لوبی
افغانستان د څلورو ملتونو د والیبال سیالیو وروستۍ لوبې ته لار پیدا کړه
د افغانستان د بدني روزنې کمیتې څرګنده کړې؛ د والیبال ملي لوبډلې د مالدیف پر کوربتوب په څلورو ملتونو جام سیالیو کې کوربه هېواد ته ماتې ورکړه او د روان جام درېیمه سیالي یې درې د صفر پر وړاندې وګټله.
له سنګاپور او مالیزیا وروسته د افغانستان والیبال ملي لوبډلې هم د مالدیف په پلازمېنه کې د مالدیف پر وړاندې بریا خپله کړه او فاینل ته یې لار پیدا کړه.
دغه سيالۍ، چې د کوربه هېواد مالديف تر څنګ د افغانستان، سنګاپور او ماليزيا واليبال لوبډلو په کې ګډون کړى و، د کب پر ۴ / د فبرورۍ پر ٢٣مه پيل شوي؛ د کب تر ۸ / د فبرورۍ تر ٢٧ به روانې وي.
د څلور اړخیزو سیالیو په لړ کې افغان لوبډلې لومړۍ لوبه له سینګاپور، دوهیمه یې مالیزیا او درېیمه لوبه یې د شنبې پر ورځ له کوربه هېواد مالدیف څخه وګټله.