تازه خبرونه
د اسلامي نظام ساتنه فرض عین ده – محمد خالد حنفي
د امربالمعروف او نهی عن المنکر وزارت چارسمبالي ويلي، چې د اوسنې نظام ملاتړ او ساتنه پر ټولو فرض عین ده.
د امربالمعروف او نهی عن المنکر وزارت مسوولینو ويلي، چې له اوسني نظام سره د همکارۍ او ملاتړ لپاره باید ټول خپلي هڅې پرا خي کړي.
دوی له محتسبینو وغوښتل، چې د خپلو چارو په تنظیم او پرمخ وړلو کې له ولس سره له نږدې همکاري وکړي.
محمد خالد حنفي وایي: له اوسني نظام څخه ملاتړ او له دې نظام سره همکاري کول پر ټولو فرض عین دی. د نړۍ پرمخ دې ته ورته بل اسلامي او شرعي نظام شتون نهلري.
د کورنی چارو وزارت مسوولین هم د امربالمعروف او نهي عن المنکر وزارت له مسوو لینو او محتسبینو غوښتنه کوي، چې له ولس سره پر نرمه ژبه همکاري وکړي، چې د امربالمعروف او د ولس ترمنځ رامنځته شوی واټن له منځه لرې شي.
د کورنیو چارو وزارت چارسمبالي سراج الدین حقاني ویلي: د امربالمعروف او نهی عن المنکر وزارت له محتسبینو څخه زما غوښتنه داده، چې د ولس او دوی ترمنځ واټن ختم کړي او ولس پخپله د امر بالمعروف لپاره تیار کړي.
دغه راز د کورنیو چارو وزارت چارسمبالي په هرات کې د رامنځته شوې زلزلې د قربانیانو پر ډېرېدو اندېښنه څرګنده کړه او له شتمنو هېوادوالو څخه يي ورسره د همکارۍ غوښتنه وکړه.
سراج الدین حقاني وایي: زمونږ په هېواد کې د طبیعي پېښو له کبله خلک زیات زانمن کیږي. تېر کال د پکتیا او اوس د هرات پېښې د یادولو دي. هیله لرم، چې شتمن مو له زیامنو سره همکارۍ پراخې کړي، چې ستونزو ته یې منظمه رسیده ګي وشي.
په دې غوانډه کې د کابل ولایت د ګذرونو د وکیلانو عمومي رییس ببرک ساپي هم له اسلامي امارت څخه د کابل د خلکو پر ملاتړ سربېره د اسلامي امارت له مسوولینو غوښتنه وکړه، چې د ولس پر مخ خپل ورونه پرا نیستي وساتي.
نوموړی وایي: مونږپره ټول توان له اسلامي امارت څخه ملاتړ کوو او کړی مو هم دی او له دوی څخه هم هیله لرو، چې د ولس پر وړانډې خپل ورونه پرانیزي.
دا غونډه، چې په کې د کابل ولایت د ټولو ولسوالیواو د ګذر وکیلانو ګډون کړی و؛ د امربالمعروف او نهی عن المنکر وزارت جوړه کړې وه، چې د ولس او حکومت ترمنځ د همغږۍ او همکارۍ روحیه پیاوړې شي.
تازه خبرونه
ملګري ملتونه دې د خوراکي توکو په پېرلو کې د افغانستان محصولاتو ته لومړیتوب ورکړي
د هرات والي د دفتر د رسنیزې خبرپاڼې له مخې؛ اسلامجار د ملګرو ملتونو د سر منشي د ځانګړي استازي مرستیال انډریکا راتوته او په افغانستان کې د ملګرو ملتونو د کډوالو عالي کمیشنرۍ د دفتر رییس عرفات جمال سره ولیدل.
د هرات والي نوراحمد اسلامجار د ملګرو ملتونو له چارواکو سره په یوه غونډه کې له دې ټولنې وغوښتل، چې د خوراکي او اړینو توکو په پېرلو کې د افغانستان کورنیو محصولاتو ته لومړیتوب ورکړي.
د هرات والي د دفتر د رسنیزې خبرپاڼې له مخې؛ اسلامجار د ملګرو ملتونو د سر منشي د ځانګړي استازي مرستیال انډریکا راتوته او په افغانستان کې د ملګرو ملتونو د کډوالو عالي کمیشنرۍ د دفتر رییس عرفات جمال سره ولیدل.
د هرات والي کډوالو د راستنېدا په لومړۍ څپه کې د ملګرو ملتونو د ادارو له همکارۍ ستاینه وکړه او ټینګار یې وکړ، چې د کډوالو د نوي څپې په صورت کې سیمهییزه اداره د دوی اړتیاوو ته د رسېدا لپاره چمتو ده.
اسلامجار د افغانستان د کرنیزو محصولاتو او صنعتي محصولاتو لپاره د بهرنیو بازارونو موندلو لپاره له نړیوالو ادارو سره د همکارۍ پر اړتیا هم ټینګار وکړ او د بانکي محدودیتونو لرې کولو د ویزې د صادرولو آسانتیا او د خصوصي سکټور او سوداګرو لپاره د انلاین خدماتو غوښتنه وکړه.
ویل کیږي، چې انډریکا راتواټه د هرات والي د نظرونو او وړاندیزونو د هرکلي ترڅنګ ډاډ څرګند کړ؛ ملګري ملتونه به په راتلونکي کې هڅه وکړي، چې له افغان تولیداتو څخه اړین توکي واخلي او په بېلابېلو سکټورونو کې به له سیمهییزې ادارې سره خپله همکاري روانه وساتي.
تازه خبرونه
په خوست او کونړ ولایتونو کې د پاکستانیو پوځيانو پر بریدونو ځاني او مالي زیانونه رامنځته شوي
د اسلامي امارت د ویاند مرستیال حمدالله فطرت د خپرې شوې خبرپاڼې له مخې؛ په دې بريدونو کې د کوچيانو د يوې کورنۍ د يوې ښځينه او يو نرينه، يوې نجلۍ او یو هلک په ګډون ۴ کسان شهيدان شوي او درې نور ماشومان ټپيان دي.
د تېرې شپې په وروستیو کې د خوست ولايت د عليشېرو ـ تريزيو ولسوالۍ اړوند د صدقو کلي د بدرګې ګورګورې په اړوند سيمه کې د پاکستاني پوځي رژيم له لوري د عامو خلکو پر کورونو او د کوچيانو پر خېمو د توپونو او هاوانونو بريدونه ترسره شوي دي.
د اسلامي امارت د ویاند مرستیال حمدالله فطرت د خپرې شوې خبرپاڼې له مخې؛ په دې بريدونو کې د کوچيانو د يوې کورنۍ د يوې ښځينه او يو نرينه، يوې نجلۍ او یو هلک په ګډون ۴ کسان شهيدان شوي او درې نور ماشومان ټپيان دي.
دغه راز د خبرپاڼې له مخې؛ د کـونړ ولايت د منورې ولسوالي پر بېلابېلو سيمو۳۲ مرمۍ لګېدلي، چې زیانونه نلري.
همدارنګه په خبرپاڼه کې راغلي، چې د سرکاڼو ولسوالي پر بېلابېلو کلیو او بانډو؛ ګلاپړۍ، شونکړۍ، ګنجګل، ناوه، څپري او ناوې سیمو۱۱۰ مرمۍ لګېدلي، چې ځاني زیان نلري؛ خو د جعفر نومي کس کور ویجاړ شوی دي.
ویل کیږي، چې د دې ولایت د ناړۍ ولسوالي پر دوکلام، بریکوټ او څونګلي سيمو هم ۶۵ مرمۍ لګېدلي، چې ولسي خلکو ته يې درانده مالي زيانونه اړولي او د خاص کونړ ولسوالۍ پر لکې تیګي، لړم کڅ او شالۍ سیمو۱۴ توپونه لګېدلي، چې مالي او ځاني زيان نلري.
تازه خبرونه
چین په ایران کې د جګړو د بندېدا او د افغانستان ـ پاکستان د کړکېچ د سمدستي کمېدو غوښتنه وکړه
د چین بهرنیو چارو وزارت د خبرپاڼې له مخې؛ وانګ یی د ایران پر وضعیت د ټینګار تر څنګ ویلي، چې د کړکېچ د زیاتېدا د مخنیوي لپاره باید امریکا او اسرائیلو پوځي عملیاتو ودروي.
د چین بهرنیو چارو وزارت ویلي، چې د بهرنیو چارو وزیر وانګ یی د پاکستان د لومړي وزیر مرستیال او بهرنیو چارو وزیر محمد اسحاق ډار سره په ټیلیفوني خبرو کې د سیمهییزو پرمختګونو په اړه خبرې وکړې.
د چین بهرنیو چارو وزارت د خبرپاڼې له مخې؛ وانګ یی د ایران پر وضعیت د ټینګار تر څنګ ویلي، چې د کړکېچ د زیاتېدا د مخنیوي لپاره باید امریکا او اسرائیلو پوځي عملیاتو ودروي.
هغه دا هم ویلي، چې چین پر خلیج هېوادونو له بریدونو ملاتړ نهکوي او پر ملکي وګړو او ملکي ودانیزو بنسټونو د بریدونو غندنه کوي.
دغه راز په دې خبرو کې د افغانستان او پاکستان ترمنځ پر وروستیو نښتو هم بحث شوې.
وانګ یی ویلي، چې د افغانستان د چارو لپاره د چین ځانګړي استازي د دواړو هېوادونو ترمنځ سفر پیل کړی، چې د خبرو او پخلاینې زمینه برابره کړي.
نوموړي ټینګار کړی، چې لومړی باید د کړکېچونو د زیاتېدا مخه ونیول شي او ژر تر ژره دواړه خواوې د خبرو اترو میز ته راستانه شي.
-
تازه خبرونه4 days agoسږ کال د ښځو د حقونو ۳۴۰۰ شکایتونه وارزول شول – امر بالمعروف
-
تازه خبرونه1 day agoنورالدین عزیزي او د چین ځانګړي استازي د اقتصادي همکاریو پر پراختیا خبرې وکړې
-
تازه خبرونه3 days agoپه ایران کې مو د دښمن پر ګونډو کول موخه ده – د امریکا د جنګ وزیر
-
سیمه ییز خبرونه5 days agoد ایران هر نوي برید ته به متقابل ځواب ورکړ شي- عربستان
-
تازه خبرونه4 days agoپه پېښور کې د کندوز پر کابل بانک د برید طرح ووژل شو- راپور
-
تازه خبرونه3 days agoنن د ملګرو ملتونو امنیت شورا د افغانستان په اړه غونډه کوي
-
تازه خبرونه4 days agoخلیلزاد په افغانستان کې د نجونو لپاره د ښوونځیو او پوهنتونونو د بیا پرانیستلو غوښتنه وکړه
-
سیمه ییز خبرونه4 days agoد ایران د راتلونکي مذهبي رهبر په اړه اجماع رامنځته شوه
