لوبی
افغانستان د سکاټلینډه پر ماتې ورکولو د هانګکانګ شپږآوریزو سیالیو پایلوبې ته لار پیدا کړه
د هېواد ملي لوبډلې له دې مخکې د سویلي افریقا او عمان لوبډلو ته هم ماتې ورکړې وې.
Last Updated on: لړم ۱۰, ۱۴۰۵
د افغانستان کرکټ ملي لوبډلې د هانګکانګ نړیوالو شپږآوریزو سیالیو په نیمه پایلوبه کې سکاټلینډ ته د ۲۱ منډو پر توپیر ماتې ورکړه او د دغو سیالیو پایلوبې ته یې لار ومونده.
د هېواد ملي لوبډلې له دې مخکې د سویلي افریقا او عمان لوبډلو ته هم ماتې ورکړې وې.
ګلبدین نایب او کریم جنت هر یوه د افغانستان لپاره یوه ویکټه واخیسته او د لوبډلې په بریا کې ښه وځلیدل.
په دغو سیالیو کې ۱۲ لوبډلې د درې ورځو لپاره د هانګکانګ پر کوربهتوب د اتلولۍ خپلولو په موخه سیالي کوي.
افغانستان به سبا د کابل پر وخت د غرمې پر ۱۱:۴۰ په پایلوبه کې له اسټرالیا سره مخ شي.