Connect with us

تازه خبرونه

د امریکا، روسیې، چین او پاکستان چارواکي د افغانستان په اړه غونډه کوي

خپور شوی

د

(Last Updated On: وری ۱۰, ۱۴۰۱)

د امریکا او چین د بهرنیو چارو وزارتونو پرون (سې شنبه د وري ۹ ) ویلي، چې د امریکا یو جګپوړی ډیپلومات به په روانه اوونۍ کې د روسیې، چین او پاکستان د بهرنیو چارو له وزیرانو سره د افغانستان په اړه خبرې وکړي.

د امریکا د بهرنیو چارو وزارت یوه ویاند ویلي، امریکا پوهیږي، چې چین د اسلامي امارت استازیو ته په توسیچي سیمه کې یوې غونډې ته د ورتګ بلنه ورکړې ده.

د چین د بهرنیو چارو وزارت ویاند وانګ وینبین ویلي، چې د افغانستان لپاره د چین ځانګړي استازي یو شیایویونګ به د دې غونډې کوربه وي.

رویټرز د روسیې د انټرفکس خبري آژانس پر حواله ويلي، چې د روسیې د بهرنیو چارو وزیر سرګي لاوروف پرون د چین توسیچي سیمې ته رسېدلی دی.

رویټرز د امریکا د بهرنیو چارو وزارت د یوه ویاند د څرګندونو له مخې څرګنده کړې، چې د افغانستان لپاره د امریکا ځانګړی استازی ټام ویسټ هم د «ترویکا پلس» نومي په سرمشریزه کې، چې د امریکا، چین، پاکستان او روسیې استازي په کې برخه لري، ګډون وکړي.

دا غونډه په داسې حال کې تر سره کېږي، چې په اوکراین کې د روسیې یرغل روان ساتل شوی او افغانستان نه یوازې له اقتصادي ستونزو سره مخ دی، بلکې له هغې وروسته، چې اسلامي امارت واک ته ورسېد او له افغانستان سره مرستې کمې شوې، په دغه جګړه ځپلي هېواد کې بشري وضعیت ډېر کړکېچن شوی دی.

د ترویکا پلس د غړیو دا غونډه هم په داسې حال کې را منځته کیږي، چې د اسلامي امارت مشرانو له خپلو پخوانیو ژمنو سره سره له شپږم ټولګي پورت د نجونو د ښوونځیو له پرانستلو ډډه کړې، چې دا کار د نړیوالې ټولنې له خوا غندل شوی دی.

د امریکا د بهرنیو چارو وزارت ویاند خبرداری ورکړی، چې د قطر په پلازمېنه دوحه کې به له اسلامي امارت سره خبرې اترې لغوه کړي، د نجونو د ښوونځیو بندولو امریکايي چارواکي اړ کړي، چې له اسلامي امارت سره خبرې وکړي.

د امریکا د بهرنیو چارو وزارت د یوه ویاند له قوله رویټرز په ډاګه کړې، چې امریکا د ټولګډونه حکومت د جوړولو، له ترهګرۍ سره د مبارزې او د افغانستان د اقتصادي بیارغونې په برخه کې د همکارۍ په برخه کې د اسلامي امارت د ژمنو په اړه د ترویکا پلس له نورو غړیو سره پر خبرو باور لري.

د چین د بهرنیو چارو وزارت ویاند وانګ وینبین ویلي، د ترویکا پلس غړي د چارشنبې او پنجشنبې پر ورځو کې د افغانستان د ګاونډ هېوادونو د بهرنیو چارو وزیرانو د چین په ختیځ ان هوی ولایت کې غونډه کوي.

د دغې غونډې مشري به د چين د بهرنيو چارو وزير وانګ يي کوي.

د بهرنیو چارو سرپرست وزیر امیر خان متقي او د پاکستان، ایران، روسیې، تاجکستان، ترکمنستان، ازبکستان، اندونیزیا او قطر ډیپلوماتان هم په دې غونډه کې ګډون کوي.

تازه خبرونه

خواشینوونکې ده، چې اسلامي امارت ته د دوحې په غونډه کې د خبرو زمینه برابره نه‌شوه – چین

Published

on

(Last Updated On: کب ۵, ۱۴۰۲)

د افغانستان په چارو کې د چین استازي یو شیایویونګ د شنبې پر ورځ په ایکس پانه کې لیکلي، چې دا ناسته د اندونو د وړاندې کولو لپاره ګټوره وه او هېوادونو له افغانستان سره د عملي اړیکو او خبرو عوښتنه وکړه.

نوموړي زیاته کړې؛ افسوس، چې د افغانستان په اړه د دوحې د غونډې ګډونوال یو ځل بیا د چارسمبالي حکومت ( اسلامي امارت  ) له واکمنو چارواکو سره پر خبرو کولو بریالي نه‌شول. لکه څنګه، چې چین او د سیمې هېوادونه یې غوښتونکي وه.  

د چین دې ډیپلومات زیاته کړې؛ هېواد یې په دې ناسته کې د ډېرو بشري مرستو، معتدلې حکومتولۍ او د ښځو او نجونو لپاره د زده‌کړو غوښتونکی شو.

دغه راز چین له امریکا غوښتي، چې د افغانستان د بیا جوړونې او رغونې مسوولیت دې پر غاړه واخلي، د افغانستان بندې شتمنۍ دې ازادې او یو اړخیزه بندیزونه دې لرې کړي.

ملګرو ملتونو اسلامي امارت ته بلنه ورکړې وه، چې د افغانستان په اړه د دوحې په دوه‌یمه ناسته کې له نورو استازیو سره ګډون وکړي؛ خو اسلامي امارت د خپلو غوښتنو د نه منل کېدو له کبله هغه رد کړه.  

اسلامي امارت په دې غونډه کې د ګډون لپاره د افغانستان د خلکو استازيتوب، تعامل او له عمومي منشي سره د لیدنې غوښتنه کړې وه.

Continue Reading

تازه خبرونه

نړیوال بانک میلیونونو افغانانو ته د کاري زمینې په رامنځته کولو کې مرسته کوي

Published

on

(Last Updated On: کب ۵, ۱۴۰۲)

 د ژغورنې نړیوالې کمیټې په افغانستان کې د نړیوالې پراختیايي ادارې د مرستو لګولو په اړه د نړیوال بانک له وروستۍ پرېکړې هرکلی وکړ او څرګندوي، چې دا مسله به د خدمتونو په وړاندې کولو او د کاري فرصتونو رامنځته کولو کې لږ څه مرسته وکړي.

د دې بنسټ د خپرې شوې خبرپاڼې له مخې؛ د افغانستان په اړه د نړیوال بانک وروستی پلان د هوساینې لپاره د مرستو د برابرولو تابع دی، چې ورسره به افغانستان لږ تر لږه د اقتصادي ودې اوسنۍ لاره په ټیټه کچه وساتلی شي.

په خبرپاڼه کې راغلي؛ دا به د افغانستان د اقتصاد د ساتلو او ثبات لپاره مهم وي. په داسې حال کې، چې دا د سوداګرۍ بقا او د میلیونونو خلکو لپاره د عاید سرچینې تضمینوي. په هر حال، د افغانستان اقتصادي بحران په ټول هېواد کې د بشري اړتیاوو د لوړې کچې بنسټیز هڅوونکی دی.

د ژغورنې نړیوالې کمیټې ویلي، چې که څه هم د پلان اعلان په افغانستان کې د لومړنیو اړتیاوو د پوره کولو لپاره یو نوی پړاو دی؛ خو نور مرستندویان دې هم باید د بشري خدمتونو او مرستو په برابرولو کې خپله ونډه ښکاره کړي.

دې بنسټ زیاته کړې: ټولې مرستې د افغانانو د ملاتړ لپاره حیاتي دي او نړیواله ټولنه باید د اړینو خدماتو د ساتلو او د بشري ناورین د خرابېدا د مخنیوي لپاره مرستې روانې وساتي.

یوه اوونۍ مخکې نړیوال بانک څرګنده کړې وه، چې په افغانستان کې د ګټې اخیستنې لپاره به د نړیوالې پراختیايي ادارې له لارې شاوخوا ۳۰۰ میلیون ډالر مالي ټولګه برابره کړي.

Continue Reading

تازه خبرونه

یو چینایي شرکت په هرات ولایت کې د پولادو د تولید سروې وکړه

Published

on

(Last Updated On: کب ۵, ۱۴۰۲)

د هرات د اوسپنې پټلۍ رییس تېره ورځ د کب پر درېیمه د دې رياست د تخنيکي کارمندانو په شتون کې د معدنونو د استخراج او پروسس په برخه کې د يون لونګ زيرن چینایي شرکت له استازي سره وکتل.

چینایي پانګوال هرات ولايت ته د خپل سفر پر مهال د فولادو د توليد په برخه کې د ۳ ميليون امريکايي ډالرو پر ارزښت د يوې پروژې له سروې خبر ورکړ او وایي، چې وروسته به د پانګونې دا کچه تر ۱۰۰ ميليون امريکايي ډالرو لوړه شي.

د افغانستان اوسپنې‌پټلۍ ادارې په ایکس پاڼه کې لیکلي، چې د هرات د اوسپنې پټلۍ رییس محمد نسيم محمدي د يون لونګ زيرن شرکت استازي ونکسشويه ته د ښه راغلاست ترڅنګ څرګند کړه؛ اوسمهال په افغانستان او په ځانګړي توګه په هرات ولایت کې د معدنونو د استخراج او پروسس ترڅنګ د اوسپنې‌پټلۍ په برخه کې چينايي پانګوالو ته د پانګونې لپاره ښه فرصتونه موجود دي؛ ځکه، نو چينايي پانګوال باید له دې فرصت څخه ګټه پورته او دلته پر اوسپنې‌پټلۍ هم پانګونه زیاته کړي.

د يون لونګ زيرن شرکت استازي د افغانستان د اوسپنې‌پټلۍ ادارې له وروستيو فعالیتونو او پرمختګونو خوښي وښودله او د اوسپنې‌پټلۍ پراختيا يې له سيمې او نړۍ سره د افغانستان د نښلولو لپاره یوازنۍ لار وګڼله.

د يادونې ده، چې نوموړي په افغانستان کې د اوسپنې‌پټلۍ په برخه کې پانګونه لومړيتوب وګاڼه او څرګندوي، چې دا موضوع به د دې شرکت له رهبرۍ سره هم شريکه کړي.

Continue Reading

Trending

Copyright © 2022 Ariana News. All rights reserved!