه ) د افغانستان په اړه غونډه کوي

Published

on

(Last Updated On: کب ۶, ۱۴۰۲)

ټاکل شوې، چې سبا ( دوشنبه د کب اوومه / د فبرورۍ شپږویشتمه ) به د ملګرو ملتونو عمومي منشي انټونیو ګوټرش امنیت شورا ته د افغانستان لپاره د ځانګړي استازي او د دوحې د غونډې په اړه خپل راپور وړاندې کړي.

د ملګرو ملتونو د امنیت شورا په دې غونډه کې به د افغانستان لپاره د ځانګړي استازي پر ټاکلو خبرې وشي.

د دې شورا په انټرنیټي پاڼه کې لیکل شوي، چې دا غونډه به د دغې شورا د غړو او د ملګرو ملتونو د عمومي منشي انټونیو ګوټرش په ګډون د نیویارک پر وخت د سهار پر لس بجو پیل او په ځانګړي توګه به په کې د افغانستان لپاره د عمومي منشي د ځانګړي استازي د ټاکلو په اړه سلامشورې وشي.

په ملګرو ملتونوکې د افغانستان د دایمي استازولۍ چارسمبالي نصیر احمد فایق د دې غونډې په اړه ویلي، چې په دې غونډه کې به د امنیت د شورا د ۲۷۲۱ پرېکړه لیک په اړه خبرې وشي.

دا پریکړه لیک پر ۱۳ موافقو رایو د امنیت په شورا کې تصویب شوی؛ خو روسیې او چین دغه پرېکړه لیک ته ممتنع رایه ورکړې ده.

د امنیت شورا د ۲۷۲۱ پرېکړه لیک پر بنسټ به د افغانستان لپاره د ځانګړي استازي د ټاکلو په اړه  د ملګرو ملتونو عمومي منشي ۶۰ ورځې وروسته خپل راپور یادې شورا ته وړاندې کړي.

د اسلامي امارت ویاند ذبیح الله مجاهد ټینګار کړي، چې افغانستان په بحران کې نه‌دی او د ملګرو ملتونو د استازې په شتوالي کې د نوي ځانګړي استازي ټاکلو ته اړتیا نه‌شته.

دا په داسې حال کې ده، چې تېره اوونۍ د افغانستان په اړه په دوحه کې غونډه جوړه شوه، چې د ملګرو ملتونو عمومي منشي یوه بریا ونوموله؛ خوغونډې ته بلل شوي اسلامي امارت یوه ناکامه غونډه ونوموله.

Continue Reading

Trending

Copyright © 2022 Ariana News. All rights reserved!