تازه خبرونه
د افغانستان او عمان چارواکو د ایران د جګړې او په افغانستان کې د پاکستان د یرغل په اړه خبرې وکړې
په دې ټیلیفوني خبرو کې دواړو خواوو د افغانستان او عمان ترمنځ پر دوه اړخیزو اړیکو او همدارنګه په سیمه کې د وروستیو بدلونون په اړه خپل اندونه وړاندې کړل.
د افغانستان بهرنیو چارو وزیر امیر خان متقي د عمان بهرنیو چارو له وزیر بدر بن حمد البوسعیدي سره د سیمې د پوځي یرغلونو په اړه ټیلیفوني بحث او خبرې کړې دي.
په دې ټیلیفوني خبرو کې دواړو خواوو د افغانستان او عمان ترمنځ پر دوه اړخیزو اړیکو او همدارنګه په سیمه کې د وروستیو بدلونون په اړه خپل اندونه وړاندې کړل.
دواړو سیالانو په منځني ختیځ کې وروستي بدلونونه د اندېښنې وړ وبلل او د ایران پر وړاندې یې د امریکا او اسرائیلو یرغل او د سیمې نورو هېوادونو ته د جګړې خپرېدل وغندل.
په دې خبرو کې د افغانستان او پاکستان ترمنځ د وروستي پوځي وضعیت په اړه بحث شوی او د افغانستان بهرنیو چارو وزیر د پاکستان د پوځي یرغل او د اسلامي امارت د دفاعي او غچ اخیستونکو بریدونو په اړه د اسلامي امارت دریځ څرګند کړ.
ویل کیږي، چې دواړو خواوو د خبرو اترو له لارې د اختلافاتو او سیمهییزو ستونزو د حل لپاره د ډیپلوماسۍ پر غوره کولو ټینګار څرګند کړ.