تازه خبرونه
د افغانستان اسلامي امارت د ترکیې خبرو ته هیله من دی
ذبیحالله مجاهد زیاته کړې: “مونږ باید صبر وکړو، چې مسوولې خواوې له مونږ سره پایلې شریکې کړي؛ له وخت مخکې سمه نده، چې قضاوت وکړو یا د مسلو په اړه خپل مثبت یا منفي چلند څرګند کړو.”
د افغانستان اسلامي امارت ویاند ذبیح الله مجاهد آریانا نیوز ته ویلي، چې په ترکیه کې د افغان او پاکستاني پلاوي ترمنځ خبرې روانې دي او تر دې دمه یې وروستۍ پایله اعلان شوې نده.
ذبیحالله مجاهد زیاته کړې: “مونږ باید صبر وکړو، چې مسوولې خواوې له مونږ سره پایلې شریکې کړي؛ له وخت مخکې سمه نده، چې قضاوت وکړو یا د مسلو په اړه خپل مثبت یا منفي چلند څرګند کړو.”
هغه ټینګار کړی، چې د افغانستان اسلامي امارت تل خبرې غوښتي او ډېری ستونزې د خبرو له لارې حل کېدی شي.
د اسلامي امارت ویاند وایي: ” که کوم اړخ پر افغانستان یرغل وکړي یا زمونږ له حریم سرغړونه وکړي؛ نو له ورته غبرګون سره به مخ شي او افغانانو ته د خپلې دفاع حق خوندي دی. مونږ له کوم هېواد یا اړخ سره جګړه یا شخړه نهغواړو او د افغانستان خاوره به د هیچا پر وړاندې ونهکارول شي.”