Connect with us

تازه خبرونه

د اسلامي امارت د رسمیت پېژندلو لوی خنډ امریکا ده

Published

 on

(Last Updated On: غبرګولى ۳۰, ۱۴۰۱)

د افغانستان اسلامي امارت ویاند د یکشنبې پر ورځ څرګنده کړې؛ امریکا نه یوازې اسلامي امارت پر رسمیت نه پېژني، بلکې په نړیواله کچه یې د نورو د رسمیت پېژندلو مخه هم نیولې ده

د افغانستان اسلامي امارت ویاند ذبیح الله مجاهد له خبریالانو سره په خبرو کې په ډاګه کړې؛ امریکا او ټول هېوادونه باید پدې پوه شي، چې له اسلامي امارت سره سیاسي اړیکې د ټولو په ګټه دي او دوی ته دا زمینه برابروي، چې خپلې اندېښنې ورسره شریکې کړي

کابو لس میاشتې کیږي چې، اسلامي امارت د نړیوال مشروعیت له کړکیچ سره مخ دی او تر اوسه هیڅ هېواد د افغانستان نوی حکومت پر رسمیت پېژندلی ندی.

اوس د اسلامي امارت ویاند په یوه انلاین کنفرانس کې څرګنده کړې، چې د افغانستان د اسلامي امارت په رسمیت پېژندلو کې د ځنډ او خنډ رامنځته کوونکې امریکا ده.

مجاهد ویلي، چې اسلامي امارت د نړیوال مشروعیت ټول شرطونه پوره کړي؛ خو امریکا نه یوازې دا، چې د افغانستان اسلامي امارت پر رسمیت نه پېژني، بلکې د اسلامي امارت نړیوال مشروعیت یې هم له خنډ او ځنډ سره مخ کړی دی.

ذبیح مجاهد په افغانستان کې د داعش او القاعده د حضور په اړه د امریکا اندېښنې هم بیځایه بولي.

د اسلامي امارت د ویاند مرستیال بلال کریمي له غربي هېوادونو غوښتي، چې له نوي افغان حکومت سره د اختلاف پر ځای خبرو ته داودانګي.

د اسلامي امارت د ویاند مرستیال بلال کریمي وایي: د اسلامي امارت د رسمیت پېژندنې لپاره مهم ګامونه پورته شوي او اوس داسې پړاو داسې پړاو راغلی، چې له اسلامي امارت سره د تقابل پر ځای د تعامل لار خپله کړي.

د امریکا دفاع وزارت کانګرس ته په یوه تازه راپور کې د القاعده پر شتوالي اندېښنه ښودلې او ویلي یې دي، چې د دغې ډلې د فعالیتونو محدود کیدل ښايي د نړیوال مشروعیت د ترلاسه کولو لپاره د اسلامي امارت له هڅو سره تړاو ولري.

اسلامي امارت د امریکا دغه اندېښنه ردوي او ټینګار کوي، چې له افغانستان څخه د امریکا او نورو هېوادونو ګټو ته هیڅ ګواښ نشته.

بلال کریمي د امریکا د دغې اندېښنې په اړه ویلي؛ د اسلامي امارت ځواکونه د هېواد ټولې برخې په واک کې لري او داسې کومه ډله نشته، چې د افغانستان له خاورې نورو هېوادونو څخه ګواښ پېښ کړي.

امریکا د نورو هېوادونو په څېر د اسلامي امارت د رسمیت پېژندلو لپاره د ټولګډونه حکومت جوړول، د بشری حقونو په تېره بیا د ښځو او توکمیزو اقلیتونو د حقونو خوندي کول او له افغانستان څخه د تروریستي ګواښونو د له منځه وړل د شرطونو په توګه مطرح کړي دي.

سیاسي شنونکي جاوید سنګدل ویلي؛ له طالبانو( اسلامي امارت) سره کار کول، د طالبانو(اسلامي امارت) پر رسمیت پېژندنه او له تورنوملړه یې د مشرانو ایستل په ټوله نړۍ کې امریکایان تر پوښتنې لاندې راولي، چې له همدې کبله یې پر رسمیت نه پېژني.

د امریکا لوړپوړیو پوځي چارواکو له دې مخکې خبرداری ورکړی و، چې د افغانستان وضعیت څاري او که القاعده او داعش یا نورې ترهګرې ډلې د امریکا ګټو ته ګواښ پېښوي، جدي اقدام به وکړي.

تازه خبرونه

امریکا دې د افغانستان بانک کنګل شوې زیرمه آزاده کړي – چین

Published

on

(Last Updated On: زمری ۲۲, ۱۴۰۱)

د چین د بهرنیو چارو وزارت ویاند په یوه خبري غونډه کې ویلي، چې د افغانستان بانک د اووه میلیارد دالرو زیرمې کنګل کېدل په افغانستان کې اقتصادي بحران چټکوي.

په افغانستان کې د اسلامي امارت د واکمنۍ یو کال پوره کیږي؛ خو د افغانستان بانک اووه میلیارد دالر زیرمه اوس هم د امریکا د حکومت لخوا کنګل باتې ده.

د افغانستان د دې شتمنۍ د خلاصون لپاره د نړیوالو غوښتنو په لړ کې دا دی د چین د بهرنیو چارو وزارت یو ځل بیا له امریکا وغوښتل، چې د افغانستان بانک شتمني آزاده کړي.

د چین د بهرنیو چارو وزارت ویاند وانګ وین بین د امریکا له لوري د دې شتمنیو د کنګل ساتلو دوام غیر عادلانه بولي.

وانګ وین بین وایي: د افغانستان بانک د اووه میلیارد ډالر شتمنیو کنګل کېدل په دغه هېواد کې د اقتصادي بحران زیاتولو ته لار اواره کړې ده. د امریکا حکومت باید د افغانانو دغه شتمنۍ خوشې کړي او باید وویل شي، چې د بانکونو د بندولو دوام به د دغه هېواد د اقتصادي بحران په لا زیاتېدو کې مرسته وکړي. د امریکا لخوا د افغانستان د شتمنۍ کنګل کول هیڅ توجیه نلري.

د پوهنتون استاد سید مسعود ویلي؛ د امریکا دوه سختو سیالانو چین او روسیې د امریکا لخوا د افغانستان بانک د کنګل شويو شتمنیو زیرمو په اړه څو ځلې غبرګون ښودلی او د اسلامي امارت د واکمنۍ له پیل راپدیخوا یې د آزادولو برلپسې غوښتنه کړې ده.

یو کال وړاندې کله، چې اسلامي امارت په کابل کې بیا واک ته ورسېد؛ امریکا د افغانستان څه کم لس ۱۰ میلیارد ډالر شتمني کنګل کړه.

د امریکا ولسمشر جوبایدن د تېر کال د سلواغې پر ۲۲ په یوه  فرمان کې د افغانستان د کنګل شوې شتمنۍ نیمايي د سپټمبر د یوولسمې نېټې د بریدونو د قربانیانو کورنیو ته او پاتې نیمايي یې له خلکو سره د بشري مرستو لپاره ځانګړې کړې، چې د جو بایدن دې پرېکړې سخت حکومتي، ملي او نړیوال غبرګونونه را وپارول.

Continue Reading

تازه خبرونه

د افغانستان په ۷ ولایتونو کې سېلابونو ۱۳ کسان مړه کړي

Published

on

(Last Updated On: زمری ۲۲, ۱۴۰۱)

له طبیعي پېښو سره د مبارزې وزارت څرګنده کړې؛ د هېواد په اووه ولایتونو کې سېلابونو د ۴ ښځو او ۵ ماشومانو په ګډون د ۱۳ کسان مړه کړل او دوه نور ورک دي.

د یاد وزارت د څرګندونو له مخې؛ دغو سېلابونو ډېر مالي زيانونه اړولي او له کليو څخه تر ولسواليو پورې غزېدلي سړکونه هم ويجاړ شوي دي.

 له پيښو سره د مبارزې په چارو کې د دولت وزارت وايي، چې دغو سېلابونو د خوست، پکتيا، لوګر، غزني، وردګ، پروان او کاپيسا ولايتونه ځپلي دي. 

د دغه وزارت چارواکي وايي؛ دغو سېلابونو د خوست، پکتيا، لوګر، غزني، وردګو، پروان او کاپيسا ولايتونه ځپلي او د دغو ولايتونو لارې يې د څو ساعتونو لپاره د ترافيکو پر مخ تړلې وې.

له طبیعي پېښو سره د مبارزې په چارو کې د دولت وزارت مرسیتال شرف الدین مسلم په ډاګه کړې؛ اوس پر دې کار روان دی، چې تر ولسوالیو پورې د کلیو فرعي سړکونه پرانیستل شي.

په افغانستان کې د وروستیو سېلابونو له کبله زیانونه ډېر دي او د سېلاب ځپلیو سیمو اوسیدونکي عاجلو مرستو ته اړتیا لري.

شرف الدین مسلم وایي؛ زیانمنو کورنیو ته د اسلامي امارت له لوري سل زره افغانۍ په پام کې نیول شوي ، چې یو شمېر کورنیو ته دا پیسې رسیدلي هم دي.

سېل ځپلي احمد او باز محمد له ملي او نړيوالو مرستندويه موسسو غوښتي، چې له دوى سره مرسته وکړي؛ ځکه، چې سېلابونو د دوى ټول مالونه او د کروندو حاصلات له منځه وړي او کورونه یې ویجاړ شوي دي.

د هوا پېژندنې اداره اټکل کوي، چې ۲۱ ولایتونه اوس هم  د موسمي سېلابونو له خطر سره مخ دي او په ځینو ولایتونو کې به د اورښت کچه له ۱۰ څخه تر ۴۰ ملي مترو وي.

د هوا پېژندنې ریاست د وړاندوینې مشر محمد نسیم مرادي ویلي؛ د دې ادارې د وړاندوینې پر بنسټ، په راتلونکو ۲۴ ساعتونو کې هرات، فراه او نیمروز ولایتونه د سختې سیلۍ او بړبوکۍ لیدونکی وي، چې سرعت یې په بېلابېلو ځایونو کې د ۲۰ او ۸۰ کیلومترو ترمنځ ښودل شوی دی.

له طبیعي پېښو سره د مبارزې وزارت وايي، چې د سېلابونو له کبله اوښتو زیانونو ته په کتو د مرستندویه بنسټونو مرستې لږې دي او بسنه نه کوي. دوی له نړیوالې ټولنې او ملګرو ملتونو غوښتي، چې سېلاب ځپلو سره سمې مرستې وکړي.

Continue Reading

تازه خبرونه

امریکا له افغانانو سره ۱۵۰ میلیون دالر مرسته کوي

Published

on

(Last Updated On: زمری ۲۲, ۱۴۰۱)

امریکا د جمعې پر ورځ له افغانستان سره د خوراکي توکو د خوندیتوب او په دغه هېواد کې له ښځو او نجونو څخه د ملاتړ لپاره؛ ۱۵۰ میلیون دالر نوې مرسته اعلان کړه.

د نړیوالې پرمختیایي ادارې یا یُو ایس ای آی دي، په یوه خپره شوې خبرپاڼه کې راغلي د دغې مرستې موخه د هغو افغانانو لاسنیوی دی، چې د خوراکي توکو له سخت کمښت سره دي.

دغه راز یُو ایس ای آی دي، په یوه بېله خبرپاڼه کې د ملګرو ملتونو د ماشومانو صندوق یا یونیسف له لارې د افغان نجونو او هلکانو د زدکړو په برخه کې د ۴۰ میلیون دالرو مرستې اعلان کړی دی.

سرچینې زیاته کړې؛ دا تازه مرسته په دا سې حال کې اعلان شوې، چې په تېر مارچ میاشت کې د افغانستان اسلامي امارت پر نجونو د ثانوي زدکړو دروازې وتړلې.

یُو ایس ای آی ډی دا راز د افغان ښځو د پیاوړتیا، ځواکمنتیا او د جندر مساواتو په برخو کې د ۳۰ میلیون دالرو نوې مرستې اعلان کړی.

د خصوصي سکتور غړي بیا وايي، چې نړیواله ټولنه په ځانګړي توګه امریکا له افغانستان سره بشري مرستې زیاتې کړي، چې په دغه هېواد کې روان اقتصادي ناورین، تر یوه بریده مدیریت شي.

د صنایعو او کانونو خونې غړی شېرباز کمین زاده وایي: مونږ له نړیوالې ټولنې خصوصاً د امریکا له متحده ایالاتو غواړو، چې له افغانانو سره بشري مرستې پراخي کړي او افغانان  نه غواړي، چې له چا سره تقابل وکړي د دواړو هېوادونو د حکومتونو ترمنځ  د تقابل پر ځای تعامل رامنځته شي؛ ګټې به يې زیاتې وي او مونږ يې د وروستیو مرستو هرکلی کوو.

دوی څرګندوي، چې د مرستو د لګولو لپاره باید منظم میکانیزمونه جوړ شي، چې د ولس اقتصادي ستونزې اواري کړي.

دوی دا مرستې د کرنې په برخه کې اړین ګام بولي.

د صنایعو او کانونو خونې مرستیال سخي احمد پیمان وایي: مونږ د امریکا د متحده ایالاتو د پراخیتا يي اداري دا ۱۵۰ میلیون امریکا يي دالرو مرستې هر کلی کوو او هیله لرو، چې نړۍ له افغانستان سره خپلې بشري مرستې نورې هم زیاتې کړي.

اقتصادي کارپوهان هم پدې باور دي، چې د نړیوالې ټولنې لخوا دې له افغانستان سره بشري مرستې زیاتې شي او ښايي په هېواد کې بشري او اقتصادي ناورین به تر یوه بریده مدیریت شي.

اقتصادي شنونکی تاج محمد تلاش وایي: د افغانستان په روان حالت کې دا بشري مرستې خورا مهمي دي؛ هیله لرو، چې نړیوال باید د افغانستان د روان فقر د پراختیا د مخنیوي لپاره خپلي بشري مرستي زیاتي کړي.

د امریکا د پراختیايي ادارې دا بشري مرستې داسې مهال اعلانیږي، چې د خواړو نړیوال پروګرام په ګډون یو شمېر نورو نړیوالو سازمانونو په افغانستان کې د بېوزلۍ له پراختیا اندېښنه ښیي او له نړیوالو يې د افغانستان له خلکو سره د نورو مرستو د ترسره کولو غوښتنه کړې ده.

Continue Reading

Trending

Copyright © 2022 Ariana News. All rights reserved!