Connect with us

تازه خبرونه

د بس په تمځي کې د افغانستان په اړه محرم اسناد مندل شوي

خپور شوی

د

Last Updated on: چنګاښ ۷, ۱۴۰۰

د بی بی سی د څرګندونو له مخې؛ د انګلستان د کینټ ښار د بس په تمځي کې د افغانستان په اړه د دغه هېواد د دفاع وزارت بېلابېل محرم اسناد موندل شوي دي.

په دې راپور کې راغلي؛ د دغو اسنادو یوه برخه په اوکراین کې د کریمیا ټاپو وزمې ته د کښتۍ تېریدو په اړه د روسیې پر احتمالي غبرګون بحث شوي. په داسې حال کې، چې بله برخه د امریکا په مشرۍ د بهرنیو ځواکونو له وتلو وروسته په افغانستان کې د بریټانیا د احتمالي شتون پر ټینګار څرګندونې لري.

د بریټانیا حکومت ويلي، چې پدې اړه یې پلټنې پیل کړې دي.

د بریټانیا د دفاع وزارت یوه ویاند ویلي، چې یوه پوځي چارواکي دوی ته د پوځي اسنادو د تر له لاسه ورکولو راپور ورکړی؛ خو په دې اړه نور جزئیاتو ورکول مناسب نه بولي.

د بی بی سي د څرګندونو له مخې: دغه اسناد، چې لږ تر لږه ۵۰ پاڼې لري؛ د سې شنبې پر ورځ د کینټ ښار د بس تمځي شاته ترلاسه شوي دي.

بي بي سي زیاته کړې، چې په دې اسنادو کې یو برېښنالیک او د پاور پواینټ دوسیه هم شته، چې د بریټانیا د دفاع وزارت یوه لوړپوړي چارواکي پورې اړه لري.

رسنۍ ښیي، چې د دغو حساسواسنادو ډېره برخه پر نښه شوې او بېلول یې داسې تر سره شوي، چې له ستونزې پرته د پوهاوي وړ دي.

راپور څرګندوي؛ په دې اسنادو کې امریکا له افغانستان څخه د امریکایي ځواکونو له وتلو وروسته د بریټانیا د یو شمېر ځواکونو د پاتې کېدو غوښتنه تر پوښتنې لاندې نیولې ده.

له دې مخکې یو شمېر رسنیو راپور ورکړی و، چې بریټانیا غواړي په افغانستان کې یو شمېر سرتېري وساتي.

بي بي سي څرګنده کړې، چې د اسنادو د محرمیت له کبله نه غواړي، چې دغه اسناد له رسنیو سره شریک کړي.

ویل کیږي، چې په افغانستان کې د بریټانیې شتون زیانمن ارزول شوی او څرګنده شوې، چې دغه ځواکونه به د بېلابېلو شبکو لخوا پر نښه شي. په داسې حال کې، چې د تل پاتې کېدو غوراوي ته یې اړتیا هم نه لیدل کیږي.

د دغو سندونو له مخې، په افغانستان کې سیاسي او امنیتي وضعیت دېر ډاډمن ګڼل شوی ندی.

تازه خبرونه

ترکیې یونان ته د اوښتو په هڅه کې ۳۵ افغان کډوال ونیول

پولیسو د عملیاتو پر مهال د ژغورنې ۱۲ واسکټونه، د ژغورنې ټوبونه او درې پمپونه هم ضبط کړي دي.

Published

on

د ترکیې پولیسو هغه  ۳۵ افغان کډوال نیولي، چې غوښتل یې د دې هېواد له شمال لویدیځ بالیکسیر ولایت څخه د سمندر له لارې یونان ته واوړي. دغه راز د کډوالو د قاچاق پر تور څلور شکمن کسان هم نیول شوي دي.

پولیسو د عملیاتو پر مهال د ژغورنې ۱۲ واسکټونه، د ژغورنې ټوبونه او درې پمپونه هم ضبط کړي دي.

د پولیسو له کړنلارو وروسته؛ له څلورو شکمنو کسانو څخه درې د محکمې پر حکم زندان ته لېږدول شوي، خو څلورم کس د قضايي څارنې لاندې خوشې شوی دی.

۳۵ افغان کډوال هم د ناقانونه کډوالو مرکز ته لېږدول شوي دي.

Continue Reading

تازه خبرونه

د افغانستان او بریټانیا استازو د پاکستان او افغانستان پر اړیکو خبرې وکړې

د ارګ د خبرپاڼې له مخې؛ ملا عبدالواسع افغانستان ته د بریټانیا د بشري مرستو او د افغانستان او پاکستان ترمنځ د ستونزو د حل او د دواړو هېوادونو د اړیکو د ښه کېدا لپاره د بریټانیا او نورو دوستو هېوادونو له هڅو مننه کړې ده.

Published

on

د ریاست‌الوزراء مقام د دفتر عمومي رییس ملا عبدالواسع د ویډیوکنفرانس له لارې د افغانستان لپاره د بریټانیا له ځانګړي استازي ریچارډ لینډزي سره د سیمې د روان وضعیت، د افغانستان او پاکستان د اړیکو او د دواړو هېوادونو ترمنځ د ستونزو د حل پر لارو چارو خبرې کړې دي.

د ارګ د خبرپاڼې له مخې؛ ملا عبدالواسع افغانستان ته د بریټانیا د بشري مرستو او د افغانستان او پاکستان ترمنځ د ستونزو د حل او د دواړو هېوادونو د اړیکو د ښه کېدا لپاره د بریټانیا او نورو دوستو هېوادونو له هڅو مننه کړې ده.

نوموړي ویلي، چې اسلامي امارت د ملي ګټو او متقابل درناوي پر بنسټ له ګاونډیو، سیمه‌ییزو او نړیوالو هېوادونو سره د ښو اړیکو او ګډې همکارۍ غوښتونکی دی او د سیمې د ثبات او سولې ملاتړ کوي.

دغه راز ریچارډ لینډزي ویلي، چې بریټانیا د سیمې روان بدلونونه له نږدې څاري او د افغانستان او پاکستان ترمنځ د ستونزو د حل او د دواړو هېوادونو د اړیکو د عادي کېدا لپاره یې له دواړو لوریو سره لیدنې او سلا مشورې کړې دي.

نوموړي زیاته کړې؛ په نږدې راتلونکي کې به پاکستان ته سفر وکړي او د دغه هېواد له چارواکو سره به د اړوند موضوعاتو په اړه خبرې وکړي، چې د شته ستونزو د حل لپاره د خبرو او تفاهم زمینه برابره شي.

د ریاست‌الوزراء مقام د دفتر عمومي رییس په پای کې ټینګار کړی، چې اسلامي امارت د اقتصادمحوره بهرنۍ تګلارې په چوکاټ کې له ګاونډیو، سیمه‌ییزو او نړیوالو هېوادونو سره د ستونزو سوله‌ییز حل ته ارزښت ورکوي.

هغه زیاته کړې، چې افغانان د سولې غوښتونکي ملت په توګه د خبرو اترو له لارې د ستونزو د حل اوږده تجربه لري.

Continue Reading

تازه خبرونه

په تېرو دوه اوونیو کې له ایران او پاکستان څخه څه باندې ۹۵ زره افغانان افغانستان ته راغلي

د دې بنسټ د تازه راپور له مخې؛ ۶۴ زره او ۷۳۲ کسان، چې ۶۸ سلنه جوړوي له ایران او ۳۰ زره او ۷۵۷ کسان، چې ۳۲ سلنه کېږي؛ له پاکستان څخه افغانستان ته راغلي دي.

Published

on

 

د کډوالۍ نړیوالې ټولنې ويلي، چې د ۱۴۰۵ لمریز لېږدیز کال د لړم له درېیمې څخه تر شپاړلسمې / د ۲۰۲۶ز.کال د اوکټوبر له پنځه‌ویشتمې څخه د نومبر تر اوومې پورې ۹۵ زره او ۴۸۹ افغانان له ایران او پاکستان څخه افغانستان ته راغلي دي.

د دې بنسټ د تازه راپور له مخې؛ ۶۴ زره او ۷۳۲ کسان، چې ۶۸ سلنه جوړوي له ایران او ۳۰ زره او ۷۵۷ کسان، چې ۳۲ سلنه کېږي؛ له پاکستان څخه افغانستان ته راغلي دي.

دغه راز له افغانستان څخه د ۴۴زره او ۸۹۹ کسانو وتل هم ثبت شوي، چې له ۳۴زره او ۲۰۶ کسان ایران او ۱۰ زره او ۶۹۳ نو پاکستان ته تللي دي.

راپور ښيي، چې د اسلام‌کلا بندر د ټولو ثبت شوي راتګ ۴۰.۵ سلنې له کبله تر ټولو ډېر د تګ راتګ سرحدي بندر و. له دې وروسته د پل ابریشم بندر د ۲۵.۷ سلنې او سپین‌بولډک د ۱۷.۶ سلنې پر درلودلو دوه‌یم او درېیم ځای خپل کړی دی.

Continue Reading
Advertisement

Trending

Copyright © 2026 Ariana News. All rights reserved!