تازه خبرونه
امریکا له وتلو وروسته په افغانستان کې پر ترکیه باور کولی شي – اردوغان
د ترکيې ولسمشر رجب طیب اردغان ویلي؛ له افغانستان څخه د نړیوالو پوځونو له وتلو وروسته ترکیه یوازنی باوري هېواد دی، چې افغانستان ته ثبات راوستلی شي.
ترکیې ته په کابل کې د حامد کزري نړیوال هوايي ډګر د امنیت چارو د سپارل کیدو د راپورونو له خپریدو وروسته د ترکیې ولسمشر رجب طیب اردغان ویلي، چې د نړیوالو سرتېرو له وتلو وروسته ترکیه یوازنی هېواد دی، چې افغانستان ته د ثبات راوړلو لپاره پرې باور کیدای شي.
په پام کې ده، چې د ترکیې ولسمشر اردغان به د افغانستان د ثبات لپاره د انقرې پلان د ناټو د سرمشریزې په څنډه کې د امریکا له ولسمشر جوبایډن سره شریک کړي.
د ترکیې ولسمشر رجب طیب اردغان څرګنده کړې؛ امریکا په بیړه له افغانستان وځي. کله، چې دوی ووتل ترکیه یوازنی هېواد دی، چې هلته به وضعیت له خیره کابو کړي.
په پام کې ده، چې د ترکیې ولسمشر به د افغانستان د ثبات لپاره خپل پلان د ناټو د سرمشریزې په څنډه کې د امریکا له ولسمشر جوبایدڼ سره شریک کړي.
د ناټو عمومي منشي ینس ستولتنبرګ وايي، چې د حامد کرزي د نړیوال هوايي ډګر د امنیت پر موضوع به په سرمشریزه کې هم خبرې وکړي.
په کابل کې ځينې سیاستوال وايي، چې طالبان به د پاکستان په لارښوونه ترکیې ته د حامد کرزي د نړیوال هوايي ډګر د امنیت سپارلو سره مخالفت ته دوام ورکړي.
بخوانی طاب چارواکی سید اکبر آغا وايي، چې د نړیوالو سرتېرو له وتو وروسته به طالبانو ته د ترکیې مرسته هغه وخت د منلو وي، چې د ناټو تړون له چوکاټه بهر یې له افغانستان سره وکړي.
هغه زیاته کړې؛ ترکیه د ناټو غړی هېواد دی او که خپل سرتېري د نورو نړیوالو پوځونو په څير له افغانستان څخه بهر نکړي، طالبان به د ناټو د نورو غړیو په څیر چلند ور سره وکړي.
له افغانستان څخه د بهرنیو ځواکونو له وتلو وروسته د حامد کرزي نړیوال هوایي ډګر ساتنه به د لویدیځ ډیپلوماټانو او بشري کارکوونکیو لپاره افغانستان ته د سفر یوازنۍ لار وي؛ خو ویل کیږي، چې د امنیت چمتو کولو وړتیا یې افغان حکومت نلري.
تازه خبرونه
چين مولوي عبدالکبیر ته په ټرانس – هیماليا ناسته کې د ګډون بلنه ورکړه
په کابل کې د چین سفیر ژاو شینګ د چارشنبې پر ورځ ( د غویی شپږویشتمه ) د ریاست الوزراء له سیاسي مرستیال مولوي عبدالکبید سره په کتنه کې هغه ته بلنه ورکړه، چې په ټرانس – هیمالیا فورم په غونډه کې ګډون وکړي.
په دې کتنه کې لومړی د چین سفیر له اسلامي امارت سره د خپل هېواد پر همکاریو ټینګار څرګند کړ او څرګندوي، چې د دواړو لوریو همکاري او متقابلې اړیکې د ستونزو په حل کې مرسته کولی شي.
ژاو شينګ ویلي؛ د چين ولسي جمهوريت په نړيوالو غونډو او په ځانګړي توګه د امنيت شورا په غونډو کې د اسلامي امارت د دريځ ملاتړ کوي او له اسلامي امارت سره خپلو همکاريو ته ژمن دی.
د افغانستان اسلامي امارت سیاسي مرستیال مولوي عبدالکبیر له افغانستان سره په بېلابېلو برخو کې د چین د خلکو جمهوریت له همکاریو مننه کړې او وایي، چې اسلامي امارت د یوه مسوول حکومت په توګه امنیت او ثبات ته ژمن دی او هڅه کوي، چې د سیمهییزو مسایلو، ثبات او پرمختګ په برخه کې فعال رول ولوبوي.
نوموړي د افغانستان په اړه په نړیوالو غونډو کې د چین همکاري او د اسلامي امارت له دریځ څخه د بیجینګ ملاتړ د افغانستان د خلکو په ګټه وباله او څرګندوي، چې د چین همکاري کولی شي په هېواد کې مثبت بدلونونه او اقتصادي وده رامنځته کړي.
تازه خبرونه
د تورخم لار لنډمهاله تړل کیږي
د تورخم کمیشنر عبدالجبار حکمت ويلي؛ د تورخم لار به د پاکستان له لوري د ۳ ورځو لپاره د ناروغانو او مسافرو د تګ راتګ پر مخ تړلې وي.
عبدالجبار حکمت ویلي، چې دغه لار به د جمعې له ورځې ( د غویی اتویشتمه) څخه تر یکشنبې ( د غویی دېرشمه ) پورې د ناروغانو او مسافرو پر مخ تړلې وي.
هغه زياته کړې، چې دغه سوداګريزه لار به ٢٤ ساعته پرانيستې وي او د باروړونکیو موټرو تګ راتګ او د سوداګريزو توکو لېږد رالېږد به روان وي.
حکمت زياته کړې، چې د ناروغانو او مسافرو پر مخ د دې لارې د بندېدو لامل له پخوانۍ ودانۍ څخه نوې ودانۍ ته د پاکستان د سرحدي دفترونو لېږدول دي.
تازه خبرونه
د سولې په چارو کې د ملګرو ملتونو د عمومي منشي مرستیال کابل ته راغلی
د سولې په چارو کې د ملګرو ملتونو د عمومي منشي مرستیال ژان پیر لاکروا به د دوه ورځني سفر په بهیر کې له جګړې څخه د پاتې چاودیدونکیو توکو د خطرونو په اړه د پوهاوي پر لوړولو راوڅرخیږي.
د سولې په چارو کې د ملګرو ملتونو د عمومي منشي مرستیال ژان پیر لاکروا له یوه پلاوي سره کابل ته راغلی دی.
د ملګرو ملتونو د ویاند مرستیال فرحان له دې مخکې په یوه خبري غونډه کې ویلي وه، چې ین پییر لاکروا به افغانستان ته په خپل سفر کې د چاودېدونکیو توکو د اغېزو په اړه د اسلامي امارت له چارواکو سره خبرې وکړي.
په دغه سفر کې له نوموړي سره د ملګرو ملتونو د ماین پاکۍ د څانګې مشره هم مل ده.
هغه زیاته کړې، چې لاکروا به د مې تر اووهلسمې پورې په کابل کې وي او په دې سفر کې به د ملګرو ملتونو د ماین پاکۍ د څانګې مشره ایلین کوهن هم ورسره مل وي.
د ملګرو ملتونو دغه چارواکي ویلي، چې د افغانستان خلک د ماینونو له خطر سره مخ دي او د ۲۰۲۳ کال له جنورۍ څخه د ۲۰۲۴ کال تر مارچ پورې په افغانستان کې د ۸۲۱ چاودېدونکیو توکو د وژل شویو ۸۱ سلنه ماشومان ول.
تر اوسه اسلامي امارت په دې اړه جزئیات ندي ورکړي.
د سولې په چارو کې د ملګرو ملتونو د عمومي منشي مرستیال په داسې حال کې افغانستان ته سفر کوي، چې ټاکل شوې د روان کال په جون میاشت کې د افغانستان په اړه په دوحه کې درېیمه غونډه جوړه شي.
دا په داسې حال کې ده، چې د ملګرو ملتونو د څرګندونو پر بنسټ، له دې مخکې د سولې په چارو کې د ملګرو ملتونو د عمومي منشي مرستیال قطر ته د سفر پر مهال د دغه هېواد له چارواکو سره د سولې د ټینګښت او د ستونزو په اړه خبرې کړې وې.
-
تازه خبرونه4 days ago
الله ګل مجاهد د قتل پر تور ونیول شو
-
تازه خبرونه4 days ago
په بغلان کې سېلابونو ۱۹۴۵ کسانو ته مرګ او ژوبله اړولې
-
تازه خبرونه3 days ago
د اسلامي هېوادونو همکاریو ټولنې د افغانستان له سیلاب ځپلیو سره د مرستې غوښتنه وکړه
-
سوداگري4 days ago
افغانستان او پاکستان د بار وړونکیو موټرو پر نوي ټرانسپورټي میکانیزم هوکړه وکړه
-
تازه خبرونه4 days ago
څو ایراني شرکتونو د افغانستان په کانونو کې د پانګونې پرېکړه وکړه – قدیر قیافه
-
لوبی2 days ago
د کابل کرکټ غوره لیګ لوبغاړو د داوطلبۍ مراسم ترسره شول
-
تازه خبرونه2 days ago
د یوناما استازې د ایران له بهرنیو چارو وزیر سره وکتل
-
تازه خبرونه2 days ago
په ننګرهار کې د ناکامورا کانال پروژه بشپړه شوه