Connect with us

سوداگري

افغانستان د هند پانګونې ته اړتیا لري

خپور شوی

د

(Last Updated On: ليندۍ ۱۴, ۱۴۰۱)

په قطر کې د اسلامي امارت د سیاسي دفتر مشر سهیل شاهین ویلي؛ هند په افغانستان کې د درې میلیارد دالرو پر ارزښت پانګونه کړې او اوس له دې هېواده غواړي، چې خپلې پروژې بشپړې کړي.

سهیل شاهین له یوې هندي رسنۍ سره په مرکه کې د هندي وګړیو د امنیت له خوندیتوبه هم ډاډ ورکړی او زیاتوي، چې دغه هېواد دې په افغانستان کې د خپلو نیمګړیو پروژو چارې بیا پيل کړي.

نوموړي ویلي: په افغانستان کې  هند ته پر بنسټیزو برخو په ځانګړي توګه د ښاري بېخبناوو لپاره د پانګونې زمینه مساعده ده. په افغانستان کې د هند پانګونه درې میلیارد دالره ارزول شوې، چې لویې پروژې یې د سلما بند رغول، د ۴۲ میګاواته اوبیزبرښنا استيشن، د ایران مهم بندرونه لکه چابهار او د افغانستان د پارلمان ودانۍ شاملې دي. هند کولی شي د هغو پروژو چارې بیا پیل کړي، چې په نیمايي کې یې پرې ایښې دي او پر نویو پروژو هم پانګونه وکړي.

دغه راز د افغانستان اسلامي امارت د ښاري پراختیا وزیر حمدالله نعماني په دې وروستیو کې د هند له شارژدافیر بهارت کمار سره لیدلي او وایي، چې هېواد یې د بېخبناوو په بیارغونه او دوام کې د هند مرستې ته اړتیا لري.

همدارنګه د اسلامي امارت یو بل لوړپوړي غړي انس حقاني په عربي متحده اماراتو کې له یو شمېر افغانانو سره د لیدنې پر مهال ویلي، چې افغانستان اوس له جګړه ییز حالته وتلی او امنیت ټینګ شوی دی.

نوموړي همدا راز زیاته کړې، چې اسلامي امارت په افغانستان کې پر اوږدمهاله اقتصادي برنامو کار کوي څو هېواد آبادۍ ته ورسېږي.

اقتصادي شنونکی شبیر بشیري د سیمې هېوادونو له لوري په افغانستان کې د پانګوني راجلبولو پر لیوالتیا خوښي ښيي او وايي، چې په افغانستان کې د هند پانګونه کولی شي هېواد یوه نسبي پایداره اقتصادي پراختیا ته ورسوي.

اسلامي امارت داسې مهال په افغانستان کې د هند د نیمګړیو پروژو د بشپړېدو غوښتنه کوي، چې د یو شمېر څرګندونو له مخې؛ دا مهال د دې هېواد د ۴۰۰ پروژو چارې نیمګړې پاتې دي.

سوداگري

افغانستان ته د هګیو چرګانو په صادراتو کې ۱۵ سلنه زیاتوالی راغلی – ایران

Published

on

(Last Updated On: کب ۶, ۱۴۰۲)

ایراني چارواکو د اسلامکلا له پولې افغانستان ته د هګیو چرګانو په صادراتو کې د ۱۵ سلنې له زیاتوالي خبر ورکړی دی.

د ایران دولتي خبري اژانس ایرنا د خراسان رضوي ولایت په تایباد کې د حیواني طب د رییس له څرګندونو  راپور ورکړی، چې د روان کال له وري حخه د سلواغې تر پایه افغانستان ته نږدې ۱۴۸ زره د هګیو چرګان صادر شوي دي.

د حیواني طب رییس آذریان زیاته کړې؛ سږ کال د هګیو چرګانو په صادراتو کې د تېر کال د همدې مودې پر پرتله ١٥ سلنه زياتوالى راغلى دى.

نوموړی وایي؛ په همدې موده کې د اسلام‌کلا بندر له لارې افغانستان ته درې زره دوه سوه ټنه هګۍ هم صادرې شوي، چې د تېر کال پر پرتله ۲۳ سلنه زیاتوالی ښیي.

هغه افغانستان ته د ۴۷۰زره چرګوړو صادراتو ته په نغوته کې ویلي، چې سل په سلو کې حیواني او حیواني محصولات د اسلام کلا له لارې هرات ته صادریږي.

آذریان دغه راز څرګندوي؛ په ۱۴۰۲ ل. ل کال کې له افغانستان څخه د ایران له لارې  ترکیې ته درې زره او ۱۸ ټنه د غویی پوستکي په ۱۵۱ جوپو کې لېږدول شوي دي.

ویل کیږي، چې له افغانستان څخه چین او ترکیې ته څلورزره ۳۵۰ ټنه د پسونو وړۍ هم رالېږدول شوي دي.

Continue Reading

تازه خبرونه

یو چینایي شرکت په هرات ولایت کې د پولادو د تولید سروې وکړه

Published

on

(Last Updated On: کب ۵, ۱۴۰۲)

د هرات د اوسپنې پټلۍ رییس تېره ورځ د کب پر درېیمه د دې رياست د تخنيکي کارمندانو په شتون کې د معدنونو د استخراج او پروسس په برخه کې د يون لونګ زيرن چینایي شرکت له استازي سره وکتل.

چینایي پانګوال هرات ولايت ته د خپل سفر پر مهال د فولادو د توليد په برخه کې د ۳ ميليون امريکايي ډالرو پر ارزښت د يوې پروژې له سروې خبر ورکړ او وایي، چې وروسته به د پانګونې دا کچه تر ۱۰۰ ميليون امريکايي ډالرو لوړه شي.

د افغانستان اوسپنې‌پټلۍ ادارې په ایکس پاڼه کې لیکلي، چې د هرات د اوسپنې پټلۍ رییس محمد نسيم محمدي د يون لونګ زيرن شرکت استازي ونکسشويه ته د ښه راغلاست ترڅنګ څرګند کړه؛ اوسمهال په افغانستان او په ځانګړي توګه په هرات ولایت کې د معدنونو د استخراج او پروسس ترڅنګ د اوسپنې‌پټلۍ په برخه کې چينايي پانګوالو ته د پانګونې لپاره ښه فرصتونه موجود دي؛ ځکه، نو چينايي پانګوال باید له دې فرصت څخه ګټه پورته او دلته پر اوسپنې‌پټلۍ هم پانګونه زیاته کړي.

د يون لونګ زيرن شرکت استازي د افغانستان د اوسپنې‌پټلۍ ادارې له وروستيو فعالیتونو او پرمختګونو خوښي وښودله او د اوسپنې‌پټلۍ پراختيا يې له سيمې او نړۍ سره د افغانستان د نښلولو لپاره یوازنۍ لار وګڼله.

د يادونې ده، چې نوموړي په افغانستان کې د اوسپنې‌پټلۍ په برخه کې پانګونه لومړيتوب وګاڼه او څرګندوي، چې دا موضوع به د دې شرکت له رهبرۍ سره هم شريکه کړي.

Continue Reading

سوداگري

یوه شرکت د جګدلک د یاقوت پر کان‌کېندنه ۲۷ اعشاریه ۵ میلیون ډالر پانګونه کوي

Published

on

(Last Updated On: کب ۴, ۱۴۰۲)

د کانونو او پټرولیم وزارت څرګنده کړې، چې آریانا هایلنډ شرکت به د کابل ولایت د جګدلک پر یاقوت کان ۲۷ اعشاریه ۵ میلیون ډالره پانګونه وکړي.

د دغه وزارت د جمعې دورځې په خبرپاڼه کې راغلي؛ د یاد کان د بلې داوطلبۍ غونډه د آریانا هایلنډ او میرزا سلطاني شرکتونو په ګډون جوړه شوه، چې په پایله کې آریانا هایلنډ شرکت د افغانستان اسلامي امارت ته د ۴۴ سلنې ونډې پر منلو داوطلبي وګټله.

د خبرپاڼې د څرګندونو له مخې، دغه راز د آریانا هایلنډ شرکت په ټولنیزو خدماتو کې هم پېنځه میلیون امریکایي ډالرو لګوي.

د يادونې ده، چې د جګدلک یاقوت کان د کابل ولایت د سل کيلومټرۍ سروبي ولسوالۍ په سویل لویديځ کې موقعيت لري او مساحت يې هم ۹ اعشاریه ۶ کيلومټره مربع دى.

Continue Reading

Trending

Copyright © 2022 Ariana News. All rights reserved!