Connect with us

تازه خبرونه

حکومت له کرونا ویروس سره بې تفاوته چلند کړی- د ولسي جرګې غړي

خپور شوی

د

(Last Updated On: وری ۲۰, ۱۳۹۹)

د ولسي جرګې یو شمېر غړیو ويلي؛ حکومت د کرونا ویروس د خپرېدو په مخنیوي کې بی تفاوته باتې دی او یاد ویروس ترې خپور شو.

په هېواد کې د کرونا ویروس ډېریدو د ولسي جرګې غړي اندیښمن کړي او پر حکومت تور لګوي، چې د کرونا ویروس پروړاندې په مبارزه کې بېوسه دی.

په ولسي جرګه کې د هرات استازي غلام فاروق مجروح ویلي، چې که حکومت په پولو کې د قرنطین بهیر عملي نکړي کرونا ویروس به نوره پراختیا هم ومومي.

نوموړي زیاته کړې؛ اوس هم په هرات کې داسې کسان ډېر دي، چې ناروغي یې تشخیص شوې نده.

د هرات استازې ناهید فرید ویلي؛ په هرات کې د کرونا ویروس د ازموینې بهیر له ستونزو سره مخ شوی او ډېرو ولایتونو ته روغتیای بستې ندي رسیدلي.

د هغې د څرګندونو له مخې؛ دا په هرات کې د کرونا ویروس د معلومولو د وړتیاوو د نشتون ځېږنده حالت دی، چې په تېرو څو ورځو کې کومه کتنه او معاینه نده تر سره شوې او په خواشینۍ، چې د مړنې شمېر هم پنځوس سلنه پورته شوی؛ خو سیاسي مشران یوازې زمونږ رایې غواړي؛ د ځاني زیان په اړه مو بې باملرنې دي.

په ولسي جرګه کې د بادغیس استازې فریده بیکزاد وایي، چې په بادغیس ولایت کې له کرونا ویروس سره د مبارزې امکانات نشته. په داسې حال کې، چې یو شمېر هېوادوال مو له ایرانه دې ولایت ته راغلي دي.

د ولسي جرګې رییس ویلي د کرونا ویروس پر وړاندې په مبارزه کې باید حکومت ټول ولایتونه په پام کې ولري.

د ولسي جرګې مشر میررحمان رحماني ټینګار کړی، چې د عامې روغتیا وزارت باید ټولو ولایتونو ته یو شان لاسرسی ومومي او ټولو هېوادوالو ته روغتیایي آسانتیاوې ورسوي، چې خلک د دغه ویروس له زیانونو خوندي پاتې شي.         

د ولسي جرګې غړي ټینګار کوي، چې که د کرونا پر وړاندې په مبارزه کې سلیقوي او سیاسي چلند وشي په افغانستان کې به یې کنترولول ناشوني وي او ډېر خلک به پرې اخته شي.

تازه خبرونه

د اتریش د آزادۍ ګوند غړیو له امیر خان متقي سره وکتل

Published

on

(Last Updated On: تله ۲, ۱۴۰۲)

د افغانستان بهرنیو چارو وزارت د ویاند مرستیال څرګنده کړې، چې نن یکشنبه د بهرنیو چارو وزارت چارسمبالي امیر خان متقي  سره د اتریش هېواد د ازادۍ ګوند مخکښو غړیو وکتل.

د بهرنیو چارو وزارت د ویاند مرستیال حافظ ضیا احمد زیاته کړې، چې په دې ناسته کې امیر خان متقي هغوی ته د هرکلي تر څنګ وویل؛ خوښ یم، چې د افغانستان وضعیت له نږدې او په حقیقي بڼه وینئ او  تاسو ته به څرګنده شي، چې د افغانستان وضعیت تر هغې، چې په مطبوعاتو کې ښکاره کیږي او ویل کیږي ډېر مثبت او توپیر لري.

ښاغلي متقي دغه راز د اتریش په مرکز ویانا کې د افغانانو د ستونزو د حل لپاره د قونسلي خدماتو د وړاندي کولو او نورو تسهیلاتو د رامنځته کولو په تړاو هم خبرې وکړ.

بهرنیو چارو وزارت دا هم ویلي، چې د اتریش هېواد د ازادۍ ګوند غړیو د افغانستان وضعیت تر هغه ډېر ښه وباله، چې مخکې له راتګ یې له مطبوعاتو اورېدلي وه.

هغوی ویلي؛ مونږ په کابل کې آزاد وګرزېدو له ځینو افغانانو سره مو د اوسني وضعیت په اړه خبرې هم کړې دي، چې له هغوی سره د خبرو په پایله کې راته څرګنده شوې، چې افغانان له اوسني وضعیته خوښ او خپل ژوند خوندي او مصؤن ګڼي.

دغه راز د ازادۍ ګوند غړي یوهانس ویلي؛ سره له دې، چې د افغانستان اوسني مرکزي حکومت سرتاسري امنیت تامین کړی او د څلور لسیزو ناخوالو ته د پای ټکی ایښی؛ خو بیا هم پر رسمیت نه پېژندل کیږي، چې دا د تاسف وړ ده.

د اتریش د ازادۍ ګوند غړیو ژمنه وکړه، چې دوی به د افغانستان د اوسني وضعیت رښتینی انځور له ځان سره اروپاته نقلوي او هلته به یې خپلو چارواکو، ولسونو او د اروپایي اتحادیې غړیو هېوادونو ته وړاندې کړي.

Continue Reading

تازه خبرونه

د چین په اسیایي لوبو کې ۸۴ افغان لوبغاړي ګډون کوي

Published

on

(Last Updated On: تله ۲, ۱۴۰۲)

د افغانستان اسلامي امارت د بدني روزنې او سپورت عمومي ریاست د یکشنبې پر ورځ څرګنده کړې، چې د چین د هانګجو په  سږنیو اسیایي لوبو کې د افغانستان ۸۴ ورزشکاران ګډون وکړي.

د دغو لوبو د پرانیستلو مراسم د شنبې پر ورځ ( د تلې لومړۍ ) ترسره شول.

په دغو سیالیو کې د ۴۵ اسیایي هېوادونو ورزشکاران هم ګډون کوي.

د بدني روزنې د عمومي ریاست د معلوماتو له مخې، په دې مراسمو کې ۸۴ لوبغاړي او د افغانستان د المپیک ملي کمیتې استازو هم حضور درلود.

د بدني روزنې عمومي ریاست ويلي، افغان لوبغاړي به په ۱۵ بېلابېلو سپورتي څانګو کې سیالي وکړي.

Continue Reading

تازه خبرونه

مسلمان عالمان دې د اسلامي امارت له مشر سره خبرې وکړي

Published

on

(Last Updated On: تله ۱, ۱۴۰۲)

د قطر لومړي وزیر محمد بن عبدالرحمن آل ثاني ویلي؛ په کندهار کې یې د خپلو خبرو پر مهال پوره څرګنده کړې، چې که اسلامي امارت غواړي د نړیوالې ټولنې یوه برخه وي، باید همکاري وکړي.

هغه له سي‌ان‌ان سره په مرکه کې ویلي: ویلي مې دي، چې تاسې باید له مونږ سره یوځای کار وکړئ، چې قطر ته ورته یو اسلامي او عصري هېواد ولرئ.

قطر یو مسلمان هېواد دی؛ ښځې اجازه لري او ویاړي. دوی د ټولنې فعاله برخه ده. دوی خورا ګټورې دي. دوی مشرانې، وزیرانې او سفیرانې دي. دوی په هره کچه، په کار او ښوونځي کې دي.

د لوړو زده‌کړو په برخه کې د دوی شمېر د نرینه وو پر پرتله ډېر دی.

محمد بن عبدالرحمن ویلي؛ دا د مسلمانو عالمانو اخلاقي مسوولیت دی، چې د اسلامي امارت له مشر مولوي هبة الله اخوندزاده سره خبرې وکړي.

Continue Reading

Trending

Copyright © 2022 Ariana News. All rights reserved!