Connect with us

تازه خبرونه

بیات بنیاد او کورډایډ موسسې ۲۰ کوچنیو او منځنیو شرکتونو ته مسلکي زدکړې ورکړې

خپور شوی

 په

(Last Updated On: ليندۍ ۱۳, ۱۳۹۹)

بیات بنیاد او کورډایډ موسسې ۲۰ کوچنیو او منځنیو شرکتونو ته د سوداګرۍ د پراختیا په خاطر تخنیکي او مسلکي زدکړې ورکړې.

شاوخوا یو کال کیږي، چې د نږدې ۲۰ کوچنیو او منځنیو شرکتونو کارکوونکیو ته تخنیکي او مسلکي زدکړې ورکول کیږي. دا زدکړې، چې د کورډایډ موسسې لخوا د بیات بنیاد په همکاري مخته ځي؛ په کې ګډون کوونکیو ته د خپلو کارونو د پراختیا مهارت زده شوی.

د دې پروګرام تنظیمونکي وایي، چې د دې شرکتونو کارکوونکي کولی شي د پراختیایي پروګرامونو له عملي کولو سره خپل کار ته پراختیا ورکړي.

په افغانستان کې د کورډایډ موسسې استازي جپ څرګنده کړې؛  دا پروګرام له تاسې سره مرسته کوي، چې سوداګري مو پرمختګ وکړي او  دا داسې یو پروګرام دی، چې ستاسو سوداګري ته پرمختګ ورکوي.

 د بیات بنیاد سلاکار احسان الله آرینزي ویلي، دا ښوونیز پروګرامونه به کوچینو او متوسطو متشبثینو ته د مرستو په خاطر دوام ولري.

د دې پروګرام ګډونوال وایي؛ ښې مسلکي زدکړې یې تر لاسه کړي او اوس کولی شي، چې خپل کاروبار ته پراختیا ورکړي.

مخکې له دې بیات بنیاد په روغتیایي، ټولنیزو او نورو برخو کې هم مرستې کړې دي.

تازه خبرونه

څار: د افغانستان په کورنیو چارو کې د سیمې او ګاونډ هېوادونو د لاسوهنې به اړه د اسلامي امارت دریځ

خپور شوی

په

توسط

(Last Updated On: غویی ۲۹, ۱۴۰۱)

Continue Reading

تازه خبرونه

د ا.ا په منځګړیتوب پاکستاني حکومت او تحریک طالبانو لنډمهاله اوربند ته زمینه برابره کړه

خپور شوی

په

توسط

(Last Updated On: غویی ۲۹, ۱۴۰۱)

د افغانستان اسلامي امارت په کابل کې د پاکستان د حکومت او تحریک طالبان پاکستان د خبرو کوربه و او دواړو خواوو پر لنډمهاله میاشتني اوربند هوکړه وکړه.

د افغانستان اسلامي امارت ویاند ذبیح الله مجاهد ټویټ کړی، چې اسلامي امارت د پاکستان د کابینې او پاکستانيو طالبانو د استازیو د خبرو کوربتوب کړی، چې د مذاکراتو په بهیر کې پر اړوند موضوعاتو سربېره د پام وړ پرمختګ ترڅنګ پر لنډمهاله اوربند هم توافق شوی دی.

نوموړی په ډاګه کړې: د مذاکراتو په جریان کې په اړوندو موضوعاتو کې د پام وړ پرمختګ ترڅنګ په لنډمهاله اوربند هم توافق وشو.

ذبیح الله مجاهد ټینګار کړی، چې کابل د دواړو لوریو ترمنځ د بریالۍ خبرو لپاره په ښه نیت کار کوي او پر دواړو خواوو یې غږ وکړ چې زغم او انعطاف ولري.

پرون یو شمېر رسنیو راپور ورکړ، چې د پاکستان د استخباراتو پخوانی مشر جنرال فیض حمید او نور پاکستاني پوځي چارواکي له تحریک طالبان پاکستان (TTP) سره د سولې د خبرو د پرمخ بیولو لپاره کابل ته راغلي دي؛ خو دا خبر کومې رسمي ادارې ندی تائید کړی.

په افغانستان کې د جمهوریت له راپرځېدو وروسته تحریک طالبان پاکستان د حکومت پر ضد خپلې جګړې ته دوام ورکړ او په پاکستان کې یې د اسلامي حکومت د جوړېدو غوښتنه وکړه.

پاکستانيو رسنیو هم اوس خبر ورکړی، چې د تحریک طالبان پاکستان یوه ویاند خبریالانو ته ویلي، چې له خبرو وروسته به د دواړو لوریو ترمنځ دوه ورځنی اوربند وشي.

Continue Reading

تازه خبرونه

د ملګرو ملتونو د بشري حقونو استازي له مولوي متقي سره ولیدل

خپور شوی

په

توسط

(Last Updated On: غویی ۲۸, ۱۴۰۱)

د ملګرو ملتونو د بشري حقونو ځانګړي استازي ریچارډ بینیټ کابل ته د خپل لومړي سفر په ترڅ کې د اسلامي امارت د بهرنیو چارو له سرپرست وزیر مولوي امیرخان متقي سره د افغانستان پر بشري وضعیت خبرې وکړې.

د امریکا د بهرنیو چارو وزارت ويلي؛ ریچارډ بینیټ په یوه لس ورځني سفر افغانستان ته رسېدلی؛ د نوموړي د سفر موخه د نړیوالو اصولو له مخې د بشري حقونو د وضعیت ارزونه او د افغانستان د ژمنو د عملي کولو په اړه بحث خبرې دي.

د سرچینې د څرګندونو له مخې؛ د ملګرو ملتونو ځانګړي استازي له متقي سره په کتنه کې افغانستان ته د خپل سفر د موخې، ټاکل شوي ماموریت او کاري پلان په اړه معلومات وړاندې کړل.

متقي له ریچارډ بینیټ څخه وغوښتل، چې باید پر حقایقو ولاړ مستند راپور وړاندي کړي؛ نه دا، چې د رسنیو، مغرضو کړیو او له افغانستان څخه د بهر مخالفو اشخاصو پر اندونو قضاوت وشي.

په دې کتنه کې د بهرنیو چارو وزارت سرپرست د افغانستان د دیني ارزښتونو او خلکو په اړه د ملګرو ملتونو ځانګړي استازي ته د راپور د چمتو کولو او د څېړنې د ترسره کولو په اړه توضیحات ورکړل.

د بهرنیو چارو وزارت همداراز ویلي، چې ریچارډ بینیټ له مولوي متقي څخه د افغانستان د مثبتو پرمختګونو، اوسني وضعیت، بشري حقونو او ټولنې په اړه د مهمو معلوماتو له شریکولو مننه وکړه او ویې ویل، چې دی به خپل راپور د حقایقو پر بنسټ جوړ کړي.

ریچارډ بینیټ شاوخوا دوه میاشتې وړاندې د ملګرو ملتونو د بشري حقونو د شورا لخوا پدې دنده وګمارل شو. د نوموړي د ګمارنې موخه په افغانستان کې د بشري حقونو د وضعیت څارنه، ارزونه او مستند کول دي.

 نوموړی له تېرو څو ورځو راپدیخوا له بېلا بېلو افغان چارواکو سره د بشري حقونو په اړه ډاډمنې ناستې تر سره کړي دي.

 د ا.ا د لومړي وزیر سیاسي مرستیال مولوي عبدالکبیر له نوموړي سره په لیدنه کې ویلي: افغانستان له اوږدې مودې راپدیخوا د ملګرو ملتونو غړی دی او اوس هم د ملګرو ملتونو ټولو کنوانسیونونو ته، چې له اسلام سره په ټکر کې ندي ژمن پاتې دی.

د یادونې ده، چې افغان مشرانو د ملګروملتونو له دغه ځانګړي استازې سره په خپلو خبرو کې ټینګار کړی، چې غواړي نړیوالې له ټولنې سره د نړیوالو اصولو او قوانینو پر بنسټ ولاړې ښې، هر اړخیزې او ډاډمنې اړیکې ولري.

Continue Reading

Trending

Copyright © 2022 Ariana News. All rights reserved!