Connect with us

سوداگري

د افغانستان زرګونه تولیدي کارخونې له نا څرګند برخلیک سره مخ دي

خپور شوی

د

(Last Updated On: مرغومی ۳, ۱۴۰۰)

د افغانستان د صنایعو اوکانونوخونې مسوولین وېره ښيي، چې که د افغانستان کنګل شوې پانګه آزاده نشي؛ زرګونه تولیدي کارخونئ به وتړل شي.

د هېواد خصوصي سکتور غړيو ويلي؛ په تېرو شل کلونو کې د دې سکتور لخوا میلیارډدونه ډالر پانګونه شوې، خو اوس د نړیوالو بندیزونو له کبله د هېواد اقتصادي نظام او خصوصي سکتور له سختو ننګونو سره مخ شوی دی.

د دې خونې مسوولینو ويلي، چې د امریکا لخوا په کنګل شوې پانګه کې دوه نیم میلیارډ ډالر د خصوصي سکتور دي.

دوی څرګندوي؛ پانګوال نور د دې وړتیا نلري، چې خپلو تولیدي فابریکو ته اوومه توکي برابر کړي.

د خصوصي صنایعو او کانونو خونې مشر شېرباز کمین زاده ویلي: مونږ نشو کولی، چې نور دا حالت وزغمو؛ ځکه، چې نړۍ له افغان ملت سره ظلم پیل کړ. که ونشوه؛ نو له ملګرو ملتونو څخه به د خپلو حقونو د ترلاسه کولو لپاره خپل غږ پورته کړو.

د خصوصي سکتور غړي ويلي، چې د نړیوالې ټولني لخوا د افغانستان ۹ اعشاریه پېنځه میلیارډ ډالر کنګل شوي، چې دوه اعشاریه پېنځه ۲،۵ میلیارډ يي د خصوصي سکټور دي.

دوی د دغې پانګې د آزادیدو غوښتنه کوي او وايي؛ افغانان اوس په دې پوهیږي، چې د بحران تر ټولو ستر لامل پخپله نړیوا له ټولنه ده.

د صنایعو او کانونو خونې مرستیال سخي احمد پیمان وایي: مونږ او د افغانستان ولس په دې ښه پوهیږي، چې ستونزه چا رامنځته کړي؛ خو هیله لرو، چي دا ستونزه پخپله حل کړي.

د افغانستان لوژیستیکي شرکتونو مسوولینو هم په ډاګه کړې، چې له نړیوالو او ملي بنسټونو سره يي په لسګونه میلیارډ افغانۍ پاتې دي، چې اوس یې هیڅوک هم مسوولیت نه مني.

د لوژیستکي شرکتونو استازی محمدبازغیرت وایي: مونږ له خپل ملت سره کار کړی او خدمات مو وړاندي کړي دي. پیسې مو؛ ځکه پاتي دي، چې د افغانستان پیسې کنګل شوي. هیله ده، چې دا پیسې بېرته آزادې کړي.

د افغانستان اسلامي امارت مسوولینو ويلي، چې که په افغانستان کې هر اقتصادي ناروین رامنځته کیږي مسوولیت يي د نړیوالې ټولني پر غاړه دی.

د افغانستان اسلامي امارت د ویاند مرستیال انعام الله سمنګاني وایي: مونږ څو ځلې پر نړیوالې ټولنې غږ کړی؛ دوی د ملت پیسې بندې کړي، چې ملت اوس ورته اړتیالري. که بحران راشي؛ نو حکومت يي مسوولیت نلري.

د اقتصادي چارو کارپوهانو هم ويلي، چې امریکا باید د افغانستان کنګل کړې پیسي خلاصي او خصوصي سکتور ته آسانتیاوې برابرې کړي.

د اقتصادي چارو کارپوه: صدراعظم منګل وایي: مونږ ګورو، چې ستونزه ورځ تر بلي په پراخیدو ده او لامل يي هم نړیواله ټولنه ده، چې د افغانستان ټول اقتصادي نظام يي تحریم کړی دی.

د خصوصي سکټورغړيو ویلي؛ که نړیواله ټولنه د افغانستان د خصوصي برخې ستونزې حل نکړي، نو دوی به د خپلو حقونو د ترلاسه کولو لپآره نړیوالو محاکمو ته عارض شي.

سوداگري

د آنلاین صرافیو هڅې بندې شوې

Published

on

(Last Updated On: وری ۲۱, ۱۴۰۳)

د افغانستان بانک څرګنده کړې، چې د انلاین صرافیو فعالیتونه منع دي او له سرغړوونکیو سره به قانوني چلند وشي.

د دې ادارې د خبرپاڼې له مخې؛ کوم چا یا شرکت ته تر دې دمه د انلاین صرافۍ د چلولو جواز ندی ورکړ شوی؛ ځکه دا ډول فعالیتونه غیر قانوني دي.

په خبرپاڼه کې راغلي: د افغانستان بانک له ګرانو هېوادوالو غوښتنه کوي، چې د دې راکړې ورکړې د خطرونو، زیانونو او وروستیو مسوولیتونو له کبله د انلاین صرافۍ له معاملاتو ډډه وکړي.

د افغانستان بانک په خبرپاڼه کې راغلي، چې دغه موضوع يې امنيتي او کشفي ارګانونو ته رسولې او له سرغړوونکیو سره به قانوني چلند وشي.

Continue Reading

سوداگري

د صادراتو د پراختیا لپاره د بدیلو لارو په اړه لومړنۍ غونډه ترسره شوه

Published

on

(Last Updated On: وری ۲۱, ۱۴۰۳)

د صنایعو او سوداګرۍ وزارت څرګنده کړې، چې د اقتصادي کمیسیون د پرېکړې له مخې د هېواد د سوداګرۍ  او صادارتو د پراختیا لپاره د نويو لارو د پیداکولو لپاره د تعرفي کمیټي لومړنۍ ناسته تر سره شوه.

د صنعت او سوداګرۍ وزارت پر مشرۍ په جوړه شوې ناسته کې پرېکړه شوې، چې د خصوصي سکتورغړي به خپل استازي تعرفي کمیټې ته وروپېژني، چې له نويو مسیرونو څخه د استفادې لړۍ  پراخه شي.

د صنعت او سوداګرۍ وزارت وايي، چې دا اقدام په دې معنا ندی، چې پخواني سوداګریز بندرونه دې بندکړې؛ خو د هېواد د اقتصادي پراختیا لپاره اړینه ده، چې نوي اقتصادي مسیرونه پراخ کړي.

د صنعت او سوداګرۍ وزارت ویاند عبدالسلام جواد اخوندزاده وایي: د اقتصادي کمیسیون د پرېکړې پر بنسټ د صنعت او سوداګرۍ وزارت پر مشرۍ د تعرفې کمیسیون د هېواد د صنعت او سوداګرۍ د رونق لپاره د نوي مسیرونو پر رامنځته کولو غونډه وکړه او هڅه کیږي، چې د هېواد د اقتصادي پراختیا لپاره نوي مسیرونه هم پرانستل شي.

د خصوصي سکتورغړي هم وايي، چې افغان صادروونکي اوس هم د صادراتو او ټرانزیټ په برخو کې وخت ناوخت له ستونزو سره مخ کیږي؛ نو له همدې کبله دا مهمه ده، چې د هېواد د صادراتو او ټرانزیټ د پراختیا لپاره باید پر نويو لارو تمرکز ډېر شي، چې د افغان سوداګر نړیواله سوداګري په منظم ډول تر سره کړي.

د صنایعو او کانونو خونې غړی عبدالنصیر رشتیا وایي: زمونږ ټرانزیټ او صادارت کله نا کله په ځینو پخوانیو مسیرونو کې له ستونزو سره مخ کیږي، چې دا زمونږ د نړیوالۍ سوداګرۍ پر ضرر ده. د نويو مسیرونو له جوړېدو سره به مو د هېواد ستونزې اوارې شي.

د اقتصادي  چارو ځیني کار پوهان پدې باور دي، چې د نويو مسیرونو له رامنځته کېدو سره به د هېواد په صادراتو کې د پام وړ زیاتوالي راشي او له نويو مسیرونو څخه به د افغان سوداګرو حضور په نړیوالو مارکیټونو کې نور هم  پراخ  شي.

د اقتصادي چارو شنونکی شبیر احمد بشیري وایي: په روانو شرایطو کې افغانستان ته مهمه ده، چې د خپلو اقتصادي اړیکو د پراختیا لپاره د صادراتو او ټرازیټ مسیرونه پرانیزي؛ ځکه خصوصي سکټور په پخوانیو مسیرونو کې ستونزې لري.

د ایران د ګمرکونو یو مسوول په دې وروستیو کې ویلي، چې تېر لمریز کال افغانستان ته د ډول- ډول مالونو د ټرانزیت کچه درې برابره زیاته وه.

د ایران د جنوبي خرآسان د ګمرکونو عمومي مشر محمد کوهګر څرګنده کړې، چې له دې سیمې څخه افغانستان ته د مالونو لېږد درې چنده شوی دی.

د محمد کوهګر د څرګندونو له مخې؛ تېرکال د مهیرود ګمرک له لارې ۱۹ زره ۹۳۶ لارۍ  باروړونکي توکو افغانستان ته لېږدول شوي دي.

Continue Reading

سوداگري

افغانستان او پاکستان د سوداګرۍ او ټرانزیټ په برخه کې د همکارۍ هوکړه وکړه

Published

on

(Last Updated On: وری ۹, ۱۴۰۳)

په کابل کې د پاکستان سفارت چارسمبالي عبیدالرحمن نظاماني د چارشنبې پر ورځ ( د وري اتمه ) نا وخته په یوه ویډیویي پیغام کې څرګنده کړې، چې په کابل کې پاکستاني پلاوي د اسلامي امارت له چارواکو سره د ګډو ګټو د خوندیتابه او دوه اړخیزې سوداګرۍ د اسانتیاوو رامنځته کولو لپاره هوکړه کړې ده.

دغه پلاوی دوه ورځې مخکې د پاکستان د سوداګرۍ وزارت د مرستیال محمد خرم اغا پر مشرۍ کابل ته راغلی و.

د پاکستان سفارت چارسمبالي زیاته کړې، چې افغانستان ته د پاکستاني پلاوي سفر بریالی و.

عبید الرحمن نظاماني دغه سفر له افغانستان سره د دوه اړخیزې سوداګرۍ او ټرانزیټ په برخو کې د ځواکمنو اړیکو د رامنځته کولو لپاره د پاکستان د ښو هڅو ښکارندویي کوي.

هغه ویلي، دواړو خواوو هوکړه کړې، چې د ګډو ګټو لپاره به ګډ کار کوي. افغانستان او پاکستان په یو شمېر برخو کې د دوه اړخیزې سوداګرۍ او ټرانزیټ لپاره د اسانتیاوو پر برابرولو هوکړه وکړه.

د پاکستان د سوداګرۍ وزارت د مرستیال پر مشرۍ پلاوی د دوشنبې پر ورځ ( د وري شپږمه) کابل ته راغی او د سې شنبې پر ورځ یې د بهرنیو چارو وزارت له چارسمبالي امیرخان متقي سره وکتل.

د بهرنیو چارو وزارت د ویاند مرستیال ضیا احمد په ایکس پاڼه کې لیکلي، چې دوی د سې شنبې د ورځې په لیدنه کې د سوداګرۍ، ټرانزیټي او اقتصادي اړیکو پر پیاوړتیا خبرې وکړې.

د نوموړي د څرګندونو له مخې؛ امیر خان متقي د پاکستان د سوداګرۍ وزارت له مرستيال سره په ليدنه کې د ټرانزيټي ستونزو او د هغوى د حل په اړه ” تفصيلي” خبرې وکړې.

هغه زیاته کړې، چې خرم اغا ژمنه وکړ، چې د ټرانزیټي ستونزو د حل لپاره به ژر تر ژره یوه حل‌لار ومومي.

دغه پاکستاني پلاوی د افغانستان پر دوه ختیځو ولایتونو د پاکستان د هوايي بریدونو او د دواړو لورو ترمنځ د اړیکو له ترینګلتیا وروسته د اسلامي امارت د صنعت او سوداګرۍ وزارت پر رسمي بلنه کابل ته سفر کړی دی.

Continue Reading

Trending

Copyright © 2022 Ariana News. All rights reserved!