Connect with us

تازه خبرونه

حکومت او طالبان باید د خپلمنځي خبرو پیلولو ته د نرمښت اړتیا ومني- شنونکي

Published

 on

(Last Updated On: غبرګولى ۲۱, ۱۳۹۹)

د چارو شنوونکي څرګندوي؛ د خپلمنځي خبرو د پیلولو لپاره اړتیاده، چې دواړه لوري د بندیانو د خوشي کولو په اړه له خپلو دریځونو تېرشي.

له هغې وروسته، چې حکومت د درې زره طالب بندیان د خوشي کیدو غږ پورته کړ؛ طالبانو ټینګار وکړ، چې ترهغې به بین الافغاني خبرې پیل نشي، چې پېنځه زره بندیان مو خوشې شوي نه وي.

د طالبانو د رژیم څارنوال جلال الدین شینواری له دواړو لوریو غواړي: په داسې کچه د بندیانو په خوشې کولو که د نرمښت منلو ته اړتیا ده، چې دواړو لوریو ته د منلو وړ وي.

که څه هم یو شمېر په دې اند دي؛ د طالبانو د پېنځه زره طالب بندیانو د خوشي کولو دریځ به بدل نشي.

د اړوند چارو شنونکی اجمل ساپي ویلي، د طالبانو دریځ دادی؛ د هوکړې له مخې باید ۵۰۰۰ بندیان خوشې شي، چې خپلمنځي خبرو ته زمینه برابره شي.

له دې سره همهاله یو امریکایي سناتور ویلي؛ د امریکا، ناټو او د افغانستان حکومت باید پرطالبانو فشار راوړي، چې نرمښت ته اړ شي.

د امریکا د کانګرس غړی آدم کینګزنګر وایي: یوازنۍ کاري لار طالبانو ته دا ده، چې د خبرو کولو اړتیا ومني او وپوهیږي، چې له دې پرته بل غوراوی نلري. یعنې امریکا، ناټو او د افغانستان حکومت پرې قوي فشار راوړي، چې نرمښت ته اړشي.

له دې مخکې طالبانو ویلي وه، چې ترهغې به هیڅ ډول بین الافغاني خبرو ته حاضر نشي چې پېنځه زره بندیان یې د حکومت له زندانونو خوشې شوي نه وي.

تازه خبرونه

د اسلامي اردو پر جوړولو  منظم او داډمن کار روان دی – دفاع وزارت

Published

on

(Last Updated On: سلواغه ۵, ۱۴۰۱)

د هېواد د وسلوالو ځواکونو لوى درستيز ويلي؛ د اسلامي امارت او دفاع وزارت لخوا د اسلامي اردو پر جوړولو منظم او ډاډمن کار روان دی.

د ملي دفاع وزارت ستر درستیز فصيح الدين فطرت د مخابرې ریاست د سرتېرو د فراغت په مراسمو کې ویلي؛ اسلامي امارت او دفاع وزارت تل د یوې داسې اردو د جوړولو هحې کړي، چې د ایمان او عقیدې پر وسله سمبال وي؛ ځکه، چې د اسلامي امارت ځواکونو په همدې وسلې د نړۍ د قدرتونو پر وړاندې بریا ترلاسه کړې ده.

دغه لوړپوړي امنيتي چارواکي له فارغو شویو سرتېرو وغوښتل، چې د خلکو او هېواد خدمت ته ژمن پاتې شي او په پوره اخلاص او صداقت ګامونه پورته کړي.

د هېواد دغه لوړ پوړي دفاعي چارواکی زیاته کړې، چې د اسلامي امارت ځواکونه د اطاعت له پلوه په نړۍ کې ساری نلري.

د ده په وینا د سرتېرو لخوا د خپل مشر اطاعت د نړۍ پر زبرځواکونه بریا ته ورسول.

نوموړي په افغانستان کې د اسلامي نظام د ټينګښت لپاره د اسلامي امارت د رهبرۍ اطاعت مهم وباله.

د مخابرې ریاست دې سرتېرو درې میاشتنۍ زده‌کړې بشپړې کړې او د فراغت سندونه یې ترلاسه کړل.

Continue Reading

تازه خبرونه

اسلامي امارت په هېواد کې معیاري ښوونیزو خدمتونو ته ژمن دی

Published

on

(Last Updated On: سلواغه ۶, ۱۴۰۱)

پرون د پوهنې وزارت د پوهنې د نړیوالې ورځې په مناسبت په یوه اعلامیه کې ویلي، چې زده‌کړه د هر افغان لپاره لازمه ده او دا وزارت ژمن دی، چې په هېواد کې معیاري ښوونیز خدمتونه وړاندې کړي.

په دې اعلامیه کې ویل شوي، چې زده‌کړه د هر افغان لپاره لارمه ده او اسلامي امارت ژمن دی، چې معیاري تعلیمي خدمتونه وړاندې کړي.

په اعلامیه کې راغلي، چې نړۍ باید دغه وزارت د معیاري تعلیمي خدمتونو په وړاندې کولو کې یوازې پرې نږدي.

د پوهنې وزارت په اعلامیه کې راغلي: د پوهنې وزارت خپلو خلکو او نړیوالې ټولنې ته ډاډ ورکوي، چې اسلامي امارت تعلیم او زده‌کړه د هر افغان لپاره اړینه ګڼي، له اقتصادي محدودیتونو سره سره یې ۱۹۰۰۰ ښوونځي او ۱۳۰۰۰ دیني مدرسې پرانیستي دي او دوه نیم میلیون نجونې هم ښوونځیو ته ځي.

د امریکا د بهرنیو چارو وزارت او د ملګرو ملتونو تعلیمي او فرهنګي ټولنې یا یونسکو دواړو ویلي، چې افغان ښځې او نجونې د زده‌کړو له حقه بې برخې دي.

د یونیسکو عمومي منشي آډري ازولي وایي: یونسکو غواړي سږکال دا ورځ افغان ښځو او نجونو ته ځانګړې کړي، مونږ غواړو، چې د ښځو او نجونو د کار او زده‌کړې حقونه پرته له ځنډه دوی ته ورکړ شي. د ښځو د کار او زده‌کړې پر وړاندې جګړه باید ودرول شي؛ ځکه هره نجلۍ او هلک د زده‌کړې حق لري.

ځینې محصلینې او زده‌کوونکې  له اسلامي امارته غواړي، چې تعلیمي او تحصیلي بندیزونه لرې کړي او دوی ته درسونو ته د ستنېدو اجازه ورکړي.

یو شمېر کارپوهان وايي، چې زده‌کړو ته لاسرسی د ټولنې د هر غړي اساسي او بشري حق دی او باید دا حق له هیچا وانه خیستل شي.

اسلامي امارت پر نجونو د ثانوي او پوهنتوني زده‌کړو محدویتونه دایمي نه بولي؛ خو تمې دادي، چې په را روان پسرلي کې به د نجونو پر مخ د ښوونځیو او پوهنتونونو دروازې پرانیستل شي.

Continue Reading

تازه خبرونه

کابلوف د افغانستان پر ورستیو تحولاتو د خبرو لپاره پاکستان ته سفر کړی

Published

on

(Last Updated On: سلواغه ۵, ۱۴۰۱)

د افغانستان لپاره د پاکستان استازي محمد صادق څرګنده کړې؛ د افغانستان لپاره د روسیې ځانګړي استازي ضمیر کابلوف د سیمې پر وروستیو تحولاتو د خبرو لپاره پاکستان ته سفر کړی دی.

محمد صادق د سه شنبې پر ورځ تویت کړ، چې له کابلوف سره یې د مسکو او اسلام‌آباد ترمنځ د نږدې همکارۍ پر اړتیا هم خبرې کړې دي. هغه کابلوف د پام وړ ښه او پوه دیپلومات په توګه وستایه.

کابلوف پاکستان ته له سفر مخکې په افغانستان کې د اسلامي امارت له لوړ پوړیو چارواکو سره هم کتلي دي.

د افغانستان د بهرنیو چارو وزارت د ویاند مرستیال حافظ ضیا احمد تېره اوونۍ څرګنده کړې وه، چې کابلوف د بهرنیو چارو له وزیر امیرخان متقي سره لیدلي او ټینګار یې کړی، چې روسیه د غربي حکومتونو په څېر نیوکې نکوي.

نوموړي زیاته کړې؛ کابلوف ویلي، هېواد یې په افغانستان کې اقتصادي پرمختګ او ثبات لیدل غواړي او د افغانستان په کورنیو چارو کې د دولت پر چارواکو نیوکې او لاسوهنه نکوي.

Continue Reading

Trending

Copyright © 2022 Ariana News. All rights reserved!