Connect with us

سوداگري

ایران په افغانستان کې د سوداګریزې پانګونې په لټه کې دی

خپور شوی

د

(Last Updated On: )

د مهر خبري آژانس د څرګندونو له مخې؛ پرون (سې شنبه د سلواغې ۱۱ ) د ایران د صنایعو، کانونو او سوداګرۍ وزارت مرستیال سعید محمد موسوي په افغانستان کې د سوداګریز مرکز له رامنځته کولو خبر ورکړ.

هغه زیاته کړې، چې دغه مرکز به راتلونکې میاشت جوړ شي؛ خو د مهر په راپور کې دا ندي ویل شوي، چې د افغانستان په کومه سیمه کې به دغه مرکز جوړ شي.

محمد موسوي هیله من دی، چې د دغه مرکز له جوړېدو سره به د کابل او تهران اړیکې نورې هم پیاوړې شي.

سعید محمد موسوي د افغانستان او ایران ترمنځ د سوداګریزو فرصتونو نومې غونډې  ته په خپلو څرګندونو کې دا هم ویلي، چې دوی غواړي په افغانستان کې پانګونه وکړي او د افغانستان په تلپاتې وده کې برخه واخلي.

دغه راز افغان چارواکو هم ویلي، چې له ایران څخه د افغانستان د وارداتو اندازه لکه د خوراکي او سون توکو کچه په کال کې تر یو میلیارد دالرو پورې رسیږي.

د چارواکو په وینا ایران ته د افغانستان د صادراتو اندازه ډېره کمه ده او په کلني ډول تر ۲۰ میلیون دالرو نه رسیږي.

د یو شمېر کارپوهانو د څرګندونو له مخې؛ ایران هڅه کوي په دې هېواد کې خپلې ګټې خوندي کړي.

سوداگري

له یوه ایراني شرکت سره د تېلو پر معیاري چاڼ‌خونې خبرې وشوې

د اقتصادي کمیسیون له‌خوا سوداګرۍ او صنایعو وزارت، سټنډرډ ملي ادارې او د تېلو او ګاز امارتي شرکت استازو ته دنده سپارل شوې، چې له ملي او نړیوالو معیارونو سره سم د معیاري چاڼ‌خونې پر جوړولو پانګونه وکړي او د هېواد له اومه تېلو څخه، چې د ډیزل او ګاز پر تولید سربېره د تېلو د نورو اړوند توکو د چاڼ وړتیا ولري؛ هڅې وکړئ.

Published

on

(Last Updated On: )

د صنایعو او سوداګرۍ وزارت چارسمبالي نورالدین عزیزي د چارشنبې پر ورځ ( د غبرګولي  درویشتمه ) د افغانستان د تېلو او ګاز امارتي شرکت د تخنیکي استازو او ملي سټنډرډ ادارې (انسا) په شتون کې د ایران د ویرا ګاز سپهر سوخت شرکت له مسلکي پلاوي سره د تېلو د معیاري چاڼ‌خونې د رامنځته کولو په اړه وکتل.

په دې ناسته کې د ایران ویرا ګاز سپهر سوخت شرکت استازي د افغانستان د اومه تېلو د استخراج په اړه د عصري ټکنالوژۍ کارولو په ګډون د اتمسفیریک، خلایي او کراکینګ درې پړاویزې معیاري چاڼ‌خونې د جوړولو پلان او د اړوند محصولاتو د کمیت، کیفیت او نوعیت تخنیکي معلومات وړاندې کړل.

دا په داسې حال کې ده، چې د اقتصادي کمیسیون له‌خوا سوداګرۍ او صنایعو وزارت، سټنډرډ ملي ادارې او د تېلو او ګاز امارتي شرکت استازو ته دنده سپارل شوې، چې له ملي او نړیوالو معیارونو سره سم د معیاري چاڼ‌خونې پر جوړولو پانګونه وکړي او د هېواد له اومه تېلو څخه، چې د ډیزل او ګاز پر تولید سربېره د تېلو د نورو اړوند توکو د چاڼ وړتیا ولري؛ هڅې وکړئ.

خبرهای مرتبط:

 

د سوداګرۍ او صنایعو وزارت د تېلو چاڼ‌خونو ته ځمکه ځانګړې کوي

د آمو سیند د تېلو ورځنی استخراج به له دوه زره ټنو زیات شي – افچین شرکت

Continue Reading

سوداگري

د کانونو او پټرولیم وزارت د څه باندې ۱۰ میلیون ډالرو پر ارزښت اومه تېل داوطلبۍ ته وړاندې کړل

Published

on

(Last Updated On: )

د افغانستان کانونو او پټرولیم وزارت د ۱۰ میلیون ډالرو پر ارزښت ۲۰ زره ټنه اومه تېل پلورلي دي.

د دغه وزارت چارسمبالي شهاب الدین دلاور نن (یکشنبه د غبرګولي شلمه) د داوطلبۍ په مراسمو کې ویلي، چې دغه اندازه تېل د امو د تېلو له حوزې د انګوت له سیمې را ایستل شوي او پر یوه کورني شرکت وپلورل شول.

شهاب الدین دلاور زیاته کړې؛ ټاکل شوې، چې په نږدې راتلونکي کې د هرات ولایت پر ۲۳ زره کیلومټره مربع مساحت د تېلو او ګازو د ۱۱ بلاکونو د استخراج او اکتشاف قرارداد هم داوطلبۍ ته وسپارل شي.

د دلاور د څرګندونو له مخې؛ د پکتيکا ولايت د کټواز له سيمې څخه د تېلو د استخراج قرارداد هم کیږي.

د کانونو او پټرولیم وزارت د اصولو پر بنسټ ګټونکي شرکتونه اړ دي، چې اومه تېل په هېواد کې دننه پروسس کړي. د تېلو د پروسس په بهیر کې به ځینو ته د کار زمینه هم برابره شي.

دغه راز د کانونو او پټرولیم وزارت سرپرست ويلي؛ دوی ژمن دي، چې د کانونو په استخراج کې له تخنیکي او مسلکي کسانو کار واخلي.

Continue Reading

سوداگري

د خصوصي سکتور د ملاتړ صندوق پرانستل شو

Published

on

(Last Updated On: )

نن (پنجشنبه د غبرګولي اووه‌لسمه ) د اسلامي امارت د ریاست الوزراء د اقتصادي مرستیال ملا عبدالغني برادر، د صنایعو او سوداګرۍ وزارت د چارسمبالي نورالدین عزیزي، د کورنیو چارو وزارت د مرستیالانو او د خصوصي سکټورد غړیو په حضور کې پرانیستل شو.

د خصوصي سکټور د ملاتړ صندوق د اقتصادي ودې او پرمختګ، د بې کارۍ د کمولو، د کار د نویو فرصتونو د رامنځته کولو، د سوداګرۍ د توازن د ساتلو، د خصوصي سکټور د فعالیتونو پر وړاندې د خنډونو او ګواښونو د کمولو او د سوداګرۍ او ټرانزیټ په برخه کې د اسانتیاوو د برابرولو لپاره جوړ شوی دی.

همدارنګه د خصوصي سکټور اړوند د پروژو او پروګرامونو د پلي کولو لپاره د باوري مالي سرچینې درلودل، د ملي بندرونو د کمیټې د پروګرامونو تمویل، په بندرونو کې د اړتیا وړ اسانتیاوو رامنځته کول، د لابراتوارونو جوړول او د وارداتي او صادراتي توکو د کیفیت د ازموینې لپاره د تجهیزاتو پیرودل او د شرایطو د ښه کولو لپاره له تصدیو سره مالي مرسته د دې صندوق یوه بنسټیزه موخه ده.

ملا عبدالغني برادر د دې صندوق له پرانیستې وروسته ويلي، چې د دغه صندوق له پرانېستلو سره به د بېکارۍ کچه راټيټه او هېوادوالو ته  کاري زمينې برابرې شي.

د ریاست الوزراء اقتصادي مرستيال د خصوصي سکټور له استازو وغوښتل، چې خپل فعاليتونه چټک او په ښه کيفيت سره ترسره کړي.

دغه راز د صنايعو او سوداګرۍ وزارت چارسمبالي نورالدين عزيزي د وینا پر مهال څرګنده کړې: په هېواد کې سراسری امنیت تامین دی، د خصوصی سکټور پر همکارۍ په بازار کې توکې په پراخه کچه شتون لری او نرخونه هم له ګاونډ هېوادونو ټیټ دي.

نوموړي ویلي؛ د خصوصي سکټور د ملاتړ صندوق مشرتابه او تخنیکي کمیټې لري. د دې کمېټو په غړیو کې اقتصادي مرستیال، د چارو ادارې عمومي ریاست، د صنعت او سوداګرۍ، مالیې، کرنې اوبولګولو او مالدارۍ، اقتصاد، مخابراتو او معلوماتي ټکنالوژۍ، کانونو او مالیې، برښنا او اوبو وزارتونو استازي په کې دي.

داکمیټه د یو مسوول بنسټ په توګه ځان مسووول بولي، چې داخلی صنایعو او خصوصی سکټور د پراختیا لپاره زمینه برابره کړي .

د کمیټې اصلي دندې د وړاندیز شویو پروژو رهبري کول، تصویب یا رد کول، د بودجې لپاره د بسپنې اندازه ټاکل، د پروژو لومړیتوبونه، د تخنیکي کمیټې د فعالیتونو څارنه، د پروژو پلي کول او د پروژو د لګښتونو په اړه د راپورونو وړاندې کول دي.

دا صندق  په ملی او نړیواله کچه د حقیقی او حکمی اشخاصو د اعانو، پر وارداتی او صادراتی توکو د ډېرکم فیس څخه تمویلږی.

Continue Reading

Trending

Copyright © 2022 Ariana News. All rights reserved!