لوبی
افغانستان له زیمبابوې څخه شل اوریزه لوبلړۍ وګټله
افغانستان لومړۍ لوبه په څلورو ویکټو بایللې وه؛ خو د جمعې او شنبې د ورځو په دوه لوبو کې یې دغې لوبډلې ته ماتې ورکړه.
د افغانستان کرکټ ملي لوبډلې د نړیوالو شل اوریزو سیالیو په درېیمه او وروستۍ لوبه کې زمبابوې ته د ۳ ویکټو پر توپیر ماتې ورکړه.
دا درې لوبې د زمبابوې په پلازمېنه هراره کې ترسره شوه.
افغانستان لومړۍ لوبه په څلورو ویکټو بایللې وه؛ خو د جمعې او شنبې د ورځو په دوه لوبو کې یې دغې لوبډلې ته ماتې ورکړه.
دوهیمه لوبه افغانستان د ۵۰ منډو پر توپیر وګټله. په وروستۍ لوبه کې د افغانستان لوبډلمشر راشد خان په څلورو اورونو کې د ۲۷ منډو پر ورکولو څلور ویکټې واخیستې.
مجیب الرحمن او عظمت الله عمرزي هم دوه دوه لوبغاړي وسوځول. افغان لوبډلې د پچې له ګټلو وروسته لومړی توپوهنه غوره کړه او زیمبابوې ته یې د ۱۲۷ منډو هدف وټاکه.
په پاور پلې کې د لومړیو ویکټو له لاسه ورکولو سره ـ سره د عظمت الله عمرزي او ګلبدین نایب او محمد نبي تر منځ ملګرتیا د افغانستان بریا ډاډمنه کړه.