Connect with us

تازه خبرونه

افغان پلاوي له ازبک مشرانو سره پر اقتصادي پراختیا خبرې وکړې

خپور شوی

د

(Last Updated On: زمری ۴, ۱۴۰۱)

د دوشنبې پر ورځ ( زمري درېیمه) د افغانستان د بهرنیو چارو وزارت چارسمبالي امیر خان متقي په تاشکند کې له خپل سیال ولادیمیر نوروف سره وکتل.

د افغانستان د بهرنیو چارو وزارت مطبوعاتي دفتر د دوشنبې پر ورځ د زمري ۳ ) یوه خبرپاڼه خپره کړې او ویلي یې دي؛ په دې کتنه کې د ازبکستان د بهرنیو چارو وزارت چارسمبالي د تاشکند په نړیواله غونډه کې د افغان پلاوي له ګډون څخه خوښي څرګنده کړه.

هغه ویلي؛ د ترمز، مزار شریف، کابل، پېښور د اوسپنیزې پټلۍ پر پروژې کار روان دی، چې د دې پروژې له پلي کېدو سره به منځنۍ آسیا او سویلي آسیا سره ونښلول شي او پدې توګه به د افغانستان اقتصاد وده او پراختیا وکړي.

امیر خان متقي د ریل پټلۍ د پروژې په اړه د افغانستان چمتووالي ته په نغوته کې ویلي؛ په دې اړه له ازبکستان او پاکستان سره په خبرو کې ښه پرمختګ شوی او اوس به یې عملي کار پیل شي.

تازه خبرونه

یو افغان په اتریش کې د درې ښځو د قتل پر تور ونیول شو

Published

on

(Last Updated On: کب ۶, ۱۴۰۲)

د اتریش پولیسو یو ۲۷ کلن افغان د دغه هېواد د پلازمېنې ویانا په یوه فاحشه‌خانه کې د درې ښځو د وژلو پر تور نیولی دی.

د بي بي سي خبریال راپور ورکړی، چې دغه درې ښځې پر چړې وژل شوي او شکمن کس په داسې حال کې، چې چړه ورسره وه فاحشه‌خانې ته نږدې پټ شوی و.

تر اوسه د پېښې انګېزه نه ده معلومه؛ خو له نیول شوي افغان څخه پوښتنې روانې دي.

ویل کیږي، چې په ويانا کې يوه ښځه او د هغې لور هم په يوه ناڅرګنده پېښه کې وژل شوي؛ خو چارواکي په دې باور دي، چې د دغې ښځې خاوند د پېښې مسوول دی.

Continue Reading

تازه خبرونه

امیرخان متقي ترکمنستان ته ولاړ

Published

on

(Last Updated On: کب ۶, ۱۴۰۲)

د افغانستان بهرنیو چارو وزارت چارسمبالی امیر خان متقي د یوه پلاوي پر مشرۍ د ترکمنستان ته ولاړ.

د بهرنیو چارو وزارت د ویاند مرستیال حافظ ضیا احمد د یکشنبې پر ورځ ( د کب شپږمه ) په ایکس پاڼه کې لیکلي، چې د بهرنیو چارو وزارت چارسمبالی امیرخان متقي د ترکمنستان د بهرنیو چارو د وزیر رشید مردوف پر بلنه پر دوه اړخیزو مسایلو د خبرو لپاره دغه هېواد ته روان شو .

د دې پلاوي په سفر کې د کانونو او پټرولیم وزارت، د اوسپنې‌پټلۍ ادارې او د افغانستان برښنا شرکت چارواکو ګډون کړی دی.

Continue Reading

تازه خبرونه

خواشینوونکې ده، چې اسلامي امارت ته د دوحې په غونډه کې د خبرو زمینه برابره نه‌شوه – چین

Published

on

(Last Updated On: کب ۵, ۱۴۰۲)

د افغانستان په چارو کې د چین استازي یو شیایویونګ د شنبې پر ورځ په ایکس پانه کې لیکلي، چې دا ناسته د اندونو د وړاندې کولو لپاره ګټوره وه او هېوادونو له افغانستان سره د عملي اړیکو او خبرو عوښتنه وکړه.

نوموړي زیاته کړې؛ افسوس، چې د افغانستان په اړه د دوحې د غونډې ګډونوال یو ځل بیا د چارسمبالي حکومت ( اسلامي امارت  ) له واکمنو چارواکو سره پر خبرو کولو بریالي نه‌شول. لکه څنګه، چې چین او د سیمې هېوادونه یې غوښتونکي وه.  

د چین دې ډیپلومات زیاته کړې؛ هېواد یې په دې ناسته کې د ډېرو بشري مرستو، معتدلې حکومتولۍ او د ښځو او نجونو لپاره د زده‌کړو غوښتونکی شو.

دغه راز چین له امریکا غوښتي، چې د افغانستان د بیا جوړونې او رغونې مسوولیت دې پر غاړه واخلي، د افغانستان بندې شتمنۍ دې ازادې او یو اړخیزه بندیزونه دې لرې کړي.

ملګرو ملتونو اسلامي امارت ته بلنه ورکړې وه، چې د افغانستان په اړه د دوحې په دوه‌یمه ناسته کې له نورو استازیو سره ګډون وکړي؛ خو اسلامي امارت د خپلو غوښتنو د نه منل کېدو له کبله هغه رد کړه.  

اسلامي امارت په دې غونډه کې د ګډون لپاره د افغانستان د خلکو استازيتوب، تعامل او له عمومي منشي سره د لیدنې غوښتنه کړې وه.

Continue Reading

Trending

Copyright © 2022 Ariana News. All rights reserved!