تازه خبرونه
اقتصاد وزارت او یوناما د افغانانو پر هوسا ژوندانه او خوندي راستنېدا خبرې وکړې
په دې لیدنه کې میرمن اوتونبایوا د راستنېدونکو د بیا ځای پرځای کېدو او د نړیوالې ټولنې د بېړنیو مرستو د اړتیا تر څنګ د کډوالو د ادغام په اړه د دې عالي کمیسیون او اړوند کمیټو له هڅو ستاینه یې وکړه. هغې دا یادونه هم کړې، چې له وچکالۍ، اقلیمي بدلون او اقتصادي ستونزو څخه اغېزمن شويو زیان منونکو سیمو ته لاسرسی؛ نړیوالې همکارۍ او پر ټولنیزو بېخبناوو پانګونې ته اړتیا لري.
د یکشنبې پر ورځ (د وږي پر دوهیمه ) د اقتصاد وزیر دین محمد حنیف د افغانستان لپاره د ملګرو ملتونو د عمومي منشي له ځانګړې استازې میرمن روزا اوتونبایوا او د ملګرو ملتونو د ځانګړې استازې مرستیال انډریکا راټواټه سره ولیدل او پر بشري مرستو، کډوالو ستونزو او اقتصادي مسلو بحث او خبرې وکړې.
په دې لیدنه کې میرمن اوتونبایوا د راستنېدونکو د بیا ځای پرځای کېدو او د نړیوالې ټولنې د بېړنیو مرستو د اړتیا تر څنګ د کډوالو د ادغام په اړه د دې عالي کمیسیون او اړوند کمیټو له هڅو ستاینه یې وکړه. هغې دا یادونه هم کړې، چې له وچکالۍ، اقلیمي بدلون او اقتصادي ستونزو څخه اغېزمن شويو زیان منونکو سیمو ته لاسرسی؛ نړیوالې همکارۍ او پر ټولنیزو بېخبناوو پانګونې ته اړتیا لري.
اقتصاد وزیر په داسې حال کې، چې د نړیوالې ټولنې او ملګرو ملتونو د دفترونو له بشري مرستو ستاینه کړې؛ د ډېرو کاري فرصتونو د رامنځته کولو او د کورنیو د اقتصاد د پیاوړي کولو لپاره یې پر پراختیایي پروګرامونو هم د ټینګار غوښتنه وکړه.
هغه زیاته کړې، چې د راستنېدونکو کډوالو ستونزو ته لاسرسی او په بېلابېلو ولایتونو کې د دوی د ادغام لپاره په اړوند سیمو کې د پراختیایي او عامه ګټو پروژو پلي کول د اقتصاد وزارت یو بنسټیز لومړیتوب دی.
د اقتصاد وزیر همدارنګه ټینګار کړی، چې د خوړو له ناامنۍ سره مبارزه او په بېلابېلو سکټورونو کې د ملي پروګرامونو له لارې د خلکو د ژوند ښه کول او د بېوزلۍ او بېکارۍ چټک کمښت په پام کې نیول شوي او ټولې شته آسانتیاوې به د اقتصادي وضعیت د ښه کولو لپاره وکارول شي.
میرمن روزا اوتونبایوا د ملګرو ملتونو له بشري مرستو ډاډ څرګند کړ او وایي، چې د بېلابېلو ولایتونو په هر کلي کې د راستنېدونکو لپاره د مرستې کچه به نوره هم لوړه شي او له ګاونډ هېوادونو څخه د افغانانو د پخپله خوښ، خوندي او له درناوي ډکه راستنېدا د کوربه هېوادونو پر همکارۍ روانه وساتل شي.
تازه خبرونه
د خلکو مشروع غوښتنې باید ومنل شي- خلیفهسراجالدین حقاني
د کورنیو چارو وزیر خلیفه سراجالدین حقاني ویلي، چې د هېواد خپلواکۍ ساتنې لپاره باید د خلکو مشروع غوښتنو ته درناوی وشي او د نظام جوړولو او د افغانستان د آبادۍ په برخه کې د هغوی رغنده نظرونه په پام کې ونیول شي.
د اسلامي امارت لوړپوړو چارواکو د زمري اتهویشتمه د افغانستان د خپلواکۍ د بېرته ترلاسه کولو د ورځې پر مناسبت په جوړه شوې نمانځغونډه کې د هېواد د خپلواکۍ ساتنې، امنیت ټینګښت، ملي یووالي او اقتصادي ودې پر ارزښت ټینګار کړی دی.
د کورنیو چارو وزیر خلیفه سراجالدین حقاني ویلي، چې د هېواد خپلواکۍ ساتنې لپاره باید د خلکو مشروع غوښتنو ته درناوی وشي او د نظام جوړولو او د افغانستان د آبادۍ په برخه کې د هغوی رغنده نظرونه په پام کې ونیول شي.
هغه ویلي:« باید د خلکو ارادې او غوښتنې ته درناوی وکړو او خپل نظر پرې ونهتپو. د خلکو مشروع غوښتنې باید ومنو او د خپلو حقونو د غوښتلو له کبله یې توهین او ونهرټو. لکه څنګه، چې زمونږ خلکو د اشغالګرو په شړلو کې مرسته وکړه؛ همغسې باید د نظام په جوړولو او د هېواد په آبادولو کې د هغوی نظرونه هم ومنو.»
د سراج الدین حقاني د څرګندونو له مخې؛ خپلواکي یوازې د بشپړ امنیت پر ټینګښت نه بشپړېږي، بلکې د اقتصاد پیاوړتیا، د تولیداتو زیاتول، د کورنیو اړتیاوو پوره کول، ټولنیز عدالت، د قانون حاکمیت او د خلکو او نظام ترمنځ باور هم اړین دي.
حقاني همداراز د قومونو ترمنځ پر یووالي ټینګار وکړ او څرګندوي؛ افغانستان د ټولو قومونو او خلکو ګډ کور دی او هېوادنی ځواک مو هم په یووالي کې نغښتی دی.
د وسلهوالو ځواکونو لوی درستیز فصیحالدین فطرت د نظام هغو مخالفانو ته خبرداری ورکړ، چې د اوسنی نظام د ننګولو هڅې کوي. هغه له مخالفانو وغوښتل، چې هېواد ته راستانه شي او وایي، چې د اسلامي امارت«غېږ» د هغوی پر مخ پرانیستې ده؛ خو که د نظم او امنیت د ګډوډولو هڅه وکړي د وسلهوالو ځواکونو له «پرېکنده » چلند سره به مخ شي.
د بهرنیو چارو وزیر امیرخان متقي هم ویلي؛ افغانستان د بهرنیو فشارونو له شتون سره ـ سره په اقتصادي او مخبېنايي برخو کې پرمختګ کړی دی.
هغه زیاته کړې؛ د سیمې هېوادونه پوه شوي، چې افغانستان به د «بهرنیانو اجنډا» ته د عملي کېدا اجازه ورنهکړي.
د ریاستالوزراء اقتصادي مرستیال ملا عبدالغني برادر له مخالفانو وغوښتل، چې د نظام او خلکو ترڅنګ ودرېږي او له کورنۍ جګړې څخه ډډه وکړي.
د دفاع وزیر مولوي محمد یعقوب مجاهد ملي ګټو ته د لومړیتوب ورکولو غوښتنه وکړه او څرګندوي؛ حکومت ژمن دی، چې افغانستان په ټولو برخو کې پر ځانبسیا کړي.
هغه ویلي:« د نظام سترې ګټې خپل لومړیتوب وګڼئ او له شخصي او کوچنیو ګټو تېر شئ. هر وخت، چې د هېواد سترې ګټې او مصلحتونه له ګواښ سره مخ کېږي؛ ټول باید لاسونه سره ورکړو، اوږه پر اوږه یو د بل ترڅنګ ودرېږو او له ګواښ سره مقابله وکړو.»
د ریاستالوزراء اداري مرستیال عبدالسلام حنفي هم پر یووالي ټینګار کړی او وایي؛ قومي، ژبني، سیمهییز، مسلکي او مذهبي تعصبونه باید د خلکو یووالي ته زیان ونه رسوي او له دغو تعصبونو څخه باید پوره ډډه وشي.
حنفي همداراز د هېواد د پوځي ځواکونو د عصري تجهیز او روزنې غوښتنه هم وکړه.
تازه خبرونه
افغانانو په یوه پېړۍ کې د نړۍ درې سترو قدرتونو ته ماتې ورکړې – اسلامي امارت
اسلامي امارت د دغې بریا د یوسل او اوومې کلیزې د رارسیدا له کبله خپلو ټولو خلکو ته مبارکي وايي. په خبرپاڼه کې راغلي؛ افغانانو له بریټانوي امپراتورۍ وروسته له شوروي اتحاد او بیا د امریکا پر وړاندې هم بریاوې ترلاسه کړي او په یوه پېړۍ کې یې د نړۍ درې سترو قدرتونو ته ماتې ورکړې ده.
د افغانستان اسلامي امارت د خپلواکۍ د یو سلو اوومې کلیزې پر مناسبت په یوه خپره شوې خبرپاڼه کې ویلي؛ افغان ولس ۱۰۷ کاله مخکې د بریټانوي امپراتورۍ پر وړاندې د جهادي مبارزې او سرښندنو په پایله کې خپله بشپړه خپلواکي بېرته ترلاسه کړه.
اسلامي امارت د دغې بریا د یوسل او اوومې کلیزې د رارسیدا له کبله خپلو ټولو خلکو ته مبارکي وايي. په خبرپاڼه کې راغلي؛ افغانانو له بریټانوي امپراتورۍ وروسته له شوروي اتحاد او بیا د امریکا پر وړاندې هم بریاوې ترلاسه کړي او په یوه پېړۍ کې یې د نړۍ درې سترو قدرتونو ته ماتې ورکړې ده.
اسلامي امارت دغه بریاوې د افغان ولس د« کلک ایماني هوډ او غیرت» پایله بللې او څرګندوي، چې افغانان پرې تر ننه ویاړي.
په اعلامیه کې له ځوانانو او راتلونکي نسل څخه غوښتل شوې، چې د خپلو اسلافو پر پلونو ګام کېدي او د هر ډول«تجاوز او اشغال» پر وړاندې پر ټینګه اراده ودرېږي.
اسلامي امارت همداراز ویلي؛ د زمري اتهویشتمه سږ کال په داسې وخت کې نمانځي، چې څلور ورځې مخکې یې د امریکايي اشغال پر وړاندې د زمري څلیریشتمه پېنځمه کلیزه هم نمانځلې ده.
په خبرپاڼه کې ټینګار شوی، چې افغانان باید د دغو بریاوو په بدل کې د الله تعالی شکر ادا کړي، د اسلامي شریعت پابندي وکړي او هره بریا د الله تعالی احسان او نصرت وبولي.
افغانستان په ۱۹۱۹ز.کال کې د شاه امانالله خان د پېر پر مهال له انګریزانو څخه د هېواد خپلوامي بېرته تر لاسه کړې ده.
د زمري اتهویشتمه د افغانستان د خپلواکۍ د بېرته ترلاسه کولو ورځ ده او هر کال نمانځل کېږي. سږ کال له دې تاریخي پېښې ۱۰۷ کاله تېرېږي.
تازه خبرونه
د افغانستان په پولو کې بېثباتي د سیمې امنیت ګواښي – مصدقوف
مصدقوف له«ریانووستي» خبري آژانس سره په مرکه کې ویلي، دا ټولنه د افغانستان بدلونونه له نږدې څاري او د دې هېواد وضعیت د سیمې د امنیت لپاره اړین دی.
د ډلهییزامنیت تړون ټولنې عمومي منشي طلعت بیک مصدقوف ويلي، د افغانستان په ځینو برخو کې بې ثباتي؛ د دې ټولنې غړیو هېوادونو ته نږدې سیمې او د منځنۍ آسیا امنیت له ګواښ سره مخ کوي.
مصدقوف له«ریانووستي» خبري آژانس سره په مرکه کې ویلي، دا ټولنه د افغانستان بدلونونه له نږدې څاري او د دې هېواد وضعیت د سیمې د امنیت لپاره اړین دی.
هغه ویلي:« افغانستان د ډلهییز امنیت تړون ټولنې د مسوولیت له سیمو سره پوله لري، چې په کې بېثباتي د منځنۍ آسیا امنیت ته څرګند ګواښونه رامنځته کوي.»
مصدقوف افغانستان مهم ګاونډ بللی او څرګندوي، چې د ډلهییز امنیت تړون ټولنه غواړي افغانستان د یوه سولهییز او آباد هېواد په توګه پرمختګ وکړي.
هغه زیاته کړې، د کابل او د دې ټولنې د ډېرو غړیو هېوادونو ترمنځ سیاسي او اقتصادي اړیکې د پراختیا په حال کې دي؛ خو د اوسني وضعیت له مخې، له افغانستان سره د پولو کنټرول پیاوړتیا اړینه ده.
د ډلهییز امنیت تړون ټولنې سرمنشي ویلي، دې ټولنې د تاجکستان او افغانستان د پولې د پیاوړتیا لپاره د یوې ګډې طرحې پر پلي کولو بوخت دی.
نوموړي همداراز ویلي، تاجکستان ته د خپل وروستي سفر پر مهال یې له څو سرحدي پوستو لیدنه کړې او د دغه هېواد د سرحدي ځواکونو له قومندان سره یې د تاجکستان او افغانستان د پولې د وضعیت په اړه خبرې کړې دي.
-
تازه خبرونه4 days agoد افغانستان اقتصاد په تېرو پېنځه کلونو کې د پام وړ وده کړې – امارت اسلامي
-
نړۍ4 days agoپه انډونیزیا کې د ۷.۷ درجې زلزلې له کبله لږ تر لږه ۳۸ کسان مړه شوي
-
نړۍ4 days agoد امریکا په میشیګان ایالت کې مرګونې ډزې؛ پېنځه کسان ووژل شول
-
سیمه ییز خبرونه4 days agoایراني پیلوټان مو نهدي نیولي؛ د یوه هغه مړی موندل شوی دی- قطر
-
تازه خبرونه2 days agoجمعهخان فاتح له خپلو ځواکونو سره حکومت ته تسلیم شو
-
تازه خبرونه4 days agoپه درواز کې یوه ښځه د«مخربو او فرصتطلبو کسانو» پر ډزو وژل شوې
-
تازه خبرونه3 days agoد تورخم له لارې افغانستان ته د بشري مرستو ۷۲۴ موټر راولېږدېدل
-
د هوا حالاتو بدلونونه3 days agoد امریکا منځنی لویدیځه برخه مرګونو توپانونو او بېسارو سېلابونو وځپله
