تازه خبرونه
د بدخشان ولایت د واخان ولسوالۍ پامیریانو تذکرې ترلاسه کړې
د احصائې او معلوماتو ملي اداره نن (سې شنبه د لړم اووه لسمه) څرګنده کړې، چې د دې ادارې پلاوي د بدخشان ولایت واخان ولسوالۍ ته سفر کړی او د پامیرونو اوسېدونکیو ته یې د تابعیت تذکرې ووېشلې.
د دې بنسټ د معلوماتو له مخې، په دې بهیر کې شاوخوا ٥٧١ کسانو ته د تابعيت تذکرې، چې ٥٠١ یې مثنی او ٣٥ نوې دي؛ ووېشل شوې.
دغه راز د شاوخوا ۱۲۷ نورو د تذکرو انځورونه نوي شوي دي.
ویل کیږي، چې پاتې پامیریانو ته به د آسانتیاوو لپاره په نږدې راتلونکي کې تذکرې ووېشل شي.