د اسلامي امارت په مشرتابه کې پراخ بدلونونه؛ د وزیرانو ټاکنه او د والیانو او قومندانانو بدلون

دا بدلونونه د اسلامي امارت د اداري او امنیتي جوړښت د تنظیم او پیاوړتیا د پروسې یوه برخه ده

خپور شوی

2 days مخکي

غویی ۱۴, ۱۴۰۵

توسط

د اسلامي امارت ویاند ذبیح الله مجاهد د خبرپاڼې له مخې؛ د اسلامي امارت د رهبر د فرمان له مخې په حکومتي تشکیلاتو کې لاندې ټاکنې رامنځته شوې دي:

۱- د فاریاب ولایت مخکنی والي عبدالاحد فضلي؛ د مخابراتو او معلوماتي ټکنالوژۍ وزارت د وزیر په توګه،

۲- د بادغیس ولایت مخکنی والي محمد حنیف حمزه د فاریاب د والي په توګه،

۳-د بغلان ولایت مخکنی والي عبدالرحمن حقاني؛ د خوست ولایت د والي په توګه،

۴- د خوست ولایت مخکنی والي عبد ﷲمختار د بغلان ولایت د والي په توګه،

۵- د ریاست‌الوزراء اقتصادي مرستیالۍ مخکنی مشاور محمد ولي جان؛ د بادغیس ولایت د والي په توګه،

۶- د پکتیکا ولایت مخکنی مرستیال مخدوم عبدالسلام سعادت د ارشاد، حج او اوقافو وزارت د اسلامي عرفان او دیني چارو د انسجام د مرستیال په توګه،

۷- د میدان وردګ ولایت مخکنی امنیه قومندان عبدالقیوم هلال؛ د بغلان ولایت د امنیه قومندان په توګه،

۸- د بغلان ولایت مخکنی امنیه قومندان عبدالحق؛ د میدان وردګ ولایت د امنیه قومندان په توګه،

۹- د زندانونو چارو ادارې د بندیانو د سلب آزادۍ د مخنیوي مخکنی رییس محمد عمر مخلص د نیمروز ولایت د امنیه قومندان په توګه،

۱۰ – د میدان وردګ ولایت د والي مخکنی مرستیال فرید‌ﷲ قیام د لوګر ولایت د امنیه قومندان په توګه،

۱۱- د پکتیا ولایت د والي مخکنی مرستیال انعام‌ﷲ صلاح الدین د لوګر ولایت د مرستیال په توګه،

۱۲- د لوګر د والي مخکنی مرستیال محمد انور د پکتیا ولایت د مرستیال په توګه،

۱۳- د نیمروز ولایت مخکنی امنیه قومندان عبدالظاهر مدثر د میدان وردګ ولایت د مرستیال په توګه،

۱۴- د هلمند ولایت د والي مخکنی مرستیال محمد نبي حماس د بغلان د مرستیال په توګه،

۱۵- د فراه ولایت د والي مخکنی مرستیال رحیم‌ﷲ محمود؛ د هلمند ولایت د مرستیال په توګه،

۱۶- د ۲۰۳ منصوري قول اردو درېیمې پیاده لواء مخکنی قومندان محمد ګل خیبر د فراه ولایت د مرستیال په توګه،

۱۷- د بغلان ولایت د والي مخکنی مرستیال محمد همایون جهاد یاد د ۲۰۳ منصوري قول اردو د درېیمي پلي لواء د قومندان په توګه،

۱۸- د پکتیکا ولایت د علماوو شوری مخکنی غړی قاضي نور‌ﷲ د همدې ولایت د مرستیال په توګه او

۱۹- د لوګر ولایت مخکنی امنیه قومندان آغا ولي حنفي د زندانونو چارو عمومي ریاست د آزادۍ د سلب شویو ځایونو د څارنې ریاست د رییس په توګه ټاکل شوي دي.

ویل کیږي، چې دا بدلونونه د اسلامي امارت د اداري او امنیتي جوړښت د تنظیم او پیاوړتیا د پروسې یوه برخه ده.

Up Next

د افغان کډوالو ایستل؛ په آلمان کې جنجالونه او د پټې همکارۍ ادعاوې

Don't Miss

د ملګرو ملتونو خبرداری: د مرستو کمښت په افغانستان کې د ماین پاکۍ بهیر ځنډولی

د کانونو وزارت د مس عینک په پروژه کې د قراردادي شرکت د ژمنو پر پلي کولو ټینګار وکړ

د دې وزارت په خبرپاڼه کې راغلي؛ د کانونو او پټرولیم وزیر هدایت‌الله بدري په کابل کې د چین له سفیر، د MCCT شرکت له عمومي رییس، د مس عینک د پروژې د قراردادي شرکت MJAM له رییس او د هغوی له مل پلاوي سره بحث او خبرې کړې دي.

Published

3 hours ago

غویی ۱۶, ۱۴۰۵

Ariana News

د کانونو او پټرولیم وزارت ویلي، چې د دې وزارت د چارواکو او د مس عینک پروژې د قراردادي شرکت د مسوولانو ترمنځ په لیدنه کې د تړون د ټولو ژمنو د پلي کېدو ترڅنګ د دې پروژې د کاري بهیر پر چټکتیا هم ټینګار شوی دی.

دواړو لوریو د دې کان د قرارداد د ځینو ژمنو د نه‌پلي کېدو او د دې پروژې د پرمختګ د بهیر په اړه بحث او خبرې کړې دي.

د کانونو وزارت د څرګندونو له مخې؛ د MCCT شرکت مسوولانو په دې ناسته کې ژمنه کړې، چې پاتې چارې به د قرارداد له مادو سره سم بشپړې کړي او د پروژې د کار بهیر به چټک کړي.

دغه راز د کانونو او پټرولیم وزیر ټینګار کړی، چې قراردادي شرکت باید د قرارداد ټولې ژمنې او مکلفیتونه بشپړ پلي کړي او د دې پروژې د پرمختګ لپاره عملي ګامونه واخلي.

د یادونې ده، چې د مس عینک پروژه د افغانستان د کانونو په برخه کې د پانګه‌ونې یوه ستره پروژو ده، چې قرارداد یې له یوې چینایي کمپنۍ سره لاسلیک شوی دی.

تازه خبرونه

تحول: له جرمني څخه د افغان کډوالو د ایستلو روان بهیر

Published

16 hours ago

غویی ۱۵, ۱۴۰۵

Ariana News

Last Updated on: غویی ۱۶, ۱۴۰۵

تازه خبرونه

د اوبو او انرژي وزیر د آمو سیند څنډو د تحکیماتو له چارو لیدنه وکړه

د یاد وزارت د خپرې شوې خبرپاڼې له مخې؛ د اوبو او انرژي وزیر تخار ولایت ته په خپل دې سفر کې د دشت‌کلا ولسوالي له آی‌خانم بندر څخه د لیدنې پر مهال اړوند مسوولانو ته ویلي، چې په دې برخه کې دې هم د تحکیماتو پروژې چارې پیل شي.

Published

22 hours ago

غویی ۱۵, ۱۴۰۵

Ariana News

د اوبو او انرژي وزیر محمد یونس آخوندزاده او مرستیال یې مجیب‌الرحمن عمر آخوندزاده تخار ولایت ته په سفر کې د پنج آمو سیندیزې حوزې د عمومي ریيس اسدالله حامد پر ملتیا؛ د تخار ولایت په ینګي‌کلا ولسوالي کې د آمو سیند څنډو د تحکیماتو پروژې د چارو له بهیر لیدنه وکړه او اړوند مسوولانو ته یې اړینې لارښوونې وکړې.

د یاد وزارت د خپرې شوې خبرپاڼې له مخې؛ د اوبو او انرژي وزیر تخار ولایت ته په خپل دې سفر کې د دشت‌کلا ولسوالي له آی‌خانم بندر څخه د لیدنې پر مهال اړوند مسوولانو ته ویلي، چې په دې برخه کې دې هم د تحکیماتو پروژې چارې پیل شي.

دغه راز د اوبو او انرژي وزیر د تخار ولایت په خواجه غار ولسوالي کې د کښتنۍ کوکچې د اوبو ګرځولو بند له سیمې څخه هم لیدنه کړې او د سپین‌زر شرکت د مسوولانو هغه طرحه یې وارزوله، چې له کوکچې څخه دې اوبه د کندوز ولایت ابدان دښتې ته ولېږدول شي.