تازه خبرونه
دمګړۍ په ټول هېواد کې پر کرونا ویروس ۲۳۹ کسان اخته دي
په هرات کې د کرونا ویروس ۴۱ نوې پېښې ثبت او د ټولو مثبتو پېښو شمېر ۱۸۰ ته رسیدلی او داسې ناروغان هم شته، چې ایران ته یې سفر ندی کړی.
هرات سختې شپې او ورځې تېروي؛ دا ولایت د کرونا ویروس د زیان په لومړۍ کرښه کې دی او که څه هم دا ویروس پراختیا مومي؛ خو خلک پر ګرځیدو محدودیتونه جدي نه ګڼي او ښار ته را وځي او ویل کیږي، چې ان په یوه غونډه کې ګڼ شمېز هراتیان ټول شوي وه.
په هرات کې پر کرونا ویروس د اخته کیدو موارد د زیاتیدو په حال کې دي؛ خو بیا هم د درملنې امکانات لږ دي او یو لابرتوارد ګواښ دې کچې بسنه نکوي.
هرات ته د حکومت له لوري ځانګړې شوې پیسې هم په روغتیایي خدمتونو کې ندي لګیدلي.
په کابل کې هم د کرونا ویروس ګواښ په لوړه کچه کې دی، که څه هم هره ورځ څو مثبتې پېښې ثبت کیږي؛ خو زیاترو خلکو کرونا جدي نده نیولې او نه هم پر ګرځیدو محدودیت لګول شوی.
داسې اندېښنې هم شته، چې د بې پروایي دې حد ته ونه رسیږي چې کنترول یې بیا له وس او توان ووځي.
د افغانستان په ۱۸ ولایتونو کې پر کرونا د اخته کسانو شمېر سلګونه ته رسیږيد، اتلسو ولایتونو کې. هرات کې د دې وېروس څه باندې۱۸۰ پېښې اوکابل کې هم له لسو زیاتې دي چې دواړه ولایتونه یې په دې وېروس د اخته کسانو په نوملړ کې سر ته راوستي.
تر دا مهاله په هېواد کې د کرونا ویروس له کبله څلور کسان مړه شوي؛ خو لس ناروغان بېرته ښه شوي. په کابل او ځینو نورو ولایتونو کې ټولنیزو فعالانو او پولیسو عفوني ضد درمل پاشلي، څو کرونا ویروس ورک او د ژوند نظم بېرته را وګرزوي.
دا په داسې حال کې ده، چې د عامې روغتیا وزارت په کرونا وېروس د اخته کسانو د شمېر پر ډېریدو اندېشنه ښودلې.
تازه خبرونه
د ریاستالوزراء اقتصادي مرستیالۍ د سوالګرۍ د مدیریت طرحه نړیوالو بنسټونو ته وړاندې کړه
دا طرحه د چارشنبې پر ورځ د اقتصادي مرستیالۍ د عامه اړیکو ریاست پر مشرۍ په جوړه شوې غونډه کې وړاندې شوه.
د ریاستالوزراء اقتصادي مرستیالۍ په هېواد کې د سوالګرۍ پدیدې د مدیریت هر اړخیزه طرحه د نړیوالو بنسټونو او مرستندویه موسسو له استازو سره شریکه کړې ده.
دا طرحه د چارشنبې پر ورځ د اقتصادي مرستیالۍ د عامه اړیکو ریاست پر مشرۍ په جوړه شوې غونډه کې وړاندې شوه.
په دې غونډه کې د سوالګرۍ پدیدې د مخنیوي لپاره پر دوامدارو لارو چارو او په دې برخه کې د اسلامي امارت پر هڅو خبرې وشوې.
د اقتصادي مرستیالۍ د خبرپاڼې له مخې؛ په دې غونډه کې د مسلکي زدهکړو، مشروطو نغدي مرستو او د اړمنو کسانو د اقتصادي پیاوړتیا له لارې د سوالګرۍ پر کمولو ټینګار وشو، چې هغوی ته د دوامدار او باعزته ژوند زمینه برابره شي.
د نړیوالو بنسټونو او مرستندویه موسسو استازو هم له وړاندې شوې طرحې هرکلی کړی دی.
تازه خبرونه
روسي شرکتونه دې د کانونو، صنعت او بېخبناوو په برخو کې پانګونه وکړي – ملا برادر
ملا برادر دا غوښتنه د روسیې د لومړي وزیر له مرستیال الکسي اوورچوک سره په لیدنه کې کړې او ویلي یې دي، چې افغانستان د ګډو پانګونو لپاره پراخې اقتصادي وړتیاوې لري.
د ریاستالوزراء اقتصادي مرستیال ملا عبدالغني برادر له روسي شرکتونو غوښتي، چې د افغانستان د کانونو، صنعتي کارخونو او بېخبناوو په برخو کې پانګونه وکړي.
ملا برادر دا غوښتنه د روسیې د لومړي وزیر له مرستیال الکسي اوورچوک سره په لیدنه کې کړې او ویلي یې دي، چې افغانستان د ګډو پانګونو لپاره پراخې اقتصادي وړتیاوې لري.
نوموړي ویلي؛ افغانستان چمتو دی، چې له کورنیو شریکانو سره پر همکارۍ د روسي شرکتونو پانګونې ته ښه راغلاست ووایي.
د ملا برادر د څرګندونو له مخې؛ د کانونو استخراج، د صنعتي کارخونو جوړول او پراختیا، د بېخبناوو پراختیا او د ځانګړو اقتصادي سیمو جوړول د پانګونې مهم فرصتونه دي.
ملا برادر د نړیوالو معیارونو له مخې د صنعتي پارکونو جوړول، د ګډو ځانګړو اقتصادي سیمو رامنځته کول، د وچو بندرونو جوړول او د سوداګریزو بېخبناوو پراختیا هم د ګډې پانګونې له مهمو برخو وبللې.
د ریاستالوزراء اقتصادي مرستیال ټینګار کړی، چې افغانستان له روسیې سره د دواړو هېوادونو د اقتصادي ظرفیتونو په پام کې نیولو سره د سوداګرۍ کچې تر ټولو لوړې کچې ته د لوړولو غوښتونکی دی او د سوداګرۍ آسانتیاوې او د پانګونې پراختیا یې د دې موخې لپاره مهمې بللې دي.
نوموړي د افغانستان سټراټیژیک موقعیت، بډایه طبیعي زېرمې او د کار په عمر کې شاوخوا ۲۴ میلیون وګړي د هېواد له مهمو اقتصادي ظرفیتونو څخه یاد کړي او څرګندوي، چې دغه ظرفیتونه د بهرنیو پانګوالو لپاره د صنعت، کاري فرصتونو د رامنځته کولو او اقتصادي ودې په برخو کې د پام وړ فرصتونه برابرولی شي.
دا لیدنه په داسې حال کې شوې، چې افغانستان د بهرنۍ پانګونې د راجلبولو او له سیمهییزو او نړیوالو هېوادونو سره د اقتصادي اړیکو د پراختیا له لارې د سوداګرۍ او اقتصاد د پیاوړتیا هڅې کوي.
تازه خبرونه
عراق له کردستان څخه افغانستان ته د تېلو د احتمالي قاچاق څېړنه کوي
د عراق پارلمان رییس هیبت الحلبوسي د چارشنبې پر ورځ د پارلمان په غونډه کې د دې هېواد پر امنیتي ادارو او تېلو وزارت نیوکه وکړه او د عراق د تېلو د سرچینو د قاچاق د مخنیوي په اړه یې د وضاحت غوښتنه وکړه.
د عراق پارلمان رییس د هغو استخباراتي راپورونو د څېړلو لپاره د لنډمهالې څېړنیزې کمیټې د جوړولو امر کړی، چې ښايي د کرکوک او کردستان سیمې تېل د ایران له لارې افغانستان ته قاچاق کېږي.
د عراق پارلمان رییس هیبت الحلبوسي د چارشنبې پر ورځ د پارلمان په غونډه کې د دې هېواد پر امنیتي ادارو او تېلو وزارت نیوکه وکړه او د عراق د تېلو د سرچینو د قاچاق د مخنیوي په اړه یې د وضاحت غوښتنه وکړه.
د عراقي رسنیو د راپورونو له مخې؛ استخباراتي معلومات ښيي، چې ښايي د تېلو له بډایه سیمو؛ کرکوک او کردستان څخه تېل د ایران له سرحدي دروازو څخه د افغانستان پر لوري ولېږدول شي.
الحلبوسي دغه موضوع جدي بللې او ټینګار یې کړی، چې مسوولې ادارې باید د تېلو د سرچینو د ساتنې او د هېواد د پولو د کنټرول په اړه ځوابویونکې وي.
د عراق پارلمان د معلوماتو له مخې؛ څېړنیزه کمیټه به د پارلمان د امنیت او دفاع د کمیټې د رییس پر مشرۍ او د تېلو او ګاز، مالي، حقوقي، اداري او سرحدي دروازو د چارو د کمیټو د استازو پر ګډون جوړه شي. دغه کمیټه به شته معلومات وڅېړي او د خپلو څېړنو پایلې به د پارلمان مشرتابه ته وړاندې کړي.
په بابل کې د تېلو د غلا په اړه جلا څېړنه
دغه راز به د عراق پارلمان د بابل ولایت په جرفالنصر سیمه کې د دولتي لېږد رالېږد له نللیکو څخه د تېلو د احتمالي غلا په اړه هم استخباراتي راپورونه وڅېړي.
په دغو راپورونو کې ویل شوي، چې ښايي د ټانکرونو پر مټ تېل لېږدول شوي وي؛ خو د بابل والي علي ترکي الجمالي د خپرو شویو معلوماتو یوه برخه رد کړې او څرګندوي، چې لږ تر لږه له یادو شویو ځایونو څخه یو یې د امنیتي ځواکونو د سونتوکو د برابرولو رسمي مرکز و.
همدارنګه د عراق لومړي وزیر علي فالح الزیدي په جرفالنصر کې د تېلو د محصولاتو د غلا د ادعاوو د څېړلو لپاره د یوې بلې کمیټې د جوړولو امر کړی دی.
پارلماني کمیټه به په کردستان کې د خور مور د ګاز پر ډګر وروستی برید هم وڅېړي؛ هغه برید، چې د ګاز تولید او د برښنا د برابرولو بهیر یې له خنډ سره مخ کړی و.
دا ادعاوې تائید شوې نهدي
عراقي چارواکو تر اوسه د افغانستان پر لوري د تېلو په احتمالي قاچاق کې د ښکېلو کسانو هویت، د لېږدول شویو تېلو اندازه او د هغوی وروستي منزل ته رسېدل تائید کړي نهدي.
ویل کیږي، چې له کردستان څخه د تېلو د احتمالي قاچاق او په جرفالنصر کې د تېلو د محصولاتو د غلا دوه قضیې به هم وڅېړل شي او تر اوسه د دواړو ترمنځ کومه اړیکه ثابته شوې نهده.
-
نړۍ5 days agoد امریکا لومړني منتخب مسلمان سناتور له پاکستان سره پر مرستو د بیاکتنې غوښتنه وکړه
-
تازه خبرونه3 days agoپه کابل بالاحصار کې د لرغونو ماڼیو او بودایي عبادتځایونو پاتې شوني وموندل شول
-
سیمه ییز خبرونه2 days agoد سعودي عربستان په مکه کې د دوه توغندیو د شنډولو پاتې شوني لوېدلي
-
تازه خبرونه2 days agoعراق له کردستان څخه افغانستان ته د تېلو د احتمالي قاچاق څېړنه کوي
-
تازه خبرونه3 days agoد اسلامي امارت سفیر له کویټي چارواکو سره د افغان بندیانو پر وضعیت خبرې وکړې
-
لوبی5 days agoد افغانستان او زیمبابوې ترمنځ لومړۍ ټسټ لوبه مساوي پای ته ورسېده
-
لوبی5 days agoپه آسیا جام سیالیو کې افغان ۱۹ کلنو کرکټ لوبډلې سریلانکا ته د ۱۰۶ منډو پر توپیر ماتې ورکړه
-
تازه خبرونه2 days agoافغانستان او ازبکستان د مالدارۍ په برخه کې د همکاریو پر پراختیا هوکړه وکړه

