Connect with us

ساینس او ​​ټیکنالوژي

افغان بېسیم مخابراتي شرکت په کاپیسا ولایت کې د مشتریانو د خدمتونو څانګه پرانیستله

خپور شوی

د

(Last Updated On: )

د کاپیسا ولایت په مرکز محمود راقي ښار کې د افغان بیسیم مخابراتي شرکت د مشتریانو د خدمتونو دفتر پرانیستل شو.

افغان بېسیم مخابراتي شرکت د مرکزي زون رییس د دې څانګې د پرانیستې په مراسمو کې وویل، چې د کاپیسا په مرکز کې د پېرودونکیو د خدمتونو د دفتر له پرانیستلو سره به د مخابراتو او انترنیت په برخه کې د دې ولایت د اوسیدونکیو ستونزې اوارې شي.

د دې څانګې د پرانیستې په مراسمو کې د کاپیسا مرستیال والي، د مخابراتو او معلوماتي تکنالوجۍ رییس، د اترا ادارې رییس او د دې ولایت یو شمېر نورو سیمه ییزو چارواکو ګډون کړی و.

د افغان بيسيم مخابراتي شرکت مسوولين وايي، چې د پېرودونکیو د خدمتونو د دې دفتر له پرانیستلو سره سم يې د کاپيسا په مرکز کې د 4G انترنیتي خدمتونه هم فعال کړي دي.

د افغان بيسيم مخابراتي شرکت د مرکزي زون رییس سلیمان خرم وايي، د پېرودونکیو د خدمتونو دغه دفتر په ټولو پرمختللیو اسانتياوو سمبال دى او له دې وروسته به د مخابراتو او انترنیت په برخه کې د دغه ولايت د اوسیدونکیو ستونزې پخپل وخت اوارې شي.

د کاپیسا مرستیال والي شیخ اسدالله سنان د دې ولایت په مرکز کې د افغان بیسیم مخابراتي شرکت د پېرودونکیو د خدمتونو د دفتر د پرانیستلو او د دې شبکې د 4G انترنیتي خدمتونو له فعالېدو هرکلی وکړ او دا اقدام یې د خلکو د ستونزو په اوارۍ کې اغېزمن وباله.

نوموړي  ټینګار وکړ، چې د کاپیسا ټوله جغرافیه امن ده او له افغان بیسیم شرکت څخه یې وغوښتل، چې د دې ولایت په ولسوالیو کې هم خپل خدمتونه پراخ کړي.

دغه راز د کاپيسا ولايت د مخابراتو او معلوماتي تکنالوژۍ رييس مولوي دلاور برهان د دغه ولايت په ولسواليو کې د مخابراتي او انترنيتي خدمتونو په برخه کې شته ستونزو ته اشاره وکړه او ټينګار يې وکړ، چې دغه رياست د ټولو مخابراتي شرکتونو په ځانګړي توګه د افغان بيسيم مخابراتي  شرکت خدمتونو په وړاندې کولو کې له دوی سره هر اړخیزه همکاري وکړي.

د کاپیسا ولایت یو شمېر اوسیدونکي د دغه ولایت په مرکز کې د افغان بیسیم مخابراتي شرکت د نوې څانګې دفتر پرانیستل او د 4G انترنیتي خدمتونو له فعالیدو خوښي څرګندوي.

د افغان بيسيم مخابراتي شرکت مسوولين وايي، په کاپيسا ولايت کې د مخابراتو او انترنیټ په برخه کې شته ستونزو ته پر پاملرنه به هڅه وکړي، چې په راتلونکي کې د دغه ولايت له ځايي چارواکو سره د همغږۍ له مخې په بېلابېلو  لریو پرتو سيمو کې هم مخابراتي او انترنیتي خدمتونه په اساسي او معياري توګه فعال کړي.

ساینس او ​​ټیکنالوژي

د ډونالډ ټرمپ له ملاتړ وروسته ټیک‌ټاک بېرته په امریکا کې د لاسرسي وړ شو

ټیک‌ټاک خپلو کاروونکو ته په یوه پیغام کې ویلي: “د ټرمپ له هڅو څخه مننه، ټیک‌ټاک په امریکا کې بېرته فعالیږي.”

Published

on

(Last Updated On: )

له هغې وروسته، چې د امریکا منتخب ولسمشر ډونالډ ټرمپ وویل، چې سپینې ماڼۍ ته له ستنېدو وروسته به ټیک‌ټاک اپلیکیشن ته لاسرسی بېرته خوندي کوي؛ نو ټیک‌ټاک د یکشنبې پر ورځ اعلان وکړ، چې په امریکا کې خپل خدمات بېرته د لاسرسي وړ ګرځوي.

ټیک‌ټاک خپلو کاروونکو ته په یوه پیغام کې ویلي: “د ټرمپ له هڅو څخه مننه، ټیک‌ټاک په امریکا کې بېرته فعالیږي.”

ټیک ټاک هم په یوه خبرپاڼه کې ویلي؛ امریکایي کاروونکي توانېدلي، چې د چینایي شرکت اوبپاڼې ته لاسرسی ومومي.

د شنبې پر شپه د امریکايي کاروونکو لپاره ټیک‌ټاک ته لاسرسی وځنډول شو.

امریکایي چارواکو خبرداری ورکړی و، چې د چینایي شرکت بایټ‌ډنس تر ملکیت لاندې د چین حکومت د امریکایانو له معلوماتو څخه د ناوړه ګټې اخیستنې احتمال شته.

د ټرمپ لخوا د ټیک‌ټاک بیارغونه د هغه د لومړۍ دورې پر پرتله د هغه په ​​دریځ کې یو بدلون ګڼل کیږي. په ۲۰۲۰ کال کې هغه د چین حکومت لخوا د امریکایانو شخصي معلوماتو ته د لاسرسي په اړه د اندېښنو له کبله د اپلیکیشن د بندولو هڅه وکړه.

په دې وروستیو کې، ټرمپ ویلي، چې “ټیک‌ټاک مې په زړه کې ځانګړی ځای لري” ځکه، چې د ۲۰۲۴ کال په ټاکنو کې یې د ځوانو رای ورکوونکو د جذبولو لپاره ترې ګټه پورته کړه.

د هغه قانون له مخې، چې تېر کال تصویب او د جمعې پر ورځ د امریکا سترې محکمې لخوا تائید شو؛ نو تر یکشنبې پورې ټیک‌ټاک وخت درلود، چې د چینایي شرکت بایټ‌ډنس سره اړیکې پرې کړي او په امریکایي پېرودونکو وپلورل شي.

امریکایی قانون جوړونکي اندېښمن دي، چې د چین حکومت کولی شي ټیک‌ټاک اړ کړي، چې د چینایي قانون پراساس د امریکایي وګړو په اړه معلومات وروسپاري.

Continue Reading

ساینس او ​​ټیکنالوژي

چینایي هیکرانو د امریکا د خزانې وزارت اسناد غلا کړل

په لیک کې ویل شوي، چې هیکرانو د سایبر امنیتي خدماتو چمتوکوونکي سیسټم مات کړی او غیر محرم اسنادو ته یې لاسرسی موندلی ده.

Published

on

(Last Updated On: )

د چین له ملاتړه برخمنو هیکرانو د امریکا د خزانې وزارت د کمپیوټر سیسټم مات کړی او هغه محرم اسناد یې غلا کړي، چې د خزانې وزارت د کانګرس غړیو ته په یوه لیک ” لویه پیښه” یاده کړې ده.

په لیک کې ویل شوي، چې هیکرانو د سایبر امنیتي خدماتو چمتوکوونکي سیسټم مات کړی او غیر محرم اسنادو ته یې لاسرسی موندلی ده.

بیاند‌ټراسټ په خپله اوبپاڼه کې ویلي، چې په دې وروستیو کې یې یوه “امنیتي پیښه” پیېندلې، چې د شرکت سافټویر پر یوې کیلۍ له لرې څخه اغېزمن شوی دی.

د رویټرز د څرګندونو له مخې؛ په واشنګټن کې د چین د سفارت ویاند هم د تبصرې غوښتنې ته ځواب ندی ویلی؛ ځکه، چې بیجینګ په منظم ډول د سایبر جاسوسۍ پیښو مسوولیت ردوي.

ویل کیږي، چې دا لویه پېښه د روان کال د ډسمبر په لومړیو کې رامنځته شوې ده.

Continue Reading

ساینس او ​​ټیکنالوژي

ټیک‌ټاک د یو څه وخت لپاره په امریکا کې د پاتې کېدو ارزښت لري – ډونالډ ټرمپ

رویټرز لیکلي، چې د ډونالډ ټرمپ دا څرګندونې یو له قوي پیغامونو څخه دی، چې هغه د امریکا له بازار څخه د چینایي ټولنیز پلیټ فارم د احتمالي وتلو مخالف دی.

Published

on

(Last Updated On: )

د امریکا منتخب ولسمشر ډونالډ ټرمپ د یکشنبې پر ورځ ( د لیندۍ دوه‌یمه) ویلي، چې په ​​​​امریکا کې ټیکټاک ته تر یو وخته لېواله دی.

رویټرز لیکلي، چې د ډونالډ ټرمپ دا څرګندونې یو له قوي پیغامونو څخه دی، چې هغه د امریکا له بازار څخه د چینایي ټولنیز پلیټ فارم د احتمالي وتلو مخالف دی.

د امریکا سنا د روان کال په اپریل کې یو قانون تصویب کړ، چې بایټډانس ته د ټیک ټاک د مور خطاب کېږي؛ د ملي امنیت د اندېښنو له کبله به د دغه ټولنیز پلیټ فارم مالکیت امریکایانو ته وسپاري.

د ټیک ټاک مالکین د دې قانون د لغو کولو غوښتونکي دي او د امریکا سترې محکمې د دې قضیې په اړه موافقه کړې ده؛ خو که محکمه د بایټډانس په ګټه رای ورنکړي، دا اپلیکیشن به د راتلونکي کال د جنوري پر نولسمه د ټرمپ له راتګه یوه ورځ  بند شي.

اوس دا څرګنده نده، چې ډونالډ ټرمپ به څنګه د ټیک ټاک د بندېدو امر بېرته واخلي، چې په سنا کې په پراخه کچه تصویب شوی دی.

د دوشنبې پر ورځ ټرمپ د ټیک ټاک له اجرائیوي رییس سره هم وکتل. له دې غونډې وروسته او په همدې ورځ یې په یوه خبري کنفرانس کې وویل، چې په دې اپلیکیشن کې د هغه د ټاکنیز کمپاین د بریالیتوب لپاره ټیک ټاک غوره رول ولوباوه.

د امریکا عدلیې وزارت استدلال کړی، چې ټیک ټاک د چین ملکیت او د امریکا ملي امنیت ته ګواښ دی؛ دا یو داسې دریځ دی، چې د امریکا قانون جوړوونکي ترې ملاتړ کوي.

Continue Reading
Advertisement

Trending

Copyright © 2024 Ariana News. All rights reserved!