سوداگري
د افغانستان او پاکستان سوداګري ۱.۲ میلیارډ ډالرو ته راټیټه شوه
د پاکستان جیو نیوز د چارشنبې پر ورځ (د غبرګولي یوولسمه) راپور ورکړ، چې د افغانستان او پاکستان ترمنځ کلنۍ سوداګري له ۲.۵ میلیارډ ډالرو څخه ۱ میلیارډ ډالرو ته راټیټه شوې ده.
پاکستانيو رسنیو راپور ورکړی، چې له افغانستان سره د پاکستان سوداګري ۱.۲ میلیارډ ډالرو ته راټیټه شوې ده.
د پاکستان جیو نیوز د چارشنبې پر ورځ (د غبرګولي یوولسمه) راپور ورکړ، چې د افغانستان او پاکستان ترمنځ کلنۍ سوداګري له ۲.۵ میلیارډ ډالرو څخه ۱ میلیارډ ډالرو ته راټیټه شوې ده.
په راپور کې زیاته شوې، چې په سوداګریزو پالیسیو کې د ثبات نشتوالی او د سرحدي لارو تړل د دواړو هېوادونو ترمنځ د سوداګرۍ د کمښت بنسټیز لاملونه دي.
د افغانستان او پاکستان د سوداګرۍ د ګډې خونې مرستیال ضیاء الحق سرحدي جیو نیوز ته ویلي، چې د سوداګرۍ حجم زیاتولو لپاره، پاکستان اړتیا لري، چې د منځنۍ آسیا هېوادونو ته لاسرسی ومومي.
اوسمهال افغانستان ته د پاکستان ډېری صادرات سمنټ، اوړه، درمل، بوره، میلګرد او سابه دي؛ خو له افغانستان څخه د پاکستان واردات اکثره میوې او بېلابېل سابه دي.